一汁一菜 (源成中心)

營業中

休息中

想食唔同日式菜式，又想飲湯，而且仲想食埋甜品，就醒起觀塘開源道有間「一汁一菜」，好在同觀塘地鐵站都幾近，位置好方便。一踏入餐廳，職員好有禮貌，好快就坐低用QR code自選菜式，太多選擇花多眼亂，好在想點配搭都得，最後揀咗「和風定食」。日本味付溏心蛋飯自家製野菌醬燒和牛漢堡扒厚燒玉子和風雞肉燴厚揚豆腐北海道產甜粟雞肉豆乳濃湯（小盛）一汁一菜拉提拉米蘇日本白桃特飲（凍）日式裝修，蔬菜插畫好cute cute😍

成日行過呢間餐廳，一直都好想試，今次終於試到，絕對冇令人失望。好鍾意佢啲食物，同埋裝修環境都令人覺得好舒服。✨湯📝北海道產甜粟雞肉豆乳濃湯：🥣 柔滑的豆乳湯底中融合了甜粟雞肉的鮮甜，每一口都充滿濃濃的滋味，溫暖而令人舒適。📝北海道產南瓜周打濃湯：🎃 濃稠的南瓜湯帶來濃厚的南瓜香氣，入口滑順，帶有微微甜味，讓人感受到秋日的溫暖。✨小食📝 厚燒玉子：🥚 這款厚燒玉子蛋彈牙，吃起來口感豐富，蛋香四溢，讓人欲罷不能。📝 根菜金平煮（期間限定）：🥕 金黃色的根菜金平煮看起來色澤誘人，入口後蔬菜的鮮甜與醬汁的濃郁完美融合，帶來獨特的口感和風味。✨主食📝 濃香牛肉野菌咖喱飯：🍛 香氣撲鼻的牛肉野菌咖喱飯，勁香噴噴，咖喱湯汁濃郁醇厚，好岩香港人口味。📝 自家製野菌醬燒和牛漢堡扒：🍔 和牛漢堡扒肉質鮮嫩多汁，搭配著香氣四溢的野菌醬汁，鮮味十足，每一口都讓人驚艷。✨甜品📝 喫茶店雞蛋布丁：🍮 嫩滑的雞蛋布丁非常彈牙，帶有淡淡的香草香氣，甜而不膩，絕對是一道完美的結尾甜品。

係一件日式料理餐廳🇯🇵 有好多食物選擇，例如丼飯、湯、沙律、主菜🧡 餐廳環境都幾闊落，會坐得舒服🩷 裝修好有日本風，簡單嘅木色✨ 我就決定試下佢嘅和風定食🍱 超正，因為$75就有齊主菜+小食+飯+湯/茶🤩🔸 和風醬油燉牛肉 + 厚燒玉子 + 米飯 + 北海道產甜粟雞肉豆乳濃湯 ($75)牛肉都幾大舊，煮得幾腍仲有啲軟嘅牛筋😋 牛同配菜都吸晒醬油，好入味🫶🏻 玉子真係好厚身💛 湯都好有驚喜😻 因為超多料，有粟米、雞肉、野菜✨ 但同時唔會好漏，可能因為用豆乳🤤 反而湯帶出粟米同蔬菜嘅甜味❤️ 呢個set真係好豐富😍🔸 醬燒北海道十勝豚扒 + 和風雞肉燴厚揚豆腐 + 米飯 + 日本綠茶 ($75)豬扒非常入味，好鍾意佢嘅醬燒汁😍 加上脂肪唔多，非常大舊又多肉😋 底層仲有唔少蔬菜🥬 豆腐好juicy，吸晒和風醬汁🤤 一個set嘅營養價值又高，又好食💛整體而言，食物質素唔錯✨ 重點係唔貴，又有營業😍😍

店舖環境舒適裝修好日系💖🤩嘢食款式好多，除左有定食仲有鍋物，甜品都好吸引！一汁一菜配搭，真係好特別性價比又高～𝑭𝑶𝑶𝑫𝑺1〉一人前鍋物套餐 $79對於鍾意鍋物嘅朋友又多一個選擇啦！套餐入面嘢食種類多 - 有特選肥牛、菇類、蟹柳、竹輪同蔬菜等等！揀左豚骨白湯～湯底味道香濃～Yummy！飽肚又吸引！啱哂依家凍冰冰天氣～2〉咖哩定食- 檸檬忌廉雞肉咖喱 $69定食套餐好抵食！包含一個湯＋飲品（不過污嘴狗唔想飲就冇叫到）～但就叫咗龍蝦湯同埋Tiramisù！檸檬清香同濃郁嘅咖喱夾得嚟令人好醒神！污嘴狗覺得檸檬嘅酸味恰到好處，成個飯增添咗清新感！3〉法式龍蝦濃湯“份量up” 跟定食＋$30龍蝦湯味道超級濃郁！而且口感仲要好滑順～污嘴狗選擇份量升級果然無錯！每一啖都可以感受到龍蝦嘅鮮香，味道層次分明！-𝑫𝑬𝑺𝑺𝑬𝑹𝑻4〉一汁一菜拉提拉米蘇 跟定食＋$30第一個感覺係唔會太甜，但係味道好濃！感覺好輕盈，軟綿綿，完全唔會覺得膩～食落去仲有啲微微嘅鬆脆感，增添咗口感層次！作為飯後甜品，可以話係畫上完美句號！

晚餐周圍都多人，行上看入鋪唔多人，就試下，點知一肚氣！所有食物，8點半落單後都要等上餐20分鐘！火鍋凍冰冰都唔知要整乜整咁耐！套餐／丼飯上的肉都是凍的！和牛漢堡都係室溫度，靠淋在面的汁是熱的！最後只有湯是熱出煙的！最最最離譜係無筷子用！食烏冬，火鍋都無筷子！侍應生話洗唔切，最後俾了3隻！是3隻單數！叫侍應多洗一隻筷子給我凑一對，但他EQ高得無反應，唔識應對！呢間是一間街鋪餐廳居然無洗手間，都唔知食環署點批食物牌照，叫客人出鋪過馬路去對面商場1樓洗手間。

觀塘有唔少美味餐廳，但有時都唔想食得咁Heavy「一汁一菜」日式輕食餐廳就絕對係健康人士既選擇之一！佢地主打精緻和風定食同湯品，款式多樣之餘仲可以自由搭配 。店內木系簡約設計，座位舒適自在主菜定食 (包括一款主菜, 米飯同湯品) $69🐷醬燒北海道十勝豚扒 配 鰹魚湯稻庭烏冬 (另加$5)嫩滑既豚扒配搭濃郁醬燒醬汁非常入味，肉質不柴烏冬煙韌彈牙，湯底味道清得黎都唔錯🎃🫕北海道產南瓜周打濃湯（小盛）好濃厚既南瓜湯，味道甘甜有蜆肉、鮮甜既紅蘿蔔粒粒、薯仔粒粒、煙肉、洋蔥等配料飲落去綿密細膩，好好味🍰一汁一菜提拉米蘇 (跟餐+30）必叫既招牌甜品Tiramisu咖啡味好香濃，食落非常Creamy 口感柔滑輕盈😋完全停唔到口，甜品控一定要試下！主菜定食 $69🍛自家製野菌醬燒和牛漢堡扒 配 田牧越光米肉質鮮嫩多汁，野菌醬汁好特別酸酸甜甜真係好開胃，同漢堡扒好夾👍🏻伴飯一流！🌽🫕北海道產甜粟雞肉豆乳濃湯（小盛）裡面有雞肉、西蘭花、大大舊紅蘿蔔同粟米粒，好足料！香滑豆乳加雞肉一齊食完全唔覺好膩，健康又有營養價錢抵食之餘，地理位置又方便😎經開觀塘既朋友仔可以試吓

- 丼物定食 $89 法式龍蝦濃湯(小盛) +$10 洋風蒜香醬燒豚扒丼飯- 主菜定食 $65 北海道產南瓜周打濃湯 醬燒北海道十勝豚扒 田牧越光米 喫茶店雞蛋布丁 +$20menu有好多不同選擇 可以有不同配搭 定食入面至少包咗湯/茶 我揀咗主菜定食包咗主菜 飯/其他 同 湯/茶 朋友就揀咗丼飯定食就包咗丼物同湯/茶兩個湯相對比較驚喜 南瓜湯入面有紅蘿蔔 粟米同薯仔 比平時出面飲個啲湯足料 飲落特別香甜 龍蝦湯好濃郁 有幾舊細細嘅龍蝦肉咁啱我哋都係揀咗豬扒 食落兩個豬扒係一樣味 差別在於個醬 洋風蒜香醬就相對再甜少少 送飯食唔錯 呢款丼飯仲會有個類似沙律球喺丼飯上面 食落幾開胃同感覺幾健康😂定食仲可以加購埋甜品 雞蛋布丁有好多雲呢拿籽 食落比較實淨同幾滑 但焦糖醬落得唔夠重手 食落有少少單調💰$202

一汁一菜 ICHIJUISSAI 是來自於日本飲食文化「一碗湯一個主食」健康人士多一項選擇 餐廳提供多款精緻湯品亦可配搭多款和風咖喱飯、主菜同小菜等自由搭配😆.🍱主菜定食醬燒北海道十勝豚扒配 田牧越光米🍚豚扒🐷很入味 醬燒是甜甜的北海道產甜粟雞肉豆乳濃湯（小盛）🫕甜粟米湯濃而足料 裏面有少量西蘭花同雞肉😋.🍱 主菜定食照燒雞扒親子丼滑蛋蛋香嫩滑濃郁雞扒厚身內嫩 洋蔥🧅也很入味北海道產南瓜周打濃湯（小盛）滿滿南瓜蓉🎃 質地稠身配料有紅蘿蔔 薯仔 煙肉等口感都好豐富.關東煮🍢餐廳有優惠 買四送一迷你竹輪串 日式魚餅 年糕福袋燒豆腐 白蘿蔔

今日就去左觀塘既一汁一菜食飯主菜定食包括一款主菜, 湯品同主食黑豚肉薑汁燒期間限定既黑豚肉好Juicy, 炆得幾入味鰹魚湯稻庭烏冬烏冬煙韌彈牙, 湯底味道清得嚟都好夠味北海道產南瓜周打濃湯撘配多款新鮮食材, 口感綿密細膩, 味道甘甜日本馬鈴薯豚肉煮薯仔同紅蘿蔔索滿甜甜的和風醬汁，好香口濃厚焙茶布丁焙茶味好香濃, 布甸口感比較實在, 入口滑嫩自選沙律定食包括和風自選沙律, 同一款湯品有超過20款配菜選擇, 可自由配搭4款配菜,✅自製香烤雞肉+✅油揚豆皮絲+✅24個月巴馬芝士+✅櫻桃番茄拼羅馬生菜配番茄蒜香沙律醬, 生菜清新爽口, 醬汁開胃北海道產甜粟雞肉豆乳濃湯湯底好濃郁, 仲有唔少粟米粒

見到呢個位開左間新日式餐廳，menu 上食物賣相不錯 款式又頗多，決定同老公入去試下。🐓檸檬忌廉雞肉咖喱餐🐓+焙茶布甸日式咖喱味 唔辣，雞肉份量偏少，菇🍄粒仲多過雞肉。焙茶布甸🍮好濃郁嘅焙茶味，不錯，但質地有點硬，唔似平時食開果啲布甸質地。🐂漢堡扒餐🐂一上枱 老公已經好失望😮‍💨 漢堡扒嘅配襯真係有點求其，令人食慾大減。勝在佢真係新鮮熱辣煎出來。白飯落水過多，一patpat 咁。整體來說，食物質素真係唔值呢個價錢，仲要額外收一服務😑😑

之前有租個studio喺附近，已經好想試呢間餐廳，因為見到佢有好多選擇，無論係主菜、小食、定湯品都一應俱全，而且仲要係我最鍾意食嘅日式小品料理。佢可以根據個人喜好去散叫，亦都可以選擇佢嘅套餐作不同配搭，而且仲可以揀沙律添。主菜定食（主菜+米飯/其他+湯（少盛）/茶） $65野菌味噌豆乳雞扒 日本味付溏心蛋飯（+$10）北海道產甜粟雞肉豆乳濃湯今次就叫咗佢呢個主菜定食，有齊主菜、飯、同湯，冬天凍凍地就最適合。因為本身鍾意食雞扒，而且見到仲要係好特別嘅豆乳味，於是就選擇咗呢一款主菜，佢味道上都好濃豆乳味，而且份量都唔少，仲要有少少蔬菜伴碟。而飯方面，我今次就揀咗糖心蛋飯，果然冇令我失望，糖心蛋好香蛋味，而且甜甜地，撈飯一流。而佢嘅湯品方面，見到粟米湯已經好想要，仲要係豆乳味，味道同我想像中一模一樣，口感好濃口之餘，而且味道濃郁同Creamy。法式龍蝦濃湯 $49本身係一個勁鍾意飲龍蝦湯嘅人，竟然見到呢度有得選擇，而佢嘅湯龍蝦味都好濃郁，而且入邊仲要有好多配料，口感都一流。和風雞肉燴厚揚豆腐 $25最後叫多咗一個小菜，佢呢個雞肉豆腐面頭有少少汁，加埋嫩滑嘅豆腐口感，作為小菜絕對係一個唔錯嘅選

如果你鍾意簡單又滿足嘅和風定食，「一汁一菜」真係唔可以錯過！呢間隱身於觀塘源成中心嘅小店，以健康同精緻嘅日式風格為主，食物款式多樣之餘，味道都十分出色。 和風定食（$75）今次我叫左咗兩個和風定食，第一個set，湯揀左 北海道產甜粟雞肉豆乳濃湯，主菜係和風醬油燉牛肉，而小菜就要左風雞肉燴厚揚豆腐，主食就配越光米。雞肉豆乳濃湯入口香滑，豆乳味道濃郁但唔會太膩，加埋甜粟嘅自然甜味，飲完好暖胃。牛肉燉得好腍，醬油味唔會太重，啱啱好。而雞肉燴厚揚豆腐就好清新，豆腐吸晒汁，嫩滑得黎有豆香味。配上煙韌嘅田牧越光米，簡單又滿足。 和風定食（$75）第二個set，我哋叫左北海道產南瓜周打濃湯，主菜要左醬燒北海道十勝豚扒，小菜就要左吞拿昆布拌秋葵。南瓜湯好香甜，飲落有淡淡嘅奶香。豚扒煎得好香口，肉質嫩滑，配埋濃郁嘅醬汁，食得出係用心製作。而秋葵同昆布嘅搭配就好清爽，係一道非常解膩嘅小菜。 日本白桃意式奶凍（$30）最後加咗$30要埋日本白桃意式奶凍，滑溜溜嘅奶凍配埋一大舊日本白桃，甜度啱啱好，為整個餐完美收尾。 總括嚟講，呢間餐廳價錢合理，味道有水準，食完有種溫暖人心嘅感覺。

觀塘旺區有一間好精緻日式餐廳，覺得佢裝修好靚就形住會好貴🤣入到去先發覺原來都有幾多套餐揀，豐儉由人，餐牌選擇都豐富，能夠自由組合😚🌟丼物定食 $89包一個主食同湯品，主食揀玉子鰻魚丼飯，鰻魚醬汁好入味，加埋甜甜嘅厚蛋，大人細路都鍾意💖湯品方面，揀咗北海道產甜粟雞肉豆乳濃湯（小），稠身質地，金黃色賣相幾吸引，豆乳同埋粟米嘅味道好match🙌🏻唔會淡茂茂，入面仲有蔬菜同雞肉食添，幾足料🥰🌟喫茶店雞蛋布丁 $29另外買多兩個甜品返去同細妹share食，布丁質地滑順有蛋香，唔會過於甜膩🧡🌟一汁一菜提拉米蘇 $39提拉米蘇大份啲，賣相好靚，有著好明顯嘅分層，口感柔滑，好濕潤又唔會話好糊，表面嘅咖啡粉中和甜味，唔錯☺️😋-整體嚟講呢間餐廳冇想像中咁貴🤣地理位置又方便，唔使排隊等𨋢上工廈，經過開觀塘可以試吓😄

📍 一汁一菜一汁一菜 ICHIJUISSAI 選用優質食材，提供多款既精緻湯品，同時設有多款和風咖喱飯、主菜同小菜等俾客人自由搭配成定食，帶俾客人開心同滿足既體驗🥳🥄和風定食 $75（主菜＋小菜＋米飯/其他＋湯（小盛）/茶）🔺 醬燒北海道十勝豚扒🐽豚扒肉質軟淋，口感唔錯！同時幾厚身，好大塊同煎得香脆！外層食到焦脆既口感👍🏻個醬汁絕對係神來之筆，質地稠身而味道甜甜地🔺 日本馬鈴薯豚肉煮🐷味道比較清淡，絕對係健康之選～薯仔同紅蘿蔔炆到好淋；豚肉係選用五花腩，油脂會多少少，配飯食會好啲🔺 鰹魚湯稻庭烏冬🥢 （+$5）烏冬味道正正常常，冇乜特別～🔺 蜜桃紅茶唔會好甜，淡淡既蜜桃香味🥄主菜定食 $65（主菜+米飯/其他+湯（小盛）/茶）🔺 北海道產南瓜周打濃湯（小盛）🎃滿滿既南瓜蓉，質地相當稠身！飲落完全冇渣👍🏻配料都相當足料：有紅蘿蔔粒粒、薯仔粒粒、煙肉同粟米粒粒，口感都好豐富🔺 自家製野菌醬燒和牛漢堡扒🥩賣相望落已經好有食慾🥰和牛漢堡扒既質地軟淋，咬落唔會係結實既質地，而且油脂都幾重架；而野菌醬較鹹，配飯食可以中和翻🔺 田牧越光米🍚口感煙韌，正常發揮🔺 日本白桃蔥式奶凍 🍮白桃係當造既水果，

日式家庭式餐廳❤️清淡可口環境舒適，適合一家大細用餐店員態度友善服務態度好😆親子丼滑蛋蛋香嫩滑濃郁🥚 雞扒外脆內嫩，同照燒汁搭配一流份量足夠搭配埋香濃粟米湯必試湯品烏冬煙靭彈牙玉子燒甜而不膩😋😋漢堡扒有香濃牛肉味配上特製醬汁配搭一流最後甜品一定係必食之一☺️提拉米蘇有香濃嘅咖啡香味香滑可口🤩總括而言，5分升滿分⭐️⭐️⭐️⭐️⭐️#日式 #烏冬 #豚肉 #牛肉 #壽喜燒 #鍋物 #壽司 #刺身 #手卷 #卷物 #三文魚 #套餐 #午市 #下午茶 #丼飯 #茶碗蒸 #居酒屋 #日本菜 #觀塘 #觀塘美食 #觀塘好去處 #清湯 #堂食 #試食 #炸物 #天婦羅 #拉麺 #麵豉湯 #貼地 #烏冬 #天婦羅 #定食