影片
電話號碼
91876809
附加資料
外賣店
營業時間
今日營業
11:00 - 20:30
星期一至日
11:00 - 20:30
以上資料只供參考, 請與餐廳確認詳情
近期好想食燒鵝，今日過嚟圓方呢邊探朋友，順便搵下附近睇下有冇燒鵝食，點知就畀我搵到呢間位於尖沙咀柯士甸道西3號香港西九龍站G樓WEK G-12號舖噶一樂燒鵝，同朋友過去即刻落單咗半隻燒鵝，再嚟就係燒鵝叉燒飯，當然仲有個叉燒油雞瀨粉，再嚟一個生菜。呢間就係高鐵站附近，冇得堂食，只可以買完後去公共地方嘅坐枱食，可能過咗飯點，買完燒鵝搵座位嘅時候都唔使等。燒鵝嘅份量都算正常，燒鵝皮還有少少脆，肉質足夠入味，配個酸梅醬，又係另一番風味。叉燒都唔差，係瘦叉燒，面有少少蜜糖焦香，好好食。油雞都好嫩滑，雞皮做得入味。下次搭高鐵又想食燒味嘅時候，呢度係一個唔錯嘅選擇。
繼續閱讀
買外賣，四百幾蚊半隻燒鵝，呢個價錢諗住同中環有得比應該唔錯而且買燒鵝，買例牌，都可能會有啲唔靚嘅位，但係買半隻就冇理由會有問題返到去睇，見到一隻燒鵝髀但係翼位同埋鵝胸，完全見唔到，冇理由隻鵝半隻會冇咗隻翼位，同埋鵝胸位。除咗隻髀，全部都係碎濕濕沒有肉嘅位，即係得塊皮同埋連住啲骨明明買半隻，點解啲位好似揀過咁？呢個價錢，仲貴過中環，中環嗰間買半隻一定唔係咁，就算周街買半隻，最多係啲皮唔好食，但冇理由有啲位會冇咗我懷疑同中環嗰間冇乜關係
繼續閱讀
午市用外賣平台叫咗一份外賣叫咗個燒鵝飯過到去拎嗰陣時想要多包酸梅醬有個攣頭髮嘅姨姨好好咁即刻俾我點知冇啦啦想個矮嘅、眼大嘅女店員瞪大對眼，好惡咁行過嚟講：「酸梅醬要一蚊架喎！頭先你唔自己撳？！今次我畀你！要錢架！唔係你哋下下免費拎！？」我當堂下撚哂你一係就咪撚畀生意都唔好做啦咁威咩市道啊，本身都想支持香港消費，你仲喺度擺款，等執啦希望一樂管理層見到再正視問題，睇吓你啲員工想幾惡劣一蚊畀你check下個腦
繼續閱讀
一樂燒鵝平時聽得多但咁大個仔都未食過行過高鐵站見到佢新開張諗住買外賣試下見到$70燒鵝飯，比留係elements 食諗住平好多啦個外賣碗已經唔係大點知拎到返去一開黎睇唔係呀嘛！？碎濕濕ge d燒鵝而且佢仲要全部俾晒骨同皮ge位(應該係背脊)真係可以食ge肉我諗只有半隻蛋咁大野飲又唔包，菜都冇條新開張咁做生意？！！定係你諗住高鐵站食ge人係遊客多所以冇所謂？真係好嬲！！！！！！！！！！不過最後冇行返去換冇下次啦！！！！
繼續閱讀