一線軒

營業中

休息中

今次要嚟到太古坊附近覓食喇，午飯時間度度都好多人 。想食啲辣嘢開下胃，行咗入嚟巷仔裏面發現到呢間。 係有啲「噏dup」嘅，光線亦都唔係好充足。 午市繁忙時間就預咗會需要搭枱，但唔知有意定無意，我連碗粉都未食曬嘅時候，已經叫咗新嘅客人入嚟。最後我唯有人連碗粉坐咗喺第二枱，店員同客人都有講唔好意思嘅。 講返食物味道，叫咗中辣多麻，夠辣嘅，都算幾濃味。 頭兩個餸係粉錢連埋，另外加多兩個餸都幾抵，由第五個餸開始就貴啲喇，啲食物 中中挺挺，冇話特別突出，但都冇失望嘅。 飲品方面就有啲失望啦，因為只有杯裝豆漿，汽水，同埋紙包茶，冇即沖嗰啲奶茶檸茶🥲

午市時間太多人，要等20分鐘先攞到，湯底不錯，大腸乾淨，但米線份量少，比譚仔少1/3，食完唔飽，男士一定唔夠。兩送$4x不太貴但唔叫平，相比譚仔，譚仔低食啲。但最大問題係等得太耐。

之前睇某youtuber推介土瓜灣的一線軒唔知鰂魚涌呢間係咪佢分店作為米線控嘅我一場嚟到北角呢邊當然點都會試一試！本身好開心佢有得選擇多葱但送到上嚟睇唔出有多到🥲目測係同原本份量無分別豬軟骨唔夠淋同可以再入味啲軟骨部份都幾「銀」牙其他包心丸個啲正常無嘜大分別米線質地幾好，屬幼身，有煙韌口感唔會太淋易斷湯底係酸辣湯，酸菜都幾多，鐘意酸嘅朋友應該會滿意辣度唔算好辣，下次我應該可以叫中辣總結係不過不失，未有驚艷到我嘅味道

今日要在鰂魚涌見客，我很久沒來過此地方，就在附近找個麵食。太古坊，附近，海灣街嘉榮大廈，有一間叫一線軒，就入去食他的米線。夏天開始了，天氣炎熱，最好食返碗酸或辣米線。開胃加去濕。這裏很是方便，用二維碼去訂購食物。選擇食物和飲品的頁面一目了然，非常清晰。我叫了豬軟骨米線，小辣，當然要配上絕配的豆漿。一碗熱辣辣的米線到來了，份量好足夠。豬軟骨都有三大一小嚿。還有芫荽，如果鍾意食，又是其中一個靈魂。豬軟骨，軟硬適中，好有中國傳統烹調豬軟骨的味道和手法。不像一些像日式，太林了。沒有了咬口咁。米線烹調時間適中，加上酸菜味道非常開胃。豆漿又滑和不太甜。最後一個加分位是冷氣，好夠冷。有兩份我聽到有兩台食客，問可否關細一點。但我覺得好爽，正。P.S. 服務員，殷勤有禮。