一意點心燉湯專門店

大前日（18-4-2025 Fri）復活節假期第一日，同老公返到荃灣食晚飯，由於又早又唔太餓，而且我哋少飲湯，不如嚟呢喥食啦，因為都有點心，我哋嚟到坐低，周圍望吓menu，決定要：3. $32.00嘅百花釀魚肚等咗15分鐘左右到嚟，熱騰騰嘅，蝦滑爽彈，魚肚口感到正常冇問題。5分4. $24.00嘅潮州粉粿同樣熱騰騰，size正常，食落，個皮太腍，蒸過龍喇，餡料味道正常，不過都係冇沙葛。2.5分1. $78.00嘅豬肺燉羅漢果南北杏菜乾打開睇，咁深色嘅？我以為係老公嘅燉肉排，呢個味道同樣唔鹹，湯甜，豬肺冇問題，但肉排就嚡。4分2. $68.00嘅西洋菜陳腎陳皮蜜棗燉肉排跟白飯白飯竟然係煲仔上，個湯都係正常唔太鹹，有好多西洋菜，正。5分一如以往，坐低後會俾壺紅棗桂圓杞子茶，個茶係無添加，唔太甜，而每位茶位係$5.00。抵食係2.5分上次食評係2013年5月31日刊登嘅呢篇：https://www.openrice.com/zh/hongkong/review/yeah-%E8%AE%8A%E5%92%97-e4844613…查看更多

茶錢（$5）坐底即刻有一大罌紅棗杞子圓肉茶，清爽微甜，十分解渴。胡椒豬肚雞湯飯（$88）有一鍋胡椒豬肚雞，另加一砵仔飯。湯底很重胡椒味，除咗豬肚同雞件，仲有肉排、紹菜、豆卜，所以十分足料。豬肚厚身，少少爽口，無臭味。雞件同肉排正常滾過湯嘅味道及口感。藥膳雞腳（$48）雞腳有五隻，份量適中。藥膳味濃，雞腳夠哂入味，而且又夠腍，啲汁（有沙參、黃芪、當歸、川芎、甘草、黨參、大棗、圓肉、杞子）好啱用嚟撈飯。…查看更多

我係資深‘’湯控”，香港專賣靚湯的地方越來越小，荃灣嚟講只有2、3間，這間店我幫襯咗至少5年，由佢哋係大窩口便幫襯，到佢哋搬近荃灣。佢哋啲湯好好飲，除咗點心小菜款式越嚟越多，鎮江骨、梅菜蒸肉餅、金銀蛋浸時蔬，通通都好味，至少俾好多係荃灣主打家常菜的舖好味。佢哋價錢都合理的，打電話叫外賣好快有得拎。我最鍾意個湯，羅漢果煲雪梨雪耳，轉天氣，喉嚨乾喉嚨痛，飲完條喉嚨都順啲，佢哋嘅靈芝紅棗竹絲雞也好好飲。…查看更多

今晚我喺荃灣一間平民街坊小店食晚飯，呢間小店主打點心、蒸飯同燉湯，環境雖然簡單，但好有街坊味。今次我叫咗一個豉汁金錢肚煲仔飯，真係好滿足！首先，講下呢間小店嘅環境。雖然唔算華麗，但好有親切感，感覺就好似返到屋企咁。店內座位唔算多，但佢哋安排得幾好，唔會太擠迫。### 豉汁金錢肚煲仔飯而家講返主角，豉汁金錢肚煲仔飯。當我收到餐嘅時候，嗰個香味已經撲鼻而來。打開蓋，金錢肚嘅香味同豉汁味道融合得非常好，真係叫人食指大動。金錢肚煮得啱啱好，食落去脆口又有嚼勁，完全冇腥味，豉汁嘅味道更令整個煲仔飯增添咗層次感。米飯方面，煮得幾好，底部仲有少少焦香，食起來有種特別嘅口感，搭配住金錢肚同豉汁，味道更加豐富。份量真係好多，對於一個人來講，完全係食到飽！### 配菜店裡仲有少量嘅青菜，增添咗一啲清新感，令整碗煲仔飯唔會太膩。其實佢哋嘅青菜都煮得幾好，保留住鮮嫩嘅口感，搭配米飯一齊食，真係好正。整體而言，呢間平民街坊小店真係一個好地方。如果你想搵一個平實而好味嘅晚餐，呢個豉汁金錢肚煲仔飯絕對值得一試。環境雖然簡單，但味道同份量都好有水準，價錢亦合理，讓人感受到真正嘅街坊情懷。下次我一定會再返嚟，試下其他佢哋嘅招牌菜！…查看更多

西洋菜陳腎陳皮蜜棗燉肉排（$68）跟白飯，而個白飯並不是一碗，係一個砂鍋，飯蒸得好好，乾身唔過濕、唔爛、軟。燉湯係用正常紫砂燉盅，入面起碼有一半係湯料，西洋菜尤其多，淋但唔爛，仍有菜味，湯清甜，不錯。鎮江骨（$88）同樣跟一砂鍋嘅白飯。鎮江骨有五舊，酸酸甜甜，味道比坊間清淡（似屋企feel），有兩舊骨嘅肉偏瘦。燒賣（$30）之前食過記得唔錯，的確無記錯，大粒，肉質實但有咬口，豬肉唔肥，食得出係自家製。鮮竹卷（$26）好似好耐無食，於是叫嚟食吓。腐皮比坊間好似卷多層，厚身少少，入面豬肉唔肥，同燒賣近似，另外食到少有嘅芋粒。鳳爪（$26）有六隻，味道正常，大量豆卜墊底，索哂啲味。茶錢（$5@）絕對抵俾，杞子紅棗圓肉，消熱明目，足足飲咗四杯。…查看更多

近排天氣轉黎轉去，攪到有兩聲咳同喉嚨乾，於是諗起今晚不如去一意飲返個燉湯潤一潤先~由於佢座位有限，我諗最多應該坐唔到20個人，所以諗住今晚去到應該要等位，好好彩去到剛剛有枱客走，所以唔使等就可以直接入去~由於佢啲點心同部分小菜都係即叫即蒸，需要時間等候，所以一坐低就先點咗個咖哩魷魚同鳳爪先，咖哩魷魚真係送飯一流，所以每次都會必點。本來打算食金華火腿蛋餃蒸雞，但係可惜又係冇曬蛋餃所以食唔到，於是就叫咗金針雲耳蒸雞沙鍋飯。之前試過佢豉汁蒸鱔好大碟，今次就試下麵豉普寧醬汁配大眼雞，大眼雞配普寧醬真係絕配，肉質夠實唔散，配上鹹鹹哋嘅普寧醬，真係兩煲飯都食得曬。…查看更多

🍚臘腸蒸雞飯💰$48😈今日同🐰媽媽去左荃灣☺️就帶左佢食一意💛呢到係係荃錦中心落條電梯🤔有少少隱閉💛呢到就主打食蒸飯同燉湯既小店🥘咁我地就叫左個臘腸蒸雞飯☺️佢呢到所有蒸飯燉湯都係即叫即蒸👍🏻所以都要預返少少時間💛佢呢到另一個焦點就係佢有壺超養生既紅棗杞子桂圓茶🤤佢飲落好健康🤣飲完成個人都暖哂同埋超養生😬好啦佢個蒸飯都幾好食個飯粒都好煙Un😜雞件都算滑再加埋個豉油🤤我地仲叫左份燒賣$28😝燒賣都似自己手工野食落都好有咬口同埋肥肉都好平均🥘准山杞子花膠螺片燉雞💰$74😈而重頭戲就係佢個燉湯💛我地叫左個准山杞子花膠螺片燉雞湯🥘佢呢到燉湯都係即叫即做大概都要等15mins😝佢個燉湯我同媽媽每人都飲到兩細碗少少😜飲落都好清甜完全無加到味精👍🏻佢啲材料都好足料唔會得好少🤤媽媽仲話自己下次再有Take2…查看更多

去完旅行返嚟見朋友，當然食返啲中式嘢～ 飲茶食點心就係啱晒啦！😎🍽 飽魚燒賣 😋😋😋😋兩粒大燒賣，各有一隻比五蚊銀大嘅飽魚仔 😁 帶豬肉油香，可以分兩三啖食，口感滿足～🥣 川芎天麻白芷紅棗燉魚頭 😋😋😋😋對燉湯唔熟嘅小編，將揀湯嘅責任交畀朋友 🤪 依款燉湯冇魚腥味，藥材味濃之餘，亦有肉香味，滋補啊！☺️🍽 黑金流沙包 😋😋😋😋摵開個包，奶黃餡即刻以流沙狀態湧出，包夠軟熟，味道少甜 (小編仲好奇緊包上所寫的英文字母代表乜🤔)🍽 排骨 😋😋😋😋😋排骨肉嫩，調味充足，豆卜亦索咗啲排骨餡料嘅汁 👍🏻🍽 小籠包 😋😋😋水準一般，有啲煮過熟，皮較厚身，小籠包內裏湯汁少少 🧐午餐 💵💵💵 約港幣$120/人 💁🏻‍♀️ 每張枱已放一大壺浸泡好嘅紅棗杞子茶，茶錢每位$5～ 每籠點心雖然份量唔多，但兩個人食都夠晒飽，亦唔需要花太多時間等點心上 🤗 小店地方約有12個座位，空間唔算好寬闊，而有啲食客就鍾意外賣自取～🙆🏻‍♀️ 最後，喜歡嘅話，歡迎follow @foodirectory.hk！…查看更多

臘腸排骨砂鍋飯：即叫即蒸的方式烹製，米飯蒸煮出香氣撲鼻、口感軟糯且粒粒分明。加上臘腸排骨的香味同蒸飯豉油調味，令砂鍋飯更加美味可口。羊肚菌栗子炖肉排：炖湯份量十足，湯料足料而且飲落無添加味精。羊肚菌和栗子為炖湯帶來香味和甜味，肉排肉質柔軟容易咀嚼。每張桌椅上都有提供紅棗杞子龍眼水，飲品帶有微香，淡淡的甜味，有健康養生的功效。紅棗、杞子和龍眼是常見的中藥材，對身體有益。此外，該店還提供點心和甜點，以及多款健康養生飲品。為顧客提供了更多選擇，可以品嚐不同的美食和飲品。總的來說，這家養生足料燉湯小店的菜單提供了多種美味和健康的選擇。…查看更多

足料炖湯，非常好味，原汁原味家的味道，唔係comercial 嗰種上湯底加料再燉嘅做法。叫咗盅何首烏炖豬𦟌兩個人share，價錢約六、七十蚊左右，真係原盅燉出嚟，唔會有加上湯調味欺騙你味蕾嘅做法，炖出炖湯嘅真諦，絕對係健康養生之選。淨係飲湯唔夠飽(我哋係比較大食嘅)，加咗燒賣，雞扎，金錢肚，啲點心係懷舊點心嘅味道嗰種，未有啲乜嘢驚喜，中規中矩，但絕對唔會中伏。不過淨係飲湯已經值回票價。加上5蚊任飲紅棗圓肉茶，超抵。 因為係第一次去，只係叫咗一盅湯試，下次一定會一人叫一盅…查看更多

燉湯係無敵，叫咗個黑豆何首烏燉豬𦟌 (唔記得餐牌上面嗰名 exactly 係乜)無味精，原汁原味，真材實料，亦唔係用上湯加料再燉嗰種咁commercial 嘅做法。灌湯餃又係另一驚喜，餃本身都係同酒樓嗰種差唔多，但係佢嗰湯又係無敵，雖然無問返店員 fact check，但係我飲到係足料嘅蟲草花雞湯嘅味道，一個字講哂，正到冇得頂。另外，佢茶位只係$5一個人，有紅棗杞子圓肉茶任飲，杞子明目，啱晒而㩒電話已經係我哋無時無刻嘅日常，好健康唯一可以彈嘅係，間鋪好細，我哋下午茶時段去，但如果 lunch hours 去應該好難有位，間鋪一眼望哂，得大約20 個位。 响附近返工嘅朋友， weekday lunch hours 應該要買外賣拎返公司食深知小店生意難做，發文支持良心食肆。中餐唔落味精又做得好味，仲要可以保留香港人飲湯文化，一定要大大力支持。*即使* 粵菜嘅發源地廣州，都俾大中華地區嘅 番茄蛋花湯、紫菜湯 之類只係純粹味道配搭而冇食療素元素嘅滾湯入侵 。希望粵菜入面嘅講求功效，又注重味道嘅無日不湯嘅 飲湯文化，可以响香港世代保留落去。*題外話，正確用語係即使，即便係 "之後即刻"， "隨即"， "跟住就" 咁嘅意思，但係大約十年前開始見到網上有人誤用 "即便" 一詞當做 "即使" 嚟使用，之後全世界嘅文盲就誤以為 "即便" 先係正字嚟跟住一齊錯 (就好似 豉油、豉汁 打成 鼓油、鼓汁。打鼓嘅朋友，你哋set 鼓有冇油或者汁?) 唔通大家嘅便意真係咁强? 大家可以响 Google search "即使意思", " "即使 vs 即便"， 了解有關 即使 同 即便 兩詞嘅意思同用法…查看更多

20-5-2023 (Sat)傍晚,同老公返到荃灣,老公話食少少嘢,我就記起返返嚟荃灣嘅呢間,之前喺大窩口,然後搬去葵興,𠲖o家就有兩間(上次食評係2021年11月20日刊登嘅呢篇: https://www.openrice.com/zh/hongkong/review/yeah-%E7%9C%9F%E6%9D%90%E5%AF%A6%E6%96%99-e4239844),以前大窩口店嘅,OR冇咗record. :(我哋嚟到時冇客人嘅,我哋見到呢喥仍有桂圓紅棗杞子茶,但收每位$5.00茶錢, 坐低後,店員即刻放低一壺俾我哋,我先飲吓,味道比以前淡咗好多.然後睇MENU叫嘢食,要咗:3. $39.00嘅魚腥草青欖雪梨水呢個只有凍但唔夠凍,飲到啲雪梨味又唔太甜,OK 嘅.味道:  5分1. $30.00嘅咖哩魷魚份量唔多,唔算好辣,口感係正常爽,而下面有幾舊未入味嘅豆卜.味道:  4分2. $36.00嘅灌湯餃熱騰騰,皮薄,味道唔太濃,湯亦好飲.味道: 4分之後我哋都要3個燉湯拎走,分別係:4. $54.00嘅貝母海底椰百合燉肉排呢個俾爸爸飲,我冇飲到.5. $78.00嘅生薑燉田雞嗅到薑味,我擔心會唔會太辣,而舀啲料出嚟到,見到有薑片,田雞之餘,重有排骨.飲吓啖湯時,好甜又唔辣,但有薑味,好好味.腍晒嘅田雞肉嚡,亦冇乜味;而排骨同樣係嚡但有又滑又腍嘅軟骨,比較好啲.味道: 5分6. $68.00嘅何首烏黑豆燉豬手呢個唔會好似生薑燉田雞咁甜,但又唔係難飲,黑豆同豬手都腍晒,但我鍾意食黑豆多啲.味道: 5分環境係3.5分價錢:連外賣每個加$1.00 total係$318.00.2.5分…查看更多

一直都無緣幫襯葵興店，次次都因為不同原因食唔到。前排搭巴士經過青山公路，見到荃錦中心地舖（馬會旁）有間「一意燉湯」，即刻上openrice睇睇係咪同葵興同一間，原來真係。坐底無耐，會奉上一呈紅棗圓肉杞子，淡淡的甜，$5位茶，抵比。燉湯有二十款，本來想要燉老鴨，但偏偏就冇呢款（仲有另一款都冇，但唔記得係咩了），殘念。唯有改要川芎天麻白芷紅棗燉魚頭（$72）。數分鐘後上枱。試啖先，咦~~~點解唔熱嘅，只可算係微溫，真心有啲失望；食啖魚頭，嘩~~~凍嘅（應該係話冰先啱），即刻同店員講，疑似老闆娘即刻say sorry，話應該係店員拎錯咗，同提出換過一盅新嘅。再十數分鐘後，老闆娘拎番盅新嘅、熱辣辣嘅燉湯上枱，然後問之前嗰盅已經燉番熱，問我哋飲唔飲（唔飲都係倒咗佢），咁當然唔好浪費，要埋佢啦，結果免費多咗一盅（呢啲咪識做囉，佢唔俾番舊嗰盅你係正常，但依家佢送埋俾你，即刻成個感覺良好好多）。講番盅燉湯，正常燉湯size份量；揭開蓋，藥材味即時湧出嚟；湯水好滿，冇呃秤，夠清，丁丁好少油；足料夠哂味道；魚頭有雲有肉食。整體不錯。鳳爪排骨砂鍋飯（$45）飯底軟熟唔會濕淋淋，鳳爪正常味道，排骨肉質有咬口，合格之作。燒賣（$28）好紮實，中間肥肉唔多，味道正常，不錯。雞扎（$28）好耐冇食過雞扎。枝竹、火腿、芋頭、魚肚、滑雞，款款都正常發揮。小籠包（$28）呢個就唔太得了，皮厚，仲有少少糊口感覺，冇咩湯汁。…查看更多

我哋嘅飯堂返嚟啦！ 想當日舖仔細細勁遠水路，老公都會放工兜去買再搭車返歸，離開荃灣之後都join過團購，但始終無隨時幫襯咁方便.知道一意點回歸荃灣就即刻bookmark，開舖第2日就成家去支持😎新舖有十幾個位好企理，Menu都好中式設計得好靚，一坐低就有大大壺紅棗桂圓茶 🍵養生好味勁有heart.人多可以盡情叫嘢食，3個煲仔飯2個燉湯3個點心🤩😋即叫即蒸最緊要有耐性，牛肉餅飯好厚肉勁嫩，油鴨肶飯食肉已經勁飽，百花魚肚索晒汁勁正🤤🤤.絕不能少嘅一定要點燉湯，至愛嘅 淮山杞子花膠螺片燉雞 😍4片好厚嘅螺片有咬口，花膠勁大片食落口即刻覺得白滑咗😆熱辣辣坐低堂食真係令人感動，不停同老闆講，多謝你地返荃灣呀～.…查看更多