8
4
2
港鐵灣仔站 A5 出口, 步行約6分鐘 繼續閱讀
所有分店 (25)
電話號碼
29557790
營業時間
今日營業
11:00 - 22:00
星期一至日
11:00 - 22:00
付款方式
AlipayHK 支付寶 現金 八達通
其他資料
當面支付
食評 (15)
等級4 2020-08-08
232 瀏覽
之前去一芳都係飲水果茶多,今日見有推廣黑糖珍珠鮮奶,而我絕對係係黑糖珍珠鮮奶控,當然要試下啦黑糖珍珠鮮奶, 黑糖味好濃,而且珍珠口感比較腍,但仍然好有咬口,好煙靱!同食到有層薄薄的黑糖衣係珍珠表面,所以珍珠味道係非常夠!而且珍珠份量仲好多,好開心!! 鮮奶都幾香,可能我外賣拎到返屋企先飲……啲冰已經溶哂………攪混之後啲水沖淡左啲奶,但仍然有奶香,好滑,亦唔會好似奶水咁,如果啲冰未溶一定更好飲!另外仲有黑糖珍珠麥精豆奶,岩哂我老公!佢唔飲得鮮奶,但成日見我話黑糖珍珠厚奶好好飲佢又冇得試,呢杯麥精豆奶真係為佢而設,佢終於明白點解我咁鍾意飲!呢杯麥精豆奶真係好好飲,好濃味,就算冰溶左都仲好夠味!真係推薦!以後除左小黑糖又有另一間選擇喇! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-22
770 瀏覽
係哩段艱辛的時期難得出街,梗係要消費下刺激黃色經濟💰💰行過見到哩間一芳舖面咁靚就知一定要幫襯🐷.松柏嶺青茶 (L) $20台式飲料本身就偏甜,所以去邊間台式飲品店都一定會少甜少冰一芳名物水果茶係台灣飲過,今次就叫杯大的松柏嶺青茶,因為好驚台式茶飲好甜,所以叫左半糖少冰,點知都係覺得偏甜,有時都唔係好明點解台灣人飲咁甜🙈雖然甜左些少又凍左些少,但茶底濃郁唔澀,止渴甘甜,如果係三分糖走冰會更好🤪 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-03
316 瀏覽
平日我嚟到台灣最鍾意嘅飲品就係檸檬愛玉,奈何一直都搵唔到有台灣味道嘅檸檬愛玉,今日經開一芳見口淡淡,就決定叫杯試下,點知有驚喜❗️❗️❗️中華愛玉檸檬🍋 $29同平時香港嘅台式飲品店一樣,有得選擇甜度同冰度,健康嘅我就梗係揀少甜少冰啦講番杯野飲愛玉:份量一啲都唔失禮,大約佔咗三份一杯,口感好厚好夠,好QQ,出色檸檬🍋:檸檬味好夠,酸度啱啱好整體黎講好出色,第一次係香港飲到咁有台灣味道嘅愛玉檸檬🍋 繼續閱讀
(以上食評乃用戶個人意見 , 並不代表OpenRice之觀點。)
行到灣仔口乾乾,終找一間位於灣仔軒尼斯道的良心台式茶飲店,就是一芳水果茶店。這間店的特色是舖內貼滿了每位顧客心願的便利貼及不同的文宣,門前貼上良心驗証,懲罰得非常放心,多顧客光顧也是非常正常。在茶飲品種琳瑯滿目的餐牌上最終找到一杯最適合我, 哈!就係依杯金峰洛神檸檬🍋,紅紅的洛神花有助降血脂抗衰老的養生食材,但洛神花的味道單調,通常配上酸梅汁或蘋果醋,一芳就配上台灣出產的綠皮檸檬帶回酸酸甜甜的台灣風味,味道清新,值得一試。 繼續閱讀
(以上食評乃用戶個人意見 , 並不代表OpenRice之觀點。)
大甲芋頭鮮奶 $35 🥛🍠連主打水果茶既一芳前排都推出左芋頭鮮奶啦 仲要標榜用大甲芋頭整!作為芋頭控既小編梗係要即刻去試啦😝_其實本身對呢杯芋頭鮮奶冇乜expectation 因為一芳始終唔係做開呢範 但估唔到呢個有的驚喜呢!一攞到手 嘩!芋泥份量慷慨到‼️‼️差唔多成半杯都係芋泥呢😻 將佢同d奶撈埋 然後一飲...🤩🤩🤩 芋頭味意想不到地濃郁呢‼️‼️‼️ 而且同奶味平衡得唔錯~店員話芋泥本身帶甜 所以建議無糖~ 不過即使係無糖 小編都係覺得有啲偏甜🙈🙈 但還可接受 同埋幸好芋泥味道唔人工同埋幾濃郁 所以小編收貨😚 至於口感呢 芋泥入面藏有超多顆粒 多到有時會塞住條飲管😂 所以口感特別豐富!不過稍嫌啲顆粒硬左啲 如果可以熬得再綿身些少一定仲正!_雖然個人覺得都係milksha既芋頭奶勝出😛 但一芳勝在分店夠多 得閒經過買杯過下口癮都好開心好滿足🥰🥰🥰 繼續閱讀
(以上食評乃用戶個人意見 , 並不代表OpenRice之觀點。)