一粥麵 (已結業)

其實已經係第N次係一粥麵食午餐不過剛剛做左open rice嘅會員想寫返我係open rice第2篇食評先本來無咩胃口不過食完之後個人開心返D:)叫左蝦米腸粉不錯不錯!!! D米槳好濃郁同埋好滑蝦米粒唔係狂多 或者勁少粒數okay啦 :)肉丸粥粥底同以往一樣 都係好綿不過今日潔左少少鍾意食稀粥嘅朋友未必覺得咁好我非常欣賞!因為D肉丸唔係好smooth好似打邊爐嘅texture係lup dut嘅texture 同埋你食度由免治肉條jit出黎嘅感覺仲有仲有....你應該食度肉汁雖然係快餐，但係都有粥鋪嘅感覺佢附送左幾粒油炸鬼不過今日個幾粒就麻麻地應該係翻炸 因為硬guit guit但係上次食(2個星期前) 不錯不錯鳳爪排骨煲仔飯唔知係咪佢唔記得比我等左10幾分鐘要自己出去催先得可能就係咁...多左好多飯焦成煲飯加左豉油 當你搞均之後 個味道好好味不過D餸都過得去嘅鳳爪就一般啦排骨不錯 因為唔係勁多肥膏都幾多肉冰鎮奶茶見熱熱地揀返冰鎮杯奶茶幾滑呀D牛奶好rich!!! XD不過要另外加$4有得飲overall因為我屋企人都鍾意食粥加上佢整嘅食品都唔錯所以成日去食可能年紀輕嘅未必會鍾意食呢D粥品但係以前古書都有記載定時食粥係可以清下腸胃係養生之道之一當然最理想就係屋企煲因為通常都唔會落味精但係無時間的話都可以去下一粥麵因為我次次食完都唔多覺有味精P.S. 本身我係個對味精好敏感嘅人你話快餐黎講價錢係咪抵食? 一般啦 不過同好多快餐店黎講...即係佢個兄弟大樂或者快活同美麗的心地應該差唔多個人認為不錯間中去食下都不錯…查看更多

曾在小西灣間一粥麵吃過粥腸粉，粥有米香，濃度剛好，蝦米腸好香蝦米味。以為同一集團，水準一樣，點知第一城這間，粥又稀又沒有米香，炒麵Ｄ麵竟然一塊塊，不是一條條，買生雲吞$18，8隻，一點也不平，還有一隻已爛皮，幸好叫她換也肯換。這間的厨師沒心機。…查看更多

無錯,呢間野係大家樂旗下,模式基本一樣;細間d, 多人時要等位;菜式唔一樣,比較中式:粥粉麵飯 鴛鴦炒飯: 廿幾蚊冇飲品一半白汁,另一半茄汁;不過,似芡汁咁,有d稀:比較濕;味道還好,但食材就比較少,似汁撈飯.唔似炒飯.細食者,兩人一碟剛好.…查看更多

今日一朝打table tennis移過一條馬路就黎到第一城.爸爸過黎接我放,陪我食luch,跟住去配眼鏡=]之前次次黎親多數都系食金裝燉奶佬今次轉轉口味:)我地系銀城商場行下行下..見冇咩好食,岩岩又見到呢間,甘就入左黎啦本來我完全吾知一粥麵系大家樂集團既~跟住見到D野食好似大家樂先知原來系大家樂-V-不過大家樂就冇粥麵果D,而呢到就有同埋呢到有卡位..大家樂就冇..~既然黎得一粥麵,,我就冇要平時大家樂有既野,要左個粟米蘑菇粥.而爸爸就要左雲吞面面個都系廿蚊..不過我雖然覺得碗粥超大,但系廿蚊一D都吾抵=3=好後悔冇加7蚊要腸粉牙!! \0/我見人地D炒面同腸粉好大!仲只系加7蚊雞咋!!個粥有味精-0-味道一般同埋坐得好迫!…查看更多

前兩天，收工時女友send SMS 給我話在我公司樓下等我，原來女友想給我驚喜所以來接我收工。因為工作關係不能離開公司太遠而且女友夜晚又要去聽演奏會，所以行去第一城商場食下午茶，行過這店女友二話不說就選擇了這店。走進去，望望“水牌”，見到竟然有牛坑腩？心想這種連鎖式店鋪竟然有牛坑腩，把心一橫就點了個牛坑腩撈麵，女友就要碗仔翅+蘿蔔糕。碗仔翅+蘿蔔糕：一般，沒甚麼特別，碗仔翅很重麻油味！牛坑腩撈麵：非常失望因為我覺得完全不是牛坑腩，和一般牛腩沒有分別，又“實”又有根，而且不是清湯煮的，和一般煮牛腩的方法一樣，反而D腩汁幾好味，用來撈麵最好！…查看更多

我係呢間店o既中午常客~ 好欣賞呢間店做到又平又好味道~ 飽肚之選~ 沙薑雞套飯~ 收29蚊好底~ 雖然肉質唔係滑~ 但味道唔錯~ 又有半隻雞份量~ 感覺似無味精~ 我通常食完先飲杯茶~ 值得一讚~清熱之選~ 柴魚花生粥~ 收20蚊包個炸兩好底~ 食粥我講求無味精~ 呢度係無落味精~ 但係好足料好好味~ 我鍾意粥杰比較容易食~ 外面滖水太多既稀粥對於我呢條貓脷黎講~ 係一種折磨~ 炸兩可以任落花生醬& 甜醬~ 好好食~ 都係可以食完先飲水~ 好味之選~ 京都炸醬麵~ 講真我係食唔到辣~ 第一次食都係受到"茶煲"效應~ 想試下係咪咁好食~ 食過後甜甜辣辣既味道做得好好~ 麵又彈口~ 雖然食到流晒汗~ 但係好味道~ 所以堅持無落湯去食晒成碗麵~ 最後連醬汁飲埋~ 一樣係可以食完先飲水~ 希望能夠保持食物質數~ …查看更多

個豪鼓粥好足料, 好正呀. 重有杯咖啡, 好過隔離間大x活好多呀. 吾怪知得多左人去啦, 現在過了08:30 要等位架.…查看更多

火腿奄列-少少油,麻麻地,個蛋唔會有蛋汁果種,火腿啱啱好,唔會好乾雞翼-全隻.無咩蜜糖味,d肉少少乾…查看更多

本來想吃飯，不過在第一城的商場巡過一遍，找不到合心水的食肆，所以求其之下，走入了這間以粥麵掛帥的快餐店，看過水牌後才知它是屬於大家樂集團。雖然是快餐，不過那碗菜乾鴨腎瘦肉粥還是要等了一陣才有。「筆」起見材料不少，吃上幾口味道也ok，不過粥底嫌太杰了。所配搭的糯米雞味道相當濃，吃罷喉頭有些乾涸，相信又是味精作怪。相比下更喜歡京都炸醬撈麵，炸醬味道不錯，而麵的質地夠清爽彈牙，不過分量不大，收$23不算便宜。…查看更多

有時, 唔知點解, 見到間舖頭都估到食物唔慌好食, 仍然"樁"入去幫襯, 到食果刻, 要考慮埋"食好定折墮好"呢個因素... 昨天販賣時間, 走左入去第一城呢個不毛之地(對在下而言), 趁break的15分鐘行下商場, 見到有粥食, 又想食。本來只想吃皮蛋, 又唔知點解見到菜乾粥加埋咸肉粽都只係多兩蚊! 總之叫左菜乾陳腎豬肉粥同咸肉粽拎扯, 一路開工一路食。先食粥, 係一pat白色漿糊狀物, 上有幾粒甩色花生。甩色花生自問無福消受, 選擇自然流失。渣o係曬底, 一舊呈硬曬狀態, 明顯菜乾粥係先鋪渣o係底, 再淋漿糊上面, 要搞勻兩者, 係有少少難度。菜乾好多沙, 我唔係麻雀, 完全食唔掂。腎如同嚼橡膠, 至正常都怕且係咸咸的豬肉絲。估唔到, 咸肉粽災情更慘不忍睹。難食, 真的難食。最後至發現, 原來係大家樂集團的手筆... 不嬲唔討厭連鎖快餐, 不過如果一早知道, 一定唔會食粥。唔係我懵盛盛, 一定唔食。…查看更多