影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
8月7日星期三。我和媽媽到尖沙咀的一森素食吃一個早晚餐。我是第一次來尖沙咀分店。位於商業大廈內的其中兩個單位。地方比油麻地大很多。用餐環境也是舒適很多。這裡有大圓桌，有數張四人餐桌。地方潔淨。光線明亮。感覺就是家庭餐廳。雖然商業大廈的門面較小，餐廳立了一個海報架在前。所以並不難找。是日例湯是粉葛湯。顏色很深，味道濃郁。湯內有很多材料。牆上的白板寫著數個快餐和小菜選擇。每天會有變化。我們沒有點快餐。小菜一律$51。套餐價錢是$61，含飯和例湯。鮮竹豆腐脆魚片。鮮竹口感滑。不過醬汁比較鹹。另一個小菜是煎釀三寶︰茄子、三色椒和豆卜。我覺得比較多油份，但媽媽想吃……另外，豆卜煮得硬，媽媽很難咀嚼。她都沒有吃。白飯可轉湯米線加$5。因為我下午已吃了飯，當時還不肚餓。只是陪媽媽吃。結果要帶走部份食物。******9月28日星期六。我們又到一森素食吃午餐。是日例湯是冬瓜湯。店員遞上熱騰騰的湯，冒著煙。熱湯的味道也特別好。有清甜的味道。我們都很喜歡這裡的湯。素炒陳村粉，套餐$39。原來快餐有長者優惠，$33。味道不錯。陳村粉口感頗軟滑。旁邊來了兩位外籍客人，他們指著這碟陳村粉問是哪一個菜。他們也想吃這個。蘿蔔枝竹炆羊腩，小菜套餐$61。小菜沒有長者優惠。蘿蔔和素羊腩都煮得軟腍。枝竹像腐皮般軟滑。******10月10日星期四。我們再次來到一森素食吃午餐。是日例湯是牛蒡湯。沒有冬瓜湯那麼甜，但味道也好。松子仁海鮮炒飯，小菜套餐$68。有松子比較貴。餐單上的其他炒飯都是$61。炒飯內有多種菇菌。口感爽爽滑滑。滷水豆腐大腸，小菜套餐$61。以為是油豆腐，卻是冰豆腐。蜂巢狀的冰豆腐將滷水汁吸得太多，味道太鹹了。顏色都滷得太深。而且豆腐的口感沒有油豆腐般內裡嫩滑。並不是我期望的滷水豆腐。
繼續閱讀
今日真漢子嚟到尖沙咀北京道嘅一森素食，地址係環球商業大廈二樓，就係 iSQUARE 對面。同一時間有一班外國遊客都特登上嚟食素（可能參考 HappyCow?），佢哋見到個門口都一臉懷疑，呢度就係素食餐廳？🤔之前睇咗 「青 BB」 YouTube channel 條片，知道全店都係純素嘅。☘️戇居居咁揮手叫人寫單，先知係自己去收銀買飛 😅。真漢子今次試咗：🐥 椒鹽香酥雞（5 件）$18Sorry 我想講咗個例湯先 🤣，個湯應該係跟炒粉麵飯送嘅。碗湯望落平平無奇，但飲落去熱辣辣之餘，仲好夠味，真係同青 BB 條片咁講，有老火湯 feel。通常素食餐廳嘅例湯一係好淡，一條就偏甜，但呢個例湯有久違嘅茶記例湯 feel（當然個湯好味同係咪健康冇掛鈎啦）。🤩個椒鹽香酥雞冇想像中咁惹味，但亦代表冇咁咸同熱氣。個素雞肉質唔似雞肉，反而有素蠔嘅 feel，即係偏淋冇咩彈性咁。炸粉好薄，食落外脆內軟，雖然唔似炸雞，但味道都唔錯。😋小食方面呢度仲有齋滷味，不過就唔係雜錦，而係分開甜酸齋，咖哩齋，齋鴨腎咁賣，各 $13 一碗。🥣🍜 竹笙羅漢齋炒麵 $69我就好鍾意食羅漢齋炒麵嘅，所以一上枱見到個賣相就知唔算好好喇。通常食開係個脆麵响底，啲汁淋响面㗎嘛，咁就按自己喜好撈適量嘅汁食，視乎想食脆啲定淋啲。但呢個啲麵已經浸哂落啲汁度，所以脆嘅麵大部分都浸淋哂，食落冇咁香口 😕。配料都算多嘅，有竹笙，西蘭花，冬菇，支竹等。炒粉麵飯响呢度係最貴，貴過小菜。🤑🍆 煎釀三寶：茄子，三色椒，豆卜 $53所有小菜一律 $53，加 $10 可轉套餐就有白飯同例湯。豆卜好似炸咗好耐咁，好硬，唔好食。三色椒好啲，茄子感覺係新鮮炸，最好味。😀由於第一次食，所以保險起見已經盡量揀餐牌上有 👍🏻嘅菜式先叫，不過炒麵同煎釀三寶都唔係好得。食完諗會唔會反而快餐會好食啲？性價比又高，$33 單點，$39 有埋湯。小食又係通通十幾蚊有交易，呢個價錢深水埗區都唔得，真係好癲。🥺其實就算唔係素食者，响尖沙咀平平地食個飯都唔係容易，點會估到尖沙咀，仲要响正 iSQUARE 對面，可以 $40 唔使食飽飽。大家記得 save 低呢個 post 下次嚟食喇。🤗
繼續閱讀
上網search睇下尖沙咀有乜嘢地方食素, 找到依間好似幾吸引😋, 於是上去望一下, 地方唔大, 座位唔多, 有快餐選擇, 亦有小菜選擇, 可以選擇加唔加湯, 望下收銀枱後面的餐單, 再看看枱上兩版的menu, 最後㨂左清炒什錦配小菜同例湯, 60多元其實都算幾抵😁, 等左一陣, 例湯送到, 今日係紅菜頭湯🤩, 份量也不少, 店員叫我要小心熱, 真係熱辣辣😅, 飲落真係好舒服, 幾清甜😍👍, 再等一陣送來清炒什錦🥦🥕🍄🟫🥬同白飯🍚, 二者都份量唔算少, 白飯🍚煮得唔會好淋亦唔會好硬, 望下碟清炒什錦睇下有乜嘢, 有素火腿, 冬菇, 枝竹, 西蘭花🥦, 雲耳, 節瓜,,,等等, 材料都幾豐富, 唔會有結的濃汁包住😋😘, 食落味道好清淡, 食左亦唔好乾👍, 真係有家的味道🥰😚, 另一邊亦擺放左免費茶水供應, 真係幾貼心🥰😘😋😍👍, 食野期間都見到有d熟客幫襯, 第日有時間再過來😄😉
繼續閱讀
呢間素食餐廳去咗好多次，由開業已幫襯，都好喜歡佢哋嘅冇味精湯同餸菜，夠大份，一個人好多時都食唔曬，所以有時下午都會同朋友叫一個餸分享。一直以來店員都好禮貌，食飯唔算迫，靜靜的，都感覺舒服但係最近去，唔知係換咗員工定係乜嘢，自此店內長期有一個「留坐」位，但係從來都未見過有訂位客人到店，有時有啲客人忽略咗「留坐」字牌，坐左上去，個店員就會比說話佢地聽。 話人咁大隻字都睇唔到。一月初去食飯，嗰次有兩個外國人坐咗喺呢個「留坐」位置，點一個飯兩個人食，嗰個店員女人應該係知道佢哋唔識聽，佢哋點完餐，又叫佢地坐去第二度，仲話佢地兩個人食一碟飯又揀位我唔得死呀。我聽到呢句說話之後，相信短期內都唔會再去到我哋嘞，因為當時冇乜人，朋友身型太大份，坐我隔離食飯成日撞到我🤣🤣🤣佢就坐過對面。之後個店員見佢食完，我又未食晒，又走埋嚟叫佢坐埋一邊，明明當時都仲有空位，又唔係有人要坐，真係唔明點解個店員咁多不滿。又或者會去油麻地分店，聽講嗰度店員都仲係好好人嘅。 所以如果大家想去食，仍然見到呢個「留坐」位，就唔好坐喺度啦。 因為呢個店員會比曬啲人坐大圓枱先。 呢個「留坐」位置就如同神枱一樣，又或者真係冇曬位，而你又有四個人，就有幸可以坐喺嗰度吧希望有一日會變返正常。始終尖沙咀可以平價食素都係一個唔錯嘅選擇。 而且見佢近排多咗外國人去，都希望店主可以檢討下員工服務態度。🤔
繼續閱讀
因有要事到尖沙咀順便吃午餐，在OpenRice看到一森素食，地點也順就決定去試一下。負責樓面的姐姐非常友善，推介我嘗試不同的套餐。據說這裏的名物是煎釀三寶，我就點了一客煎釀三寶，配一小碗炒飯跟例湯。價錢非常實惠。煎釀三寶份量極大，豆卜很脆，茄子軟腍，青椒爽甜。炒飯是意外的好吃。樓面的姐姐說很多客人都不清楚一森素食的位置，希望大家可以多多支持和推介。
繼續閱讀