一心素食 (已結業)

今日試咗觀塘開咗嘅一心素食。雖然貴D，但味道唔錯。又有沙律主菜餐茶同湯。打工仔用來做午餐認真唔錯，環境又坐得舒服。最緊要係有得揀又寫明邊D有奶蛋~咁樣唔同嘅素食者都會知道邊樣自己食得，非常細心。

因為疫情關係，最近兩個月都無外出用餐。但人類係群體動物，總不能獨自一個人，所以今日放工，揾左老朋友係觀塘食飯。朋友介紹觀塘鴻圖道有間食素，味道不錯👍🏻大約八時，我們才到一心素食，因此人流不多，只有三至四枱客。食店環境寬敞，目測店鋪座位可以融納約100人。當我看見餐牌，好似本書，有十頁多，想不到素食都可以有好多款。其中一個獨立餐牌寫住1蚊，無錯真係1蚊，我感到驚訝！細看之下，客人只要點餐滿200元，就可以加1蚊換其中一款小菜🤣。另外，餐牌都有漢堡飽，原來餡料都是素的成份。有機會，下次可以試唷！加1 蚊小菜有好多款都好吸引，但無奈大部分已經賣晒，所以我們點了餘下黑松露釀茄子。一碟有六小粒，茄子煎釀後加上少許黑松露調味，這款小炸物感覺新鮮，味道不錯👍菠蘿咕嚕肉，咕嚕肉好少骨，可以食到成嚿肉，好飽肚之餘，淹汁好濃味，菠蘿太甜，我就留番俾朋友食😂。西芹腰果炒素丁，當然有腰果、雲耳和芹菜，腰果炒得好香，雲耳好爽口，西芹好鮮甜。另外，兩款都唔錯，整體味道好食，但每碟素菜油份略多，有些膩。晚市需另收加一服務費，我們的晚餐包括飲品，我點了羅漢果熱飲，不需要另加費用，抵！最後，我們食唔哂，要加兩元外賣盒拎

和朋友近排想食清d 就想試下素 唔覺意搵到呢間傳統中式素餐廳 可能因為肺炎所以呢排都少人幫襯 但so far都係十分滿意、中式素食，雖然油左d但無近新式咁花款 係典型既素食餐廳。芋頭魚應該算係呢間野既一大賣點 炸得外脆內軟 班蘭包都十分出色，保證大人細路，素食肉食者都會鐘意。 重有呢間野係由一班佛教徒開，所以有陣會有飯卷可以比你買，資產老人家食飯。呢期到到生意唔好，大家要多多幫襯會回饋社會既小店令佢地唔好關門大吉。

六人餐再加其他素食和$1優惠，最後十一人去食了$1010都十分抵食。海皇金湯翅材料夠多而味都濃好味，炸三拼菇不太脆但不太油可以，芝士年糕三件有驚喜好味，芝士味好濃又滑又軟熟。麻辣涼拌蓮藕片夠辣切薄片不錯。 餸菜比心目中細份，但幸好就多選擇，六人餐可選六款，芋頭魚勁細條好失望，應該六人切一小件就可以，咕嚕肉口味不錯都帶脆，腐皮卷多料好味，枝竹豆腐素火腩鍋普通，石頭雜菌茄子猴頭菇幾惹味，東坡肉醬汁偏咸，炒飯和白飯要了六碗白飯。串燒雞和四季豆味正常價錢都合理，黑松露炒雜菜幾香不過不太入味。 我們最後食了一千元所以可以叫五款加一元，就換牛肝菌雜菜鍋比較淡，百合西芹炒淮山好味炒得香，芝士肉醬焗大啡菇芝士味不多但抵食， 最後再換黑松露釀茄子，和仲有六個飲品和甜品，甜品可選紅豆沙或泡芙二粒，我地最後再加送都一人一碗，見到起沙好吸引，但食落去似打碎了的紅豆整成口感普通味道不太甜但不太好味。

上次同老公來食，食過翻尋味，適逢是元旦日做個孝順女帶爸媽來試下。亞媽出名咀勺難服侍，見佢食得咁芝味我都鬆一口氣。喜歡這家的4人套餐，因為套餐menu包含晒散叫的菜式。唔會話唔啱食，而且為起條數比散叫仲平D，因為有包含頭盤，飯和甜品。亞媽愛食香口野，點了兩個小食如炸甘粟紫薯餅和炸蕃薯波，我就喜愛芋頭魚和牛蒡水餃。加了桃膠糖水張單總數600幾蚊仲可用1蚊優惠價另點3個菜式。不要以為1蚊雞菜式好敷衍，賣相和味道都好正架

👣一心素食觀塘鴻圖道30號鴻圖樓3樓聖誕節狂食，食到連呼吸都覺得自己肥，係時候要清清自己腸胃，食下素食當減肥😂，至少減左個罪惡感先，平時食開集團式素餐，今次突登揀呢間裝修幾靚，又幾好評既素食餐廳4人套餐 $518 （滿$2xx 可加$1多個餸）呢個餐勁抵食，1個湯，2個小食，4個主菜，仲有甜品送，加埋$1優惠，4人餐6人食完全夠飽👍👍🔸海皇金湯翅呢個湯好特別！飲落去好香蛋味，而且佢個翅亦好似真翅，食落去好有咬口，佢個湯底係羹，飲落鮮甜美味，抵讚係佢真足料足料！🔸黑松露釀茄子 雖然佢係加$1優惠，份量都唔少架，一黎到已經聞到好香黑松露，配上爽口茄子，味道好夾🔸炸三拼菇三拼有雞脾，白玉，靈芝菇，酥炸得黎不失水份，外脆內軟，雞脾同白玉菇較好味，靈芝菇較為遜色，乾身左d呢到裝修令人好舒服，成日都覺得食素要配合埋個環境，我鐘意呢到環境乾淨寧靜，樸素簡單，令人心感平靜💆‍♀食物好味度：6.5/10環境舒服度：8/10整體值回頭度：7.5/10

聖誕佳節忽然想食素就選了離家不遠的一心素食。本著試下無防的心情行入店內，店員殷勤的招待，簡潔的裝修，與店外不太顯眼的招牌有差別。坐下來熱茶已準備好，茶香撲鼻。我點了店員推介的薑汁豆苗，牛蒡水鮫雜菜鍋，一心特式素羊腩鍋，仲有店員說剛煲好的桃膠雪耳紅棗糖水。單價超過$200仲可用$1優惠選購小食一款，我就揀了一直都想試的芝士焗大啡菇，真係好好味，想食多兩隻其實食素都有好多款式揀，一點都唔dry。其實仲想試芋頭魚，但實在太飽。

現在正在餐廳吃飯中，1250落敗單，直到118先到，其間催了多也沒有；食物溫度也只是比微熱好一點，味道一般（可能因為等了很久），真係過份。至於‘肉’的比例太少少、主要是其他配菜。另外如之前所説，是微溫，所以味道大大打了節扣希望餐廳加以改善，不要浪費食客時間。

之前路過見到佢新出咗"未來漢堡", 今次專登嚟試試...............佢有兩款漢堡的, 我選擇左咗平d果款, 畢竟佢價錢唔算平.......上枱果刻都O咗嘴, 因為我冇配薯條, 成隻碟咁大, 但個漢堡咁細, 真係好唔合比例, 真心覺得唔係太抵食, 呢個絕對係佢地唔識配合心理, 我相信同一隻碟+同一個包, 但加埋薯條, 整個感覺會好得多, 唔會咁單調, 望落都大堆頭d, 所以點解出面的餐廳全部都要大量伴碟, 就係因為心理上令食客覺得抵d, 不過佢都不失為一個優點, 冇多餘花巧, 絕對靠實力, 如果將隻碟換細d, 配合返個包, 咁會冇咁空蕩蕩~講返個包, 似係麥包, 因為有好多細細粒似麥粒的物體, 但唔"銀"牙, 而且有烘返熱, 外脆內軟.............而配料就有酸青瓜、蕃茄、生菜、未來漢堡、千島醬, 蔬菜類都好新鮮, 咬落好爽口, 至於個主角"未來漢堡", 個肉質都好似真肉一樣, 絕對有咬口同有纖維, 唔講真係唔知佢係素肉, 煎到面層脆脆地, 但入面又唔會太乾, 雖然都幾厚身, 等於麥記3塊漢堡加埋咁厚....................但衰在個醬稀咗少少, 漏到

朋友聚會，當然要食好嘢，朋友鍾意食素菜，啱晒，就介紹去這間啦。這食店交通方便，地鐵站行過去都係幾分鐘， 上到去，地方好大，環境舒適。 可能我早去，人流唔算多，好快有位。睇下餐牌先，原來有新推介，係漢堡餐同Pizza餐，素食漢堡同素食Pizza 我都係第一次見。好，就試下先先來一個田園鮮果沙律，生果款式多，份量多，又夠新鮮。千島雜菌Pizza，芝士味濃，菌類加芝士，食落好 滋味，pizza 又夠脆。椰汁香芋雜菌意粉，椰汁非常香濃，意粉軟硬度適中。經典漢堡，漢堡用紅菜頭做的，食落同牛肉冇咩分別，口感十足。這餐雖然足素菜，但食完真係唔似，做得好逼真，又夠健康。

觀塘工廠大廈林立，近年食肆紛紛入主工廠大廈，一心是其中一間，網評不錯而且交通便捷，出牛頭角地鐵站行入工業區幾分鐘便到，就跟朋友去試試。周一晚肆人唔算太多，唔需等位, 仲可以邊食邊傾，時間好快就過。日近推介食素菜漢堡，好奇叫了一SET經典未來漢堡，估不到用大豆纖維和紅菜頭造成漢堡扒跟牛肉漢堡質感差唔多，味道也分別不大，如果唔講都唔覺得係是素菜做，比牛肉做更健康，卡里路又低。仲加咗個二人PIZZA餐，選了千島雜菌PIZZA和椰汁香芋雜菌意粉，伴田園鮮果沙律，還附送餐湯、甜品和餐飲，真係相當豐富。估不到千𡷊醬配雜菌都相當惹味，椰汁香芋野菌意粉啖啖椰香又不蓋過野鮮香，鮮果沙律好多生果一點都唔馬虎。由於我哋係個於是叫多一個黑松露炒時令雜菜和賽坊蟹, 所以都好飽, 最後再叫個一荀蘋果鮮蔬果汁又青甜又幫助消化。埋單計數人均消費$150, 都很合理。

每次初一，十五屋企人會食素，咁岩今日我有空陪伴佢地食晚飯，咁岩撞正初一十五，去觀塘晚餐我地散叫鍾意食咩自己叫，可跟餐的！首先叫左餐既例湯加生果同餐飽跟餐的主菜到，准山麵雙丸清湯，個准山麵好正喔，唔講唔知以為食緊公仔麵啊！雙丸都知係老翻既肉，但口感真係好肉地..好多菜而依款同上一樣但係稻庭烏冬、真係稻庭烏冬黎架！芝士焗肉醬麵粉！當然肉醬唔係真肉醬啦，但唔講都唔覺肉醬唔係真係肉！菠蘿炒飯好香菠蘿味道，一個人實在難食得晒！跟餐既飯後甜點、有得選擇、千層蛋糕係最好味！一個人食跟餐實在太飽食唔晒！份量都好多啊！依家d素食好多唔同既款式！都係一個好選擇！

呢間鋪都開左一段時間，我一直都未有機會去試。難得今個星期，終於成功約到朋友去呢到食午餐，雖然當時已經兩點半，只有下午茶，但都好滿足。餐廳很大，下午茶時間沒有太多人，非常好。這裡的下午茶選項也很多，價錢更是優惠，30元便有一下午茶餐加飲品，非常合意。我點了一個芝士年糕薯條，加西瓜汁。這個餐的份量偏少，而西瓜汁也是新鮮榨成，夠新鮮。我的朋友則點了素雞脾薯條，份量也是偏少，但也很有雞的味道。我覺得，作為下午茶，這裡的價錢也符合實物。算是一下午食堂。

呢排成日出街食飯,大魚大肉，於是同朋友提議食一餐素食，發現原來而家的素食都有好多種類，唔係真係食齋架。 我地嗌左個set dinner，食左個炒烏冬，味道好香，食得好飽，仲有甜品泡芙😋 好滿足的一餐素食

朋友推介下試試這間觀塘素食店，我們今次選擇了外賣自取😎這間店的餐牌比較新潮，有西式煮法及中式煮法的素菜😋我們用whatsapp 下單點了雙花肉醬焗長通粉及雜菌素絲炒烏冬。店員很快便提供了order 編號，我們到店後很快便取到了外賣。👍🏻回到office,打開外賣還是熱哄哄的😋以下為長通粉，雙花係椰菜同西蘭花，而肉醬是用菇類整成的😎面還蓋上芝士，可以做到拉絲效果，值得一讚😍👍🏻同事的是雜菌素絲炒烏冬，烏冬用上日本烏冬，配上菇絲及椰菜絲，口感非常好👍🏻👍🏻😋重點係價錢係平民價錢❤️2個外賣加埋都係62蚊😍