一碗肉燥 (樂富廣場)

每次路過都很多人等，今日（27/8/2021）終於路過無人等位，因為很早，都未到中午十二點。點了2份午餐很讚紅燒牛肉湯麵，味道麻麻，唔係食開既台灣味道，麵質一般，牛肉入味及稔，配料都幾多。滷水大腸牛筋飯餐，大腸過稔，無咬口，牛筋有雪味，拌菜有大荳芽及豆腐，整體味道較淡，肉燥飯配味菜，好開胃，用溫泉蛋更勝鹵水蛋，蛋黃配飯，正。餐飲選了凍黑糖珍珠奶茶及凍黑糖薑母烏龍，飲品都OK跟餐以優惠價$24加了個甜品~加奶蓋香芒牛奶刨冰，夠大份，配料多，夠凍，味道OK…查看更多

原本打算去九龍城食飯，但懶得滯唔想行直接係樂富搵野食🙈見到台灣野有啲掛住🥲見裝修幾得意同價錢相宜就入去回憶下吧😭性價比高✨✨一碗狂滷套餐($58雙拼)雙拼揀佐滷水大腸同牛脷👅意外地驚喜💥滷水夠曬入味索曬落啲大腸到✨唔會好鹹同好多肥膏‼️牛脷都好夠林無羶味👍🏻仲有芽菜豆腐墊底，份量都唔小🤟🏻肉燥飯都十分唔錯😍肉燥唔算好多但都好夠味😋有一隻流心蛋同埋酸菜撈飯好開胃✨✨$58 咁既分量食性價比高🌟🌟推介💯宜蘭蔥餅(跟餐$11)呢個就麻麻地🤔完全冇葱味又比較多油，不推介⚡️培根玉米芝心蛋餅 ($38)啲芝士係蛋餅入面鯨曬一pat☹️食到一半已經好膩，不推介⚡️凍黑糖珍珠奶茶珍珠太林同甜到爛牙🥴為食指數: 2.7/5性價比指數: 3.5/5推介指數:3/5 …查看更多

朋友去過長沙灣分店，覺得ok先黎呢間試試，但係唔掂。黑糖珍珠牛奶味道正常，但唔係值得期待既飲品，亦唔至於難飲既。黑醋豬軟骨飯：豬軟骨肉質“鞋”，有浸雪味，可能係用咗唔知咩特別既醋引起。飯內肉燥有苦味。如果入咗間店先睇到呢個po，建議叫呢個，算入得口…識撈雙餸飯(台灣腸+脆雞翼)：雖然飯裡面都有唔掂既肉燥，但呢兩款餸都ok既。台灣腸：正常，只要唔係煮燶，都好少台灣腸唔好食，因為都係批發咁訂。脆雞翼：油炸，油膩，但食落肉質滑既，算ok。生煎冬菜髀菇煎肉餅唔好叫！！只可以話奇怪，似中式肉餅，唔好食，亦唔夾。p.s:樂富仲有 茶木 做選擇。…查看更多

去完超巿再去食晚餐家姐同我都叫滷水雙拼餐我點左豬耳加金錢肚家姐就叫左牛脷加牛筋全程qr code落單可以慢慢睇，無人催促🤪等左幾分鐘就有野食肉燥飯有埋酸菜粒好夾味撈埋蛋汁好正啊 👍🏿👍🏿👍🏿滷水又唔會好鹹牛脷啖啖肉好淋無肉膻味牛筋家姐話淋得黎有少少煙韌口感有d唔係架，煮到太爛我自己都鐘意有d咬口😊有大豆芽配襯滷水豆腐墊底飲品 熱黑糖薑烏龍好順口啊 烏龍同黑糖出奇地夾反而無過甜 尾韻多左陣茶味👍🏿👍🏿唯一眼闊肚窄叫左炸豆腐小食飽到上心口😂😂更癲既係 有點到香蕉朱古力蜜糖吐司好彩取消到個order🤭🤭🤭最怕浪費左食物 所以量力而為🙃🙃…查看更多

見呢間餐廳新開張, 本身都鐘意食台灣野, 就入去試下!一坐低就比口罩套我地放口罩,小店黎講都算幾客心, 仲設計得幾可愛:食午餐佢會有午市套餐同主餐單選擇, 第一次試當然試下午餐, 我點左招牌"一碗肉燥飯+滷水雙拼"可以一次試晒兩款主打!好正佢有溫泉蛋比我撈飯食!識撈! 份量好好, 食完岩岩好飽! 朋友就點左紅燒牛肉麵, 我試左個湯, 牛味湯底好濃郁!牆身充滿左呢D可愛風卡通設計,都幾開心舒服, 應該好快會再黎!支持小店!…查看更多

同3間分店餐牌完全唔相同。台式飯又要加温泉蛋，我淨係想要返滷蛋。就算改菜單，都唔好全部幾乎改晒得唔得？我淨係要原有的菜色...咩都改晒，咁不如唔好用同一間舖名？==這不是同一間店吧？…查看更多

建議：下午茶2:30到5:30，最平HK$28 連飲品樂富廣場既一碗肉燥終於開左，之前經過見到裝修圍板上有粒「大米」，已經好治療😂 門口位仲有幾粒飄浮既「珍珠」超治癒😌❤️ 平日下午茶時段，都見到幾多街坊幫襯。除左年青人之外，仲有幾個auntie uncle 單拖係度食蜜糖多士🍞 個畫面真係好少見👍 絕對唔係歧視，因為#試伏專員 成日想帶屋企長輩食刨冰/打卡多士，不過好易被Reject 😂 下次可以試下黎依間，順便食埋正餐🤭今次試左：▫️非吃不可手工蛋餅茶餐 茶餐包埋野飲 (凍/熱 檸檬桂花薏米特飲)，如果想要其他特飲可以補番錢。🌽培根玉米芝心蛋餅＋炸地瓜條 (HK$34)雖然話有培根，不過唔係好食得出，反而食到洋蔥粒同菇。而且芝士夠幾多，中間切開食都食到拉絲🧀 而且蛋餅邊仲有少少脆。 另外炸地瓜條有啲油膩，如果加番啲甘梅粉可能會好啲🙈 整體黎講，望落好似唔係好多野，不過配埋地瓜條好夠飽🤪▪️蜜糖香芒吐司全份 (加配HK$34)本身全份就甘叫要HK$68，茶餐加配只需要半價 ，又真係好抵。唔怪得好多人都有加🤭 係落單時，店員好好甘提醒：製作需時大概20分鐘，如果想出餐可以提早同佢地講聲👍雖然係加配但真係一啲都唔Hea，除左伴碟有新鮮生果肉之外🍓🥭，每層仲有啲芒果蓉。每粒多士切到差不多係一口Size，好方便就食到，而且每粒既蜜糖都吱得好均勻🍯…查看更多

兩個人兩個餐。🥴🥴🥴🥴肉燥飯肉燥無味，飯太林。一份滷水雙拼，牛展好大陣雪味，牛肚無味。另一份滷水雙拼，豬耳烚熟到每層分開哂，豬大腸都係好大陣雪味。4種食物配滷水都係唔入味，滷水似得個色溝水。😓叫咗職員比碟辣椒油，最奇怪成舊肉浸落去啲辣椒油，都冇味。另外加左小食：👍🏻台灣腸係切片配蒜粒都好味既。👌🏻炸豆腐就偏厚粉，豆腐亦都唔係滑，不過有個蒜味醬點下，不過不失。飲品：黑糖珍珠鮮奶，成杯得一行黑糖咁，同圖片爭好遠。檸檬桂花薏米特飲，過甜。見到人哋食挫冰，反而賣相不錯。不過應該都唔會有下次。…查看更多