163
45
14
港鐵觀塘站 A2 出口, 步行約2分鐘 繼續閱讀
所有分店 (2)
電話號碼
3148 1483
開飯介紹
裝潢充滿日本風的居酒屋,提供大阪系料理如大阪燒及鐵板燒等,適合大夥朋友下班後小酌,甚有氣氛。 繼續閱讀
獎項殊榮
最優秀觀塘開飯熱店 (2015-16)
營業時間
星期一至日: 11:30-15:00; 17:45-00:00
付款方式
Master AE 現金
座位數目
150
其他資料
酒精飲品
加一服務費
食評 (231)
等級4 2017-01-08
5221 瀏覽
我平時最怕餐廳BOOK唔到位,因為覺得排隊食飯太浪費時間,不過好野係值得等待既,幾年前食過呢度既東洋卷同關西燒,心癢癢想再食,今次依然保持水準,不枉我等左一個鐘呀東洋卷 $60東洋卷係用pancake皮包住兩大舊牛油果、蟹籽同肥厚鰻魚。一啖咬落去呢四種食材融為一體實在太美味!牛油果係熟到一咬即溶,同軟身既鰻魚好夾,仲有粒粒咬到卜卜響既蟹籽,口感同味道層次豐富,fantastic!關西燒一品 $55關西燒可以自選配料,我揀左豚肉,店員送上關西燒後就切成九份。關西燒既皮係好似一片好薄既年糕咁,煙煙韌韌,中間夾住豚肉、雞蛋、椰菜。椰菜份量好多,佢既清新中和左醬料既濃味。同大阪燒好唔同~佢無用咁多粉漿,所以口感無咁實。生姜豚肉石頭燒飯 $78醬料落得太重手,甜左啲。同埋可能怕個飯癡底所以落左好多油,呢個味道還可以。桂花豆腐凍 $28桂花啫喱帶微微酸味,杏仁豆腐唔係幾滑同埋杏仁味有啲假。店員既服務態度幾好,有主動添水,值得一讚係上甜品前除左執走我地既碗筷之餘仲有清潔一下張枱,呢個細節係部份餐廳會忽略左既。可惜我地坐吧枱係一個好繁忙既位置,因為對住出菜位,店員喺我地旁邊搬碟、出菜,喺我地正前方同正後方互相對話,好無奈。坐呢個位好難靜靜咁享受眼前美食,餐廳係咪唔應該將座位安排在出菜既地方呢全場爆滿,不停在我旁邊出菜,入面既廚師叫人黎上菜,上菜既又問入面有咩魚等等,全餐都係夾在店員既聲音中間。啲碟一疊一疊,運來又運去,都幾影響食野既心情。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-02-20
325 瀏覽
HAPPY FRIDAY, 跟朋友相約在APM 試食一間期待已久的居酒屋. 因為平時經過都見到好多人,都未有機會嘗試.今日準時收工, 去到晚上七點正. 等待了大約一小時 終於輪到我們.一坐底, 就即左杯麒麟生啤. 食日本菜 加燒物 真係不能缺少啤酒! 正!因為得2個人既關係, 職員為我們安排了坐BAR台. 反而令我們得到左唔同既體驗. 因為可以近距離觀看到壽司師傅即場手握製作的壽司.所以, 我們就即了個廚師推介 壽司10件. 一邊看師傅用心整, 一邊享受食物. 黎個環境真係唔錯. 除左 視覺上既享受外, 用料都非常新鮮. 可以食得出每款壽司的不同鮮味!  個人比較喜歡食吞拿魚!東洋卷, 從未食過.  但一試過後, 就已經深深愛上. 入面有蟹籽,燒鰻魚 同牛油果用PANCAKE皮包住!口感豐富, 味道突出!  必點的東洋卷.關西燒2味, 我地選了 泡菜跟豚肉.   店員於上菜後, 會幫忙分切為九份.因為椰菜份量比較多, 所以食落去都唔覺得太油膩 及可以中和醬料的濃烈味道.點了燒牛吞跟燒蕃薯各一位, 牛舌燒得不錯,但價錢比較貴.$48 只有一串. 食日本菜我必點的燒蕃薯,淡淡的甜蕃味. 燒得剛剛好.最後, 來了份野菜燒鳥冬. 因為係最後上, 我們都食得很飽了. 只能講這個烏冬的份量也比較足料!  味道一般. 繼續閱讀
(以上食評乃用戶個人意見 , 並不代表OpenRice之觀點。)
等級1 2017-02-13
655 瀏覽
今次第3次幫襯一杯鐵板燒居酒屋以前都係晚市嚟食平時等位都要等成個鐘下午經過見到有set lunch 就排隊攞位我哋大約兩點去到等左半個鐘到就有位啦內部環境以懷舊日本風做主題 令人目不暇給一坐低即刻影多幾張相呃like🤣食物方面 叫左個刺身丼定食 有埋前菜 面鼓湯 $120加多$5就有杯咖啡/奶茶/檸檬茶/檸檬水/橙汁評分:9/10魚生飯黎到就比佢外表吸引💕 件件魚生都肥美又大件 質素👍🏻👍🏻刺身大件到可以覆蓋個飯本身覺得飯量比較少 驚會唔飽 點知食完飽到攬住個肚出嚟🙈 繼續閱讀
(以上食評乃用戶個人意見 , 並不代表OpenRice之觀點。)
等級2 2017-02-03
1242 瀏覽
今日有個客約咗我喺apm食午餐,一去到呢間餐廳勁多人,等咗半個幾鐘終於到咗我哋 ,因為係第一次去呢間餐廳 ,所以唔知食咩好,隨便就叫咗個粒粒牛鐵板燒定食, 殊不知當食物送到嘅時候,賣相又真係幾好喎,食咗之後又覺得又真係幾好味,啲牛肉唔會太硬又唔會太生,食落又幾多汁,唯一遺憾嘅係,個客人喺度,唔好意思影相,下次一定會再返嚟食過。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-01-29
1463 瀏覽
食過幾次一杯,通常都係夜晚黎食,每次都會叫關西燒、串燒等等,晚餐散叫刺身或壽司都好貴。今次午飯時間行過觀塘又想食日本野,見 SET LUNCH 有魚生飯,雖然唔算好平但同夜晚比平啲,於是又入咗去食魚生飯刺身多過飯,本身覺得飯量太少,點知食完都好夠飽。刺身件件都好好味! 本來好驚喺香港食海膽,呢度嘅海膽唔腥之餘仲好甜份量同質素$126黎講都算相符同行朋友就叫左炒牛肉粒,味道不錯,不過略嫌芽菜太油,如果冇咁油畀啲芽菜中和下牛嘅油膩就更好喇 繼續閱讀
(以上食評乃用戶個人意見 , 並不代表OpenRice之觀點。)