一生懸麵

營業中

休息中

昨天，走進了熟悉的麵店，這裡有著與前度的回憶，特別是那碗沾麵的美味，讓我不禁想起過去的點滴。記起和她分享著熱騰騰的沾麵，彼此的笑聲在店裡迴盪，那時的幸福感如此真實。如今沾麵依然美味。小店雖然不大，但坐在日式吧台上，彷彿去了日本的小巷。據說老闆曾赴日學藝，因此對麵質和湯底絕對不用懷疑，美味滿分，難得價錢親民，百元下一碗高質沾麵，為生活帶來一點甜。特濃豚骨沾麵 $82豚骨湯濃稠鮮美，味道不會過鹹，麵條軟硬適中，彈牙可口，浸入熱湯後更是美味，湯裡還有不少豚肉粒，搭配軟嫩的叉燒，簡直完美。雞白湯拉麵 $95湯底呈奶白色，以雞骨熬製湯味濃郁令人陶醉。低溫慢煮的雞胸肉質滑嫩，溏心蛋半熟流心都有水準。煎餃子 $29餃子雖小，但皮薄餡足，煎得金黃香脆，味道相當不錯。章魚燒 $29外脆內軟的章魚燒，加上木魚和紫菜，增添咸香美味。雞軟骨棒 $29免治雞肉口感柔軟，夾雜著爽脆的雞軟骨碎粒，雙重口感令人期待。搭配惹味燒汁和沙律醬，更添風味，蔥花的點綴更是讓味蕃起舞吧。

這間日式拉麵坐落喺德寶商場入邊，舖位簡單舒適，今次我一口氣點了三款拉麵嚟試吓：海老拉麵，鹽味雞湯拉麵，特濃豚骨沾麵。1.海老拉麵，這三款麵入邊這款拉麵是我最喜歡的。櫻花蝦鋪滿整碗拉麵，櫻花蝦的鹹香加上濃郁的湯底，簡直是絕配，鹹鮮分明。再加上溫泉蛋整碗拉麵都非常入味。讚。2.鹽味雞湯拉麵，這款拉麵是小店的招牌拉麵，清淡的雞湯豉油醬湯，低溫慢煮雞胸肉很嫩，湯底與白色。與標準的麵條搭配，竹筍以及整隻溫泉蛋。吸晒鮮味可口的雞湯真係要值得一試。3.特濃豚骨沾麵，喜歡濃烈口味的朋友，這是必須推介的一款麵食。這碗熱氣騰騰濃郁豬骨湯底，黏稠十足，湯底入邊還有足料的豚肉粒。叉燒肥瘦均勻以及赤熏味十足，油脂均勻帶落到整碗沾麵。脂肪入口即溶好食。最後，也叫了罐裝綠茶以及餃子或上完美的。餃子外皮酥脆果上足料的豬肉。充滿人情味的小店，可以值得一試。

介紹一家我好喜歡又抵食的拉麵店🍜沾麵控必試！！海老沾麵🦐 $88佢嘅沾麵有分濃湯同清湯底，上次我試咗濃湯嘅，好掛汁好好吃！今次嘅海老湯底係清湯，比較似平時嘅湯麵湯底，充滿櫻花蝦香味，加啲檸檬有畫龍點睛嘅效果。麵條粗身有咬口，炙燒叉燒好香口。期間限定 塩味雞湯拉麵🐔 $78上次食咗雞白湯，今次就試塩味雞湯，湯頭淡黃清澈，濃郁雞湯鮮味，慢煮雞肉好滑嫩。另外小食大推雞軟骨棒😍食落有啲脆卜卜雞軟骨好吃~

「一生懸麵 」原來做緊下午茶優惠，每逢惠顧一碗拉麵或沾麵，獲送汽水一罐及小食一客有餃子或雞軟骨串或章魚燒揀🤭🤭辛辣拉麵 …….湯底好夠熱，辛辣味道剛剛好👍 叉燒肥瘦適中，味道方面都ok!海老沾麵 …….….麵條口感煙靭亦都掛湯👍個湯底夠濃郁夠熱而且櫻花湯好多所以每一啖麵都充滿櫻花蝦嘅口感👍慢熟豚叉燒口感滑嫩，味道佳！小食煎餃子 …….外皮煎得好金黃香脆，餡料鮮嫩多汁！小食章魚燒同雞軟骨串味道也OK不錯！

雞白湯拉麵配椰菜，配白雞湯是清甜， 雞好嫩滑 ，肉好新鮮椰菜也爽脆 配搭濃郁雞湯 簡直完美的 組合 😍😍😍😍😍😍😍 雞軟骨棒外層微焦，內裡軟軟嫩嫩的感覺， 加上醬汁濃郁， 咬落去軟綿綿， 好有分為感 。 🥤拉麵配波子汽水， 食一啖拉麵 ，飲一啖波子汽水， 則是充滿童趣，輕輕一推玻璃珠，氣泡瞬間 湧出嚟，讓人有童年的回憶😍#一生懸麵  #本地拉麵店 #issyokemen #本地小店 #拉麵關注組 #塩味雞湯拉麵 #日式煎餃子 #日式拉麵 #九龍灣美食

今日與老公拍拖仔嚟到九龍灣 一生懸麵， 這裏感覺好似日本式佈置，我地坐日本式個種吧枱式座位，彷彿穿越到日本，這裡都是開放式廚房，讓人感受到日式的氣氛 😍😍😍😍 懷念日本🥰🥰🥰🥰🥰坐下叫左白湯豚骨拉麵配豚叉燒 ，湯底是好濃郁的湯而不膩，慢煮豚叉燒入口不會好煙韌，肉香香味， 拉麵不會太硬或者太冧 ， 剛剛恰到好處 ， 兩者配合絕對是拉麵最好配搭。 🥰🥰🥰🥰燒餃子皮脆餡嫩， 煎得恰到好處 ，也不會太 燶 ， 咬落去啖啖肉 ，肉汁豐富，搭配特製醬汁更添好味感😍😍

得寶廣場其實好近地鐵站朋友推介呢度有間好過日本風味嘅拉麵見到餐廳風格真係好地道日本風吧枱位置直頭見到廚師喺度整面，好有feel期間限定鹽味雞湯拉麵 $78 呢個湯底堅清甜！雞味帶少少鹽香雞肉好嫩滑好足料～拉麵掛湯力一流加埋完整一隻溏心蛋期間限定喎, 必試魚介豚骨沾麵 $82 濃到黐線嘅雙重湯底！魚乾鮮味撞埋豚骨油香，個沾汁杰撻撻啱晒粗麵條索味章魚燒$29 即叫即炸熱辣辣！外皮脆到「索」一聲章魚粒粒都大粒而且重蛋黃醬 goooooood!雞軟骨棒$29 冇諗過係2枝好抵食咬到『索索』聲嘅軟骨粒,混埋雞肉碎好juicy燒汁甜甜地，加七味粉食送啤酒無得頂

有冇人同我一樣，好掛住細個嗰碗3倍野菜拉麵？ 當年街角嘅小店冇咗，但喺九龍灣呢間連鎖拉麵店，竟然搵返嗰種感動😭 自製野菜山拉麵堆到成座富士山咁高原來味道真係可以儲存記憶❤️🐔 雞白湯拉麵｜濃郁到痴線湯底熬到奶白色 飲一啖黏嘴唇慢煮雞叉燒好嫩滑溏心蛋流心嘅蛋黃撈湯 非常鮮味仲有好好味既荀絲口感層次都好正今次我額外加佐野菜做自製野菜山🥹野菜配埋雞白湯 非常清甜🥬 野菜山拉麵椰菜、芽菜、蒜頭堆埋一齊配拉麵湯底清甜唔油膩 加七味粉仲惹味

一生懸麵 （九龍灣店）地址- 九龍灣牛頭角道3號得寶商場地下121號舖日本拉麵呢個好出名，店主好有心做麵，同對學生哥小朋友非常非常有愛心架！ 在小商場內，因小店坐位唔多，好幾次行過都未有機會支持同幫襯，今日早小小落樓見到有位啦試了白湯豚骨拉麵，麵彈性口感更好，我鐘意！配料有日式叉燒，蛋好好食必加塩味雞湯拉麵是期間限定，食左先講唔好錯過，加慢煮叉燒、蛋同筍，大量筍手，haha 小食章魚燒，一口一粒過口癮 44

不嬲都好鍾意食一生懸麵，九龍灣得寶商場分店第一次去，我地坐日本果種bar枱位食，啲日本回憶返晒黎呀🥹🥹我嗌左海老拉麵，朋友嗌左白湯豚肉拉麵，兩款都係指定左幼麵，可以自選麵條軟硬口感，蔥同荀都可以自由剔走。海老拉麵真心係我喺呢間最鍾意食嘅一款，皆因佢啲櫻花蝦係舖滿左半邊碗，櫻花蝦嘅口感同咸香味道我超鍾意！每次食完都不禁大讚！白湯豚肉拉麵嘅湯底都係好香濃，啲豚肉腍身又唔會太多肥膏，溏心蛋煮得好靚。小食我地嗌左椰菜同煎餃，小食都幾大份架。兩支野飲分別係橙綠茶同荔枝綠茶，呢兩款茶都唔係死甜果種，反而係低甜度而且充滿果香味，幾推介！

九龍灣德寶商場有好多美味小店，其中拉麵店「一生懸麵✨」令人有驚喜，餐廳用心製作日本拉麵，有沾麵及湯拉麵選擇。湯底有辣有唔辣，喜歡辣嘅朋友可以嘗試辛辣湯拉麵，唔食得辣嘅朋友就可以選擇豬骨濃湯。麵嘅軟硬程度可因應自己嘅口感需要而選擇，我個人喜歡軟硬適中，比較彈牙有口感。「白湯豚骨拉麵🍜」湯底清甜，配合兩大塊叉燒、荀、糖心蛋，豐富好味，店長推介幼麵底，非常掛湯，麵條軟硬適中有口感「特濃豚骨沾麵」沾麵配上粗麵條🍝，湯汁濃郁，豚肉叉燒夠冧夠入味。小食「章魚燒」，一份五粒，飽滿彈牙，又抵又好味。

今次去咗九龍灣呢間人氣拉麵店店面雖然唔大 但裝修好有日本風情仲播住日文歌 即刻覺得自己好似去咗日本咁～🇯🇵🦐 海老拉麵 $88面頭有大量櫻花蝦 橙紅色好吸睛～湯底濃到爆飲落仲有淡淡蝦嘅甜味溏心蛋流心效果完美 醃得夠入味 🥚追加左慢煮豚叉燒🍗 雞白湯拉麵 $95湯底乳白色 膠質豐富 濃郁得嚟唔會膩低溫慢煮雞胸肉超嫩滑 完全唔柴慢煮豚叉燒肥瘦均勻 入口即化幼麵條掛湯能力一流 💯🐙 章魚燒 $29/5粒 (新發現！)即叫即製，外脆內軟醬汁比例剛好，唔會太鹹~~🍹 特色飲品 $20/枝▪️ 和歌山蜜柑橙綠茶 - 酸甜清新 果香突出▪️ 香印提子茉莉綠茶 - 提子味香甜 配拉麵好夾兩款都係用made in Hong Kong 支持！「一生懸麵」果然名不虛傳 湯底同麵質都超有驚喜！

一入到去就好有身處日本拉麵店🇰🇷Feel裝修設計好有日本特色，有經典日式吧台位🪑真係好有置身日本FEEL😍😍🔻食評時間🔻🍜期間限定~塩味雞湯拉麵😋湯頭係用日本博多雞➕自家每日新鮮熬製8️⃣小時食得出真係好鮮甜好夠味😋😋叉燒大大塊，好香好入味，肉質🆗加上彈牙嘅拉麵麵條，成個口感層次好豐富👍🐷白湯豚骨拉麵😋湯底好濃郁，豚骨味重🥰叉燒同樣都係大大塊，好香好味👍好味到我要加多1份(3片)叉燒🐷🐷🐷先滿足到我🤟🤟🤣🤣🥟煎餃子😋即叫即煎🔥外層金黃色煎得好脆，而且餡料好滿😍~食落好多汁Juicy👍🐙章魚燒😋都係即叫即整🔥外皮好香脆~入面章魚粒好足料~配搭埋專用醬汁，超好味👍👍

平時真係好少會行入德寶商場，點知今次誤打誤撞竟然發現咗呢間寶藏拉麵店-「一生懸麵」！一試就知中伏（係中好伏個種），拉麵同沾麵都做得超有水準，絕對值得專程過嚟食！ 🍜 拉麵水準超高叫咗魚介湯拉麵同特濃豬骨湯拉麵，兩款湯底都濃郁得嚟唔會過鹹，拉麵軟硬度剛剛好，掛湯力一流。最驚喜係叉燒，燒得香口得嚟又夠嫩，入口即化，完全係日本當地水準！ 🍗 椰菜拉麵配慢煮雞胸冇諗過喺拉麵店會食到慢煮雞胸，肉質超嫩滑，完全唔柴，配埋清甜嘅椰菜湯底，成個組合出奇地夾，健康得嚟又唔失美味，絕對係驚喜之選！ 🥤 綠茶可樂？試過就算 見到menu有綠茶可樂，好奇心驅使下叫咗杯試吓……味道真係好難形容，不過勝在夠特別，試一次都無妨！ ✨ 隱世小店 日本風情成間店嘅裝修同氛圍都好有日本feel，店員態度友善，食物質素拍得住日本當地拉麵店。如果未去得返日本旅行，呢度絕對可以止到癮！ 總結：九龍灣打工仔/拉麵控必試！雖然位置有啲隱世，但正正因為咁先keep到水準。下次一定會encore，仲要試埋其他口味！

位於九龍灣的日式拉麵店，有幾間分店，這間在九龍灣一個商場裡，地點有點隱蔽。小店面積不大，座位不多，就兩張枱及吧枱位置，廚房小小的，師傅忙碌烹煮拉麵。小食：雞軟骨棒雞軟骨棒上面有燒汁及沙律醬，還有蔥花，棒棒混合了雞軟骨及雞肉，口感爽脆，豐富。小食：煎餃子 餃子煎香，外皮卜卜脆，內有菜肉餡及肉汁，蘸點醬油，味道更提鮮。沾麵：海老沾麵海量的櫻花蝦，蝦乾鮮味滲進沾麵湯汁，蝦米香氣撲鼻。沾麵用上粗麵，額外加了100g的麵底，師傅會放在同一麵碗裡；麵條較硬身，很彈牙、有韌性，很適合蘸上湯汁，相當掛汁。配菜有竹筍、半隻流心蛋、叉燒。叉燒燒得焦香，肥瘦相間，不會柴口。另加配菜還有慢煮雞叉燒，一共三片，十分豐富。拉麵：鹽味雞湯拉麵 期間限定款式，鹽及豉油調過味的雞湯，鹽味雞湯底較清淡，微微略帶鹹味。湯拉麵只跟配幼麵麵底，吸收湯汁。叉燒薄片粉嫩，脂肪不多。這碗也另加配了三片慢煮雞叉燒，雞胸口感軟嫩，微微調過味，啖啖肉，無脂肪，十分健康之選。飲品：和歌山蜜柑橙綠茶 本地牌子的，有鮮橙汁成份的水果綠茶，清新又解渴。