一本食堂

營業中

休息中

位於觀塘鴻圖樓的三樓，隱藏著一間以日式風格為主調的火鍋放題店。店內裝修簡約現代，搭配日式燈籠、櫻花元素和牆畫，營造出舒適的和風氛圍。座位安排寬敞，餐桌足夠大，方便擺放多款食物，整體環境輕鬆，適合朋友聚會。餐廳主打$298位無限時任飲任食，並可選花膠雞湯底。此價位已包含一款刺身拼盤、一款海鮮盤及一款頂級牛盛盤（每桌限供應一次），其餘火鍋料、炸物、甜品及飲品則可於自助區無限取用。刺身拼盤：包括三文魚、日本帶子和赤蝦。三文魚厚度適中，油潤甘香；帶子清甜軟身；赤蝦體型頗大，肉質結實，整體新鮮度不錯。花膠雞鍋湯底：已半熟的花膠和雞件即席放入湯底再加熱熬煮，建議待湯滾後先飲用原湯，湯底味道帶淡淡雞香，花膠份量合理，口感滑溜，雞肉亦夠嫩滑。海鮮盤：以時令款式為主，包括鮑魚、生蠔、海蝦、大蜆和海鰻魚。鮑魚爽口彈牙，生蠔肥大鮮味不腥，海蝦和大蜆亦屬新鮮。整體海鮮質素對得起價位。頂級牛盛盤：賣相吸引，以冰山盛載四款牛肉：Prime級牛小排油花均匀、牛味濃郁；牛肩胛肉質軟腍多汁；安格斯牛板腱肥瘦適中；一口牛柳粒則較有嚼勁。自助區火鍋料包括少見的鵝腸、牛柏葉、黑魚片，以及多款丸類、餃子和蟹柳等。另外亦有數款炸

今日同老公去到觀塘的鴻圖樓3樓～一本食堂，試下$298/位的花膠雞放題，佢哋嘅花膠雞湯湯底，超級正～店員話個湯底係❌不加鹽❌不加味精，保證正宗原味道，仲教我哋先飲湯，然後再開始打邊爐🥰🌟招牌花膠雞鍋店員會將雞肉倒入鍋度，然後提醒我哋等滾起之後要先飲湯。花膠雞底濃郁醇厚，有鮮味。雞湯清甜，雞肉質地 幾嫩滑，花膠夠大塊。大家記得要先飲湯，再打邊爐🌟頂級牛盛盤4款牛盛盤包括頂級牛肩胛 prime、頂級牛小排prime、安格斯牛板腱同雪花一口牛柳粒，其中牛小排都幾重牛味。🌟海鮮盤海鮮盤有5款時令海鮮，擺盤靚，鮑魚同生蠔大大隻，口感鮮嫩肥美，食到停唔到口🌟熟食和炸物有多款炸物選擇，可以自行去自助區拎，主要有榴蓮炸彈、炸魚皮、炸薯角、黑椒腸同關東煮。榴蓮炸彈甜甜哋，有榴蓮流心，而且係保溫櫃入面keep住溫度，炸皮唔會淋曬🌟自助區有牛柏葉、麵筋、魚腐、日式餃子、黑魚片、蟹柳、魚皮餃、鵝腸、丸類、蝦子等⋯⋯全部無限量任食🤩🌟飲品有冷泡茶（黑烏龍同茉莉綠茶）、汽水同自家製嘅冬瓜仙草同百香果啫喱果汁🌟甜品有芒果布甸、布朗尼、和果子、泡芙、杯裝雪糕、水果等。連雪耳糖水都有，消膩解泄。

今日夜晚同朋友去左觀塘樓上嘅火鍋放題位置比較近牛頭角港鐵站，都非常易搵。388自助餐 任飲任食花膠雞鍋，足料，望落多好新鮮，湯底冇落味精，飲落都幾清甜，打邊爐食落唔會覺得口渴。雞肉都幾嫰滑，花膠食落滑溜。牛盛盤 賣相非常靚 色澤望落好新鮮頂級牛小排 肉質軟嫰，牛味香濃，油脂食落口好滑。頂級牛肩胛 同 安格斯牛板鍵 比較有咬口，牛味都好重雪花一口和牛粒，一口一粒，啱啱好！海鮮盤 五款時令海鮮蠔 好大隻 煮熟後都好滑口，唔會縮得好犀利，冇沙，食落新鮮白鱔片 清爽脆口飽魚 望落大隻都驚會韌，食落又幾嫰，唔會咬好耐都咬唔開，味道都幾清甜，質素唔錯蜆肉雖然唔算大粒，但唔腥，亦都冇沙，相當不錯。基圍蝦 肉質鮮甜，唔點醬都食到蝦嘅香味，搣完殼個size一啖一隻，好味！三點刺身三文魚 帶子 赤蝦刺身新鮮味甜，質素唔錯荔枝蝦球外皮好脆，裏面蝦肉彈牙，有咬口。前菜 冷盤 都好多選擇中華沙律，螺肉，芝麻八爪魚，水果小食 烤腸 炸物 甜品 各款口味雪糕 港式奶茶味好好食，香濃幼滑，真係好重奶茶味！ 泡芙 brownie, 啫喱 應有盡有火鍋配料 丸類 海鮮 菜類都好多款飲品任飲，啤酒有黑啤，泰國象啤等等茶，汽

佢嘅招牌推廣係花膠雞鍋，估唔到佢會直接半隻雞咁上，加埋花膠十分震撼，雞件嫩身滑口唔韌，大大舊啖啖肉，湯底清甜可口，上面層雞油係精華所在，重口味嘅朋友可以落返餐廳提供嘅雞汁。打邊爐點少得牛肉，佢就跟個牛盛盤，肥牛牛味重，大大片唔難咬，肉質都唔鬆散，不過再多幾片就好；和牛粒乳香味濃，想食多幾粒，淥耐咗都唔會咬唔開。難得係個海鮮盤：卜卜蜆大大隻有咬口；鮑魚唔細隻，份量都多，唔會太韌兼爽口；雖則我唔食淥蠔，但見到佢大大隻咁、好有肉地，都令人食指大動。配料方面：腐皮結，豆味濃。餃子雖然皮厚但餡料充、調味唔錯。枝竹大大塊咁，都爽口唔錯。油麥菜新鮮，用雞湯嚟淥又係上咗一個層次嘅風味。另外佢有個刺身拼盤，帶子清甜，有兩隻甜蝦，而三文魚就正正常常，都唔錯。仲送咗兩爐粒荔枝蝦球比我哋，咬落去彈牙，加埋千島醬就唔膩，好少打邊爐會食到。不過非常可惜係今晚冇雪糕食，對於我咁鍾意食雪糕嘅人嚟講簡直係災難，不過佢都有啲白桃仙草、雪耳糖水、巨峰提子啫喱頂一頂

今次試咗觀塘工廈入面呢間「一本食堂」嘅$388無限時自助餐，真心抵食！一入座先點個花膠雞鍋，湯底濃郁足料，花膠厚身，雞肉嫩滑，飲碗湯已經回本一半～海鮮盤係重點！蠔、鮑魚、大蝦、蜆全部任食，蠔🦪新鮮creamy，鮑魚彈牙，大蝦爽甜，鍾意海鮮嘅朋友一定會滿足！仲有三文魚刺身🤤肉食控必攻頂級牛小排、牛肩胛、安格斯牛板腱同雪花一口和牛粒，全部Prime級數，油花靚，淥兩淥就食得，牛味香濃，和牛粒入口即化，encore咗好幾轉！前菜都有驚喜！蟹籽沙律、螺肉、芝麻八爪魚開胃又解膩，炸物尤其出色，荔枝蝦球必試！外脆內彈，荔枝清甜夾蝦鮮，好有特色～火鍋配料應有盡有：萵筍清爽、芝士腸爆漿、公仔麵吸湯精華，仲有台灣腸同午餐肉等經典選擇。飲品選擇多，汽水、啤酒、冷泡茶任飲，仲有啫喱冰好解渴！甜品區有啫喱、抹茶蕨餅、泡芙、糖水同雪糕杯，抹茶蕨餅煙韌香濃，雪糕杯完美作結～總結：$388呢個價位，食物質素同選擇都超預期，環境舒適，絕對會再encore！👍📍一本食堂 (觀塘)觀塘鴻圖道30號3樓

收工經過見到鴻圖樓外圍裝修幾靚，於是就入去睇下有咩餐廳，見到呢間主打無味精雞湯底而且仲要任飲任食，即刻去試下😆主打「花膠雞鍋」以整隻嫩滑雞配上花膠，湯底呈淡黃色，雞肉肉質鮮嫩，吸收晒湯底精華，湯底清澈，花膠入口即感受到膠質豐富。💰 花膠雞鍋每位 $298，升級至$388可以無限任叫刺身拼盤、頂級牛盛盤、海鮮盤，適合朋友聚餐或家庭聚會。餐廳提供咗「🦐🦪頂級海鮮拼盤」，包括基圍蝦、帶子、生蠔、白鱔片、蜆等，海鮮新鮮度十足，落鍋後更添鮮味層次。🦪 手掌咁大嘅生蠔，一口吞唔晒的震撼一隻手掌咁大嘅生蠔就咁端上枱，視覺衝擊感十足。蠔肉飽滿得近乎溢出，光澤閃閃，蠔肉滑溜得嚟又帶少少彈性，唔會腍腍哋。海水味濃郁但唔過鹹，有種天然嘅鮮甜滲出嚟，加少少檸檬汁，酸味中和咗海水味，令層次更加分明。🦐 赤蝦蝦肉質柔軟得嚟又帶少少黏口，入口即化，鮮甜味濃。🐚 帶子切得厚身，咬落去爽口又唔失嫩滑，鮮味十足，冇多餘調味。🐟 三文魚油脂分佈均勻，切片厚薄適中，色澤橙紅，入口油香四溢但唔膩。呢碟頂級牛盛盤一上枱，已經係視覺震撼。薄切牛肉如絲綢般層層疊起，中央堆高如山，頂部再放上厚切牛粒，色澤鮮紅、油花分佈均勻。仿真度極高

今晚上，我和老婆去了觀塘鴻圖道的一本食堂享用火鍋晚餐，從港鐵牛頭角站步行約五分鐘便可到達這家餐廳。這裡主打各式各樣的日本料理，包括丼飯、拉麵、串燒、壽司等，選擇非常豐富，價位也相當合理。我們嘗試了餐廳的$298每位的花膠雞放題，讓我印象深刻的是他們的花膠雞湯底，真是鮮味十足！店員告訴我們這個湯底是零鹽和零味精，堅持保留正宗的花膠雞原味，還教我們先品嘗湯，再開始打邊爐，讓我們的味蕾先享受湯的鮮美。牛肉方面，選擇也相當多樣化，包括牛小排、牛肩胛、牛板腱和一口和牛。每一片牛肉都切得厚薄適中，肉質鮮嫩多汁，牛味濃郁，油脂在口中融化，口感滑順，和花雞湯底的搭配簡直是天作之合，讓人感到非常滿足。海鮮盤也非常驚艷，單是看到這一盤就讓人覺得會吃得相當過癮。每人都能享用到兩隻鮑魚、蝦、帶子、蠔和魚片，海鮮的份量相當豐富，還有新鮮的質感，讓人食指大動。套餐中還包含刺身盤，裡面有三文魚、帶子和生蝦，讓我們在火鍋的同時也能享受新鮮的生食。此外，自助區更是琳瑯滿目，各式餃子、墨魚片、丸類、海鮮、麵筋和蔬菜應有盡有，飲品區則有多款韓國飲品、無糖茶和汽水，選擇多到讓人目不暇接！當然，甜品也是不可或缺的部分。我們品嚐

一本食堂位於觀塘鴻圖道，提供無限時任食火鍋放題，火鍋主打滋補花膠雞湯底，附送頂級牛肉盛盤及時令海鮮拼盤。設自助區有各類火鍋配料、小食、甜品，以及多款罐裝啤酒、汽水、茶等飲品任飲，餐廳環境廣濶舒適，裝潢充滿日式風格。湯底滋補花膠雞湯底：湯色清亮、口感濃郁，膠質豐富，花膠含豐富蛋白質和骨膠原，對補充肌膚膠質及養顏有幫助，雞肉有滋陰補血和益脾的作用。精美的海鮮拼盤有五款時令海鮮：鮮蝦、白鱔片、鮑魚、生蠔和蜆都很新鮮，味道鮮美。頂級牛盛盤：頂級牛小排prime、頂級牛肩胛prime、安格斯牛板腱、雪花一口和牛粒，牛肉新鮮有豐富油花和嫩滑多汁。刺身拼盤3款：三文魚肉質細嫩鮮美、帆立貝爽脆鮮美、赤蝦蝦肉鮮嫩、有彈性。炸物即叫即炸，熱辣辣香脆可口。無限時任食火鍋配料、前菜、飲品和甜品。

餐廳裝修帶有日本風，坐得舒服。晚市主打花膠雞煲任飲任食，加$38仲可以升級為海鮮盤，刺身和頂級牛盛盤任食，好抵食呀。首先，店員為我地上左花膠雞同湯底。花膠好大片，雞件都唔少。湯滾起就先飲湯。嘩，好濃郁嘅味道，花膠好似會漲住係口內，感覺滋補暖胃。雞嘅黃油精華出哂黎，再加少少鹽，更加出味。之後就有海鮮盤, 生蠔好大隻， 煮完後都無點縮水，絕對可以encore 幾round. 海蝦都幾大隻，但唔算非常彈牙。鮑魚大隻爽口。蜆大隻，脹卜卜，食落無沙，仲有少少海水鹹鮮味，正。刺身盤，幾款時令刺身都唔錯，表面光澤，肉質甜美，唔錯唔錯。頂級牛盛盤，有齊牛板腱，牛肩胛等唔同部位。一座牛肉山上枱，已經好吸睛，仲要係牛肉紋理分明，肉味濃郁，好好味。炸物拼盤，炸蝦同荔枝蝦球都唔錯。外面火鍋配料自助區選擇非常多，除左火鍋配料外，飲品，前菜，熟食都有，真係花多眼亂呀。但千祈唔好做大嘥鬼呀🤣雪糕仲有比較少見嘅港式奶茶味同海鹽味添。值得一讚係，再落單嘅食物無漏單之餘，仲keep到生蠔大大隻，蜆脹卜卜，唔會因為去到第二三round就降低質素。店員態度友善親切，會主動介紹食物和食法，收碟速度快，好適合我地朋友吹水聚會呀。

今次同班friend去試咗間觀塘嘅火鍋放題，$298一位無限時，仲要包埋刺身拼盤、海鮮盤同頂級牛盛盤，真係抵到爛！ 湯底我哋試咗招牌花膠雞湯，一上枱就聞到超濃郁雞味，湯底滾起後見到成塊花膠浮面，膠質多到黏嘴唇！飲啖湯先，嘩～鮮甜到呢，雞湯同花膠嘅配搭簡直係絕配，打邊爐前飲兩碗已經回本一半！ 刺身拼盤有齊三文魚、帶子、甜蝦，新鮮度合格，不過得一次真係唔夠喉啊！跟住上嘅海鮮盤仲有鮑魚，鮑魚彈牙唔韌，算係驚喜。 重點嚟啦——頂級牛盛盤有頂級牛小排、牛肩胛、安格斯牛板鍵同和牛粒，牛小排油脂分布靚到癲，淥10秒入口即溶！至於任食嘅特級肥牛片都唔輸蝕，肉味濃又唔會太肥，我哋encore咗成5碟！黑豚梅肉同五花腩豚肉片都正，梅肉嫩滑，五花腩薄切夠入味，點少少沙茶醬已經好惹味。 仲有個大加分位——任飲啤酒！打邊爐點可以冇啤酒送口？佢哋提供嘅係黑啤，冰凍夠氣，同濃湯底出奇地夾，一班人吹水飲酒不知幾爽。 總括來講，$298呢個價錢有咁高質素嘅湯底、任食靚牛同海鮮，仲要無限時坐足成晚，絕對係「食到老闆喊」級數！下次一定會再encore～ 必點推薦：花膠雞湯

今日嗌左：💛花膠雞湯湯同肉有啲太淡 係無調味主義者恩物我地嗌左升級版‼️💛刺身拼盤三文魚油脂好夠但帶子同蝦就真係差少少蝦有少少獨特嘅味道💛頂級牛盛盤呢個份量都ok嘅味道都唔錯嘅和牛粒就有少少太韌但overall ok的💛海鮮盤份量都夠嘅 蝦好甜👍其他幾樣有少少唔得💛炸物盤炸蝦都幾好食炸雞同荔枝炸蝦球就麻麻地不過可以refill我出左去攞少少洋蔥圈淋晒同埋勁軟 有少少sad：（👦🏻👩🏻超鍾意食炸野（burger 炸雞 shop 請DM我地😋😋😋）同埋食到一半嘅時候有啲小蟲蟲飛來飛去但我地覺得可能只係我哋嗰個位嘅問題因為淨係環境都係好大同埋乾淨所以唔知喺邊度有啲小蟲蟲入嚟：（希望下次再去食嘅時候會更好期待期待😘😘

今日同朋友來一本食堂食火鍋放題，非常好食抵食，真係要推介俾大家來食，最主要係任食無限時，先飲湯後打邊爐，餐廳地方寬敞，坐得舒服，還介紹次序來食得更滿足，食前菜、刺身、花膠雞鍋、海鮮盤、頂級牛盛盤、火鍋食物、甜品。前菜、火鍋食物、甜品、飲品仲可以去自助區無限追加，而刺身、海鮮、牛肉亦可以繼續來叫食。💯前菜有沙律、螺肉、八爪魚、炸雞、炸蝦，而火鍋食物有超過30種食品，有牛、豬、雞、羊、餃子、腸子、丸子、菜心、茹、粟米、豆腐、拉麵、烏冬，仲有小食榴槤炸彈、洋蔥圈、香腸等，甜品就有雪糕、抹茶蕨餅、泡芙、生果，飲品就有汽水、茶、啤酒，真係食到令人非常開心，仲好適合同家人朋友來一齊食。💯刺身拼盤有鮮蝦、帶子和三文魚組成，各自具有獨特的味道，蝦肉質緊實彈牙，味道鮮甜，帶有海洋的清香，帶子柔嫩滑順，入口即化，味道鮮美，亦帶甘甜鮮味，三文魚油脂豐富，入口柔和，令口感滑順，味道鮮美且濃郁，帶有淡淡的堅果香氣。💯花膠雞鍋的口感和味道非常豐富，雞肉肉質鮮嫩多汁，煮得恰到好處，口感滑順，花膠彈牙，口感滑溜，帶有微微的嚼勁，令人回味無窮，雞湯散發著淡淡的雞肉香味，湯底滋味濃郁，滑順而不油膩，配合花膠和雞肉的鮮美，

呢日黎到觀塘呢間一本食堂, 原來呢度有火鍋放題可以食! 唔係朋友帶我黎我真係唔知! 我地睇完一輪餐牌決定揀呢個$388 花膠雞鍋自助餐~ 仲要冇限時任食真係勁正! 叫完冇耐店員就上左個花膠雞鍋, 可以飲完個湯再打邊爐~ 呢個餐仲有海鮮盆, 牛盛盆~ 仲有刺身任食~ 真係好正, 刺身都有唔少款式, 三文魚、吞拿魚、油甘魚、帶子等等, 勁肥美, 好好食! 我地都refill左兩次, 同埋真係叫幾多就黎幾多! 另外,佢既海鮮盆都有好多海鮮! 勁豐富, 鮑魚同蠔都有!蜆夠新鮮又冇沙, 真係一流! 出面仲有好多款啤酒任飲, 超正!

朋友仔生日 ，我們就來這裏吃火鍋放題慶祝， 這裏的火鍋放題有兩種價錢 ＄298和＄398， 因為我們都是吃貨兼大胃王， 所以選了＄398， 因為真是非常非常超值 ，＄398的火鍋放題包括新鮮的刺身 ，有帆立貝， 三文魚 ，大甜蝦， 海鮮盤有新鮮大生蠔， 鮑魚 ，大沙白 ，新鮮鱔片 ，牛肉有牛小排 ，安格斯牛柳粒， 這些精美的火鍋食材是無限添加的， 還有一個炸物荔枝蝦球送。在自助區， 除了有調味品外 ，各類蔬菜齊備， 菇菌豐盛， 豆腐製品有腐皮卷， 響鈴 ，各種丸仔 ，還有沙律冷盤 ，炸魚皮， 甜品 等等 ，數不完 。飲品有幾款啤酒任飲 ，還有冷泡綠茶紅茶 ，我最喜歡的蘆薈飲品也有 ，真是太豐富了 。最特別就是這裏的花膠雞湯底 ，幾塊大花膠 ，半隻三黃雞， 放入濃湯裏面 ，先將花膠和雞吃了一部分， 再加湯底 然後開始吃其他的火鍋食材， 真是非常過癮，每一樣食物都很新鮮， 特別是大大的生蠔， 鮮甜的牛肉， 我們吃了又添 ，添了又吃 ，看見左右隔離的顧客都是吃得興高採烈 ，店員也忙於為我們加添食材， 收拾碗碟， 整個火鍋的氣氛非常熱烈， 在這裏吃火鍋真是很享受 ，這裏是值得一再回頭的火鍋放題

今次真係令人眼前一亮，唔止係價錢夠親民，食物質素同選擇都真係有驚喜！首先要講下佢一開始就會幫你送上嘅三大主打：花膠雞鍋、牛盛盆同埋海鮮盆。花膠雞鍋一上枱已經聞到濃郁嘅香味，啖湯夠晒膠質，飲落暖笠笠，好有媽媽煲湯嘅感覺。入面仲有唔少花膠，真材實料，啖啖滋補。跟住就係牛盛盆，牛肉鋪滿成個冰山，厚薄適中，燙一燙就啱啱熟，食落又嫩又香。至於海鮮盆，就更加吸引：蝦,大蜆,鮑魚，一上枱就已經令人心花怒放，啲海鮮都好新鮮，輕輕一煮就食得，唔腥，仲食得出海水味！刺身方面都有三點：三文魚、日本帶子同赤蝦。三文魚油脂均勻，入口即溶；帶子清甜彈牙；赤蝦大隻鮮味除咗頭盤出一次之外，其他食物就可以任拎任食啦！醬料吧夠齊全，有柚子醋、麻辣醬、沙嗲等等任你配；頭盤有沙律、冷盤，一啲小小心機嘅前菜都唔錯；甜品方面雖然唔算豪華，不過雪糕、啫喱、蛋糕都有得揀，收尾啱啱好。仲有飲品自助，有汽水、果汁、咖啡、茶，唔會限你杯數，鐘意飲咩飲咩。整體嚟講，《一本食堂》雖然唔係高級酒店，但$298食到咁多款靚嘢，仲有質素，真係超值。如果你係打邊爐控、鍾意刺身或者食海鮮，呢間一定要bookmark低，下次肚餓嚟觀塘就知要點揀啦！