一寶中日高級海鮮火鍋 (已結業)

轉頭去睇戲，貪方便由係 Isquare 食啦，左逛右逛，上埋網搵資料，是但就試您啦。門口細細，但入內發現高樓底，地方勁大又寬敞，檯椅密度又低，仲有卡位窗門位，非常有私人空間，空氣流通，坐得舒服。居然坐到張廿二號檯，我既 Lucky number！早餐都可以打邊爐，lunch 打邊爐一點都不出奇啦。我最愛就係打邊爐同燒烤架，食足四季都無問題。廣東點心、小炒、粉麵飯樣樣齊，連鮑蔘翅肚都有。日式刺生、壽司都有，花多眼亂，但價錢似乎過高喎。要睇晒五、六份菜牌真係要花點時間，十幾分鐘後我都耐性爆破喇 ﹗決定先試點心，後打邊爐！一寶蝦餃，鮮蝦仁塞得滿滿脹卜卜，兩三隻爽口蝦仁混上筍粒，蝦用鹽醃過係咸左少少囉。 蒸得乾爽無過火，餃皮嚥韌不濕不爛，合格。蟹籽燒賣，新鮮蝦仁味道，豬肉結實足料，無話多多肥豬肉，不油不膩，好味啖啖肉！竹笙魚翅灌湯餃，無蔥無芫茜合晒我口味！高湯香甜熱燙燙，淋上浙醋更醒胃。餡料夠份量，魚翅、豬肉、冬菇、瑤柱、等等，美味滿足。蒜香排骨，肉多骨少勁開心 ﹗蒜蓉惹味香口撞上甜甜彈牙多汁豬肉，還間中夾雜脆卜卜軟骨，又唔肥膩，好好食。高湯鮮竹卷，清爽濕潤，餡料甜美，腐皮香口嚥韌。唔似得傳統

上星期日要去尖沙咀攪D嘢，正當行經The One附近收到 "一寶中日高級海鮮火鍋" 宣傳單，寫上大中細點一律$18於下午茶時段，於是即刻上5樓試下先。當日叫咗5碟點心，當然全部係大中細點之內，一於食平嘢。首先講下叫咗碟牛肉腸粉，嘩一見到碟嘢，我個反應即刻話 "嘩!乜咁好嘅，有2條蘆筍"，D腸粉個皮好薄，好透明，又滑又好食，牛肉算多，唔錯。另一推介，就係呢碟名叫"真係菠蘿飽"，的確真係有菠蘿係入面，有又叉燒，真料做到皮薄涵靚，諗起都想食。整體來說，叫咗呢5碟點心，都不過失，而且亦勝在夠熱，尤其是"菜苗鮮蝦餃"，一來賣相不錯，二來個皮又好薄，三來又好足料，四來又夠熱，總之正呀!我當日差不多3時去食，食咗1個鐘多D。不過最驚喜係，臨埋單前竟然有紅豆沙甜品送，好香陳皮味，太滿足喇!

今日同個多年無見面嘅朋友食飯！一般打邊爐嘅食市都好嘈傾唔到計㗎！就算卡位都係咁話！見到雜誌睇到佢地有outdoor獨立屋仔房間好靚！所以今日就算2個人都要嚟感受一吓！  一入到間屋仔！嘩！玻璃屋咁！好浪漫丶好有Feel！部長都好有禮貌推薦啲海鮮套餐！不過我就鐘意散叫！湯㡳我叫咗原個冬瓜盅金華火腿瑤柱！個湯底整體都夠味！不過可以再濃味啲！幸好鮮菇味都搭夠！然後都係例牌菜！叫啲刺身做小食！好似我呢啲邊爐精！刺身已經食到厭！都係求新鮮食完唔痾就ok！大帶子同花籠龍蝦刺身還可以㗎！個龍蝦頭就加落個湯底度滾湯丶好甜！個龍蝦頭爆曬膏！最好食係呢個！其他牛肉、海鮮、餃子丶豬肉丶蔬菜菇類都算可以！埋單2個人要2500左右！不過不失啦！

同幾個朋友仔食晚飯，店內有魚生order,由於天氣凍，所以都係打邊爐好d....湯底有好多款，有平有貴啦，但當日做promote一蚊湯底，咪無order特別嘢，清湯算，食物方面，點左d四寶丸，唔錯，幾彈牙唔會霉，新鮮手打，就算叫多round,都keeo到好味。。另order左兩碟豬肉，一碟豬頸肉，量足，但味道無乜特別，跟街外一般酒樓差不多。。。牛就有手切肥口，同一款平價牛肉(唔記得乜名，百零蚊碟啦!)，手切肥牛味道當然無問題啦，但又未去到非食不可，其實佢有好多款牛肉可選擇，但有d一碟要幾百，貴左少少，所以無order呀，大家有機會咪試其它吧。。。招牌餃子王，真係掂，又大，成個饅頭咁，重料，有二三隻蝦在內，得！。。仲叫左d乜鬼馬油炸鬼，又係幾好食，脆卜卜，面頭又有d墨魚肉，幾吸引！！最後又叫左d菜，菇，烏冬等食物，都係新鮮料，食左係咁多，但可能個量都大，幾飽。。。唯一係自己卦住吹水，無影食物,可惜

相約了三數好友享用火鍋，首嚐 The ONE 的一寶中日高級海鮮火鍋。一行七大一小提早一天訂枱，在沒有特別要求不獲安排入座 VIP 房，地方寬敞，私隱度高，用餐環境令人滿意。是晚點了兩款湯底，南北杏大白菜豬肺鍋味道清甜，大白菜帶翠綠爽口，豬肺滋補美味。火焰花蟹鍋以花雕入饌，既生色(火)亦生味(酒香)。湯中加入兩只花蟹煮製，蟹肉結實鮮甜，湯汁味道亦與海鮮食材十分匹配。海鮮生料試了南澳帶子、美國桶蠔及脆鯇骨腩三款。南澳帶子色澤通透，雖未算很大隻，但食味甜美新鮮。美國桶蠔一客五只，最大那一隻有七吋長，十分飽滿吸引。蠔肉蠔香豐碩，亦富質感，令人滿意。脆鯇骨腩魚鮮味足，爽滑得來又有魚骨部分享用。肉食方面，先來金牌手切肥牛(脊)，肉色略深，牛香OK嘅，但口感較韌不夠腍。鹿兒島黑豚肉肉片比較肥，食味普通。午餐肉是至愛火鍋生料之一，選材厚身不肥，富口感，食味不俗。菜蔬點了粟米、菜心苗及竹笙。粟米夠甜，OK。菜心苗夠綠嫩，煮久一會，腍身清甜。竹笙脆口，沾滿湯汁精華特別好吃。雜項墨魚兩食，手打墨魚滑及手打墨魚麵製法味道亦差不多，兩者墨魚風味足，口感彈牙。出前一丁公仔麵是另一必食生料之一，吃火鍋不以此作結，

Food: We had 6 people and orderd a set for 6 which cost $1988. Most of the food was inferior, including the most important which is the set of beef. You can see the photo #1 below, it was so hard to chew and it was very tough and tasteless. The seafood was very small serving in size (just 6 prawns, a few slices of whelk) you can see the photo #2 but at least the prawn is quite fresh. For the other food we had such as the Balls and the Wonton, you can eat better quality of hotpot dishes at restau

入口右邊酒櫃擺滿日本清酒，左邊一排魚缸有生猛海鮮：魚、蝦、蟹、龍蝦、象拔蚌、刺身...好一個高級格局。兩個人食火鍋種類有局限；一個小牛肉拼盤、白鱔片，白蘿蔔、豆腐、粟米、菜籃、一勺酸梅湯、一支啤酒。食物果然有質素，尤其牛肉賣相及肉味，兩者皆精；四百多元的質素應該如此！白鱔夠大條，新鮮。白蘿蔔無渣，多汁。蔬菜翠綠，菇類品種多。粟米鮮甜，欲罷不能！整體質素高，價錢也成正比！

今日星期六，同男朋友來嘆個靚茶，入座時大約兩點，食完先知原來兩點半開始下午茶時段有折，發現得太遲喇>.<"可能唔係正午食飯時段，唔需要等位，被安排入座四人梳化窗邊卡位，好舒服呀 我同男友都太耐無飲過茶，咩都想食，叫左勁多，眼闊肚窄 侍應好快就送上兩壺茶水加熱爐，呢個服務實在太好喇，平時飲茶放涼了的茶已經唔想再飲，有呢個服務就可以保持茶水的溫度 ******************************牛肉腸粉，用兩條露筍伴碟即時令碟腸粉升級，粉皮很薄很滑。******************************魚翅灌湯餃，以為男友叫俾我食，點知係叫俾佢自己食-.-"，不過佢都有將最好的留給我‥有好多料:竹笙﹑仿翅﹑蟹柳等，湯好清甜。******************************蟹籽燒賣，大大粒燒賣，有兩三隻蝦，很新鮮爽口，抵食!******************************鵪鶉燒賣，依家香港唔係周圍有得吃喇，次次見到都一定叫來吃!******************************至愛:帶子菜苗餃，菜苗唔算多，但入面有兩三

因為和中學同學聚舊，想搵一個可以包房的餐廳，而且我地係男校，個個都鍾意食肉食海鮮，經其中一個 同學介紹尖沙咀TheOne既一寶高級海鮮火煱，就立即訂位去試一試。一去到原來是露天花園，有白色小屋獨立包房，可座大約10個人，環境相當不錯，有獨立冷氣加抽氣扇空氣流通，每間房仲送白酒，包房最低消費$4000，即每人大約$400元，價錢都相當合理。講返食物，陳經理服務非常周到，我地話要食靚海鮮同一定要有牛，他就介給我地叫一個三層既牛肉塔，當中唔只有牛肉，而且仲有好多唔同既部位，全部都好好口感牛肉味一流。而另外就再介紹左一個象拔蚌刺身，新鮮彈牙象拔蚌食落竟然有海膽既鮮味。而海鮮方面佢就介紹左一條原條日本空運活海魚，切左上檯個時魚肉仲會跳非常生猛，魚肉薄切打邊爐肉質很爽脆，而且經理仲介紹左一個湯底非常適合海鮮火煱，但不記得名字，你們也可叫他們介結吧。另外就仲有一個海鮮兼盤，當中有聖旨、花甲、生蝦、包魚、生豪、仲有最特別從未試過麵包蟹打邊爐，超多膏好好味夠食兩碗飯，可惜無影都d膏。另外就仲有一些手製蝦丸、牛丸都很好味，而另外仲有一個海鮮餃，入面超多種海鮮料，但唔記得叫咩名，依個真係一定要記得試試。總括

well~咁靚的露天地方, 眼利的你們已經大約估到食什麼!!就是打邊爐~~一間間獨立透明屋, 屋頂佈滿像星星的不同顏色燈泡白色小屋外的環境都令人十分舒服~跟朋友暢談一流一早已訂檯, 列明貴姓都幾體貼, 而醬料選擇有7款都算多。至於湯底的選擇都比較新穎, 如冬蔭功、大白菜豬肺、魚翅鯊魚骨等~最後我們選擇了 川芎白芷大魚頭鍋 $168, 想著藥材較滋補。眼望很多藥材, 夠足料, 不過呢原來藥材味很濃, 一開始還接受到, 不過愈滾愈濃, 選來做火鍋湯底的確有點怪, 下次一定不會再點。鹿兒島黑豚肉 $108一上檯以為自己點了雪花肥牛 @@, 差不多8成是肥肉, 傻傻的沒有即時叫店員更換就食了...因為我們3個不嗜肥肉, 好辛苦才ko了大部份, 有一個覺得豬肉味很蘇...墨魚滑 $88都幾彈牙, 的確真材實料, 不過份量的確太少。特式炸響鈴 $58新解即炸上檯, 點甜酸汁即可食用, 腐皮夠薄夠脆, 而且乾身不會覺得膩。而放涼了也可放回鍋浸2秒, 時間記著把握得好, 變了另一款食法。超甜粟米 $58: 味道好清甜, 而且多汁juicy, 這價錢絕對超值。本地生菜 $58: 顏色翠綠、新鮮, 咬下去

作為"為食搞事人"多年,在找地方跟親朋好友飯局方面也有一定信心,但當遇上一個比自己還有要求也真的懂吃的飯腳時,選地方時不免要用心一點,幸好某次閒聊中得知有幾家食肆也是大家有興趣的,那就在這幾個名字裡去選,已有方向的話就方便很多了。其中一個名字就是這家自己剛去飲過茶的尖沙咀一寶,只因飲食雜誌裡那鍋有著滿滿海鮮又拍攝精美的海鮮鍋圖片吸引到他的注意,九月的飯局也不怕熱的坐埋一枱烚吓烚吓。四位客人竟被安排坐在八人大圓桌,曾跟侍應要求轉到四人桌,侍應"溫馨提示"這會不夠地方放置食物,結果那個晚上咱們四人有點距離地吃火鍋。每位也要收費的自助調味不用白不用,我也將盤裡的青蔥、蒜粒、紅辣椒、XO醬、沙茶醬、辣椒油也加在醬油裡作個五味大混醬備用。午市茶水體貼地用上洋燭爐保溫,反而收費更高的晚市只有茶壺而沒有燭爐保溫,難道是不想讓吃火鍋的客人熱上加熱?晚市時段送每位客人冰鎮鮑魚一隻,以碎冰、竹葉作伴加上乾冰的徐徐霧氣,充滿日式風味的造型上已教一眾相機先吃的女客不住地為牠狂拍。連殼小鮑魚以日本清酒煮過後再作冷凍,肉質彈牙的新鮮鮑魚有著輕輕清酒香,不用日本芥末也很可口,雪得冰冰涼涼的,算是甚為討好的前菜。本為

護士小姐叮囑抽血前不能吃早餐,完成所有驗身程序後時近中午已餓到不行鳥,尖沙咀食肆選擇多的是,只是近日點心癮頭絕重,不用多想找個地方飲茶去。同一時間腦海閃出"一寶"這名字,只因近日在飲食雜誌中看到其圖文並茂的介紹(廣告?!),那就看看水準如何好了。位處THE ONE五樓的一寶,平日下午午飯時段沒訂位也能入座,只是沒有景觀更好的臨窗卡位,一人獨坐面對門口的四人桌,不但可以走得快,還可更容易找到侍應哩。也許人客不算太多關係,當客人一坐下已有兩位侍應為我服務,絕無半點待慢,跟某些狂揮手也沒反應的食肆不可相提並論。桌上兩個熱爐分別為茗茶及熱水保溫,讓客人時刻也飲到熱茶,這主意實在很不錯。店方所用的鐵觀音頗有水準,泡出的茶湯有著清香也很順喉,平時對人蔘烏龍情有獨鍾的我也蠻喜歡她的甘味茶香。店內採用新式的劃紙仔選點心,在餓得開始失控的情況就選多了一款點心讓自己飽肚,何況午茶還有八五折優惠,沒關係的沒關係的。個人飲茶時必點的蝦餃燒賣第一時間在點心紙上打了勾,一寶蝦餃王(特點$38.8)也是第一籠現身的點心。有點如嬰兒小拳頭的蝦餃王裡包著幾枚超大蝦仁,泛紅蝦肉也超爽口,果然是一分錢一分貨;最高興的是找到

平時朋友聚餐出街食飯，邊食邊閒聊都越來越唔方便，一來可能店舖租金貴，所以坐位安排為左做多啲生意，無奈位與位之間相距比較近及逼，故朋友見openrice食客推介一寶中，所以決定一試每間玻璃房都有獨立冷氣，抽氣扇，風扇及冷風機，仲有mp3及細喇叭播放音樂，私隱度又高，環境好舒服餐廳做緊promotion,每位光顧食客都送魚刺身，雖然免費，但非常新鮮及肉質清爽，配上醬油溝蘿蔔蓉，味道好夾招牌一寶海鮮鍋$348: 材料非常豐富，又有蟹又有蝦，配料仲用粟米，紅白蘿蔔及芹菜，越煲越鮮甜，正青荀$68: 咬落質感清爽及鮮甜，好好食鹿兒島黑豚肉$108: 肉質鮮味，質感一啲都唔韌，好好食，好可惜只食左半碟，因為朋友食到中途發現疑似蜘蛛物體，最終有位marketing manager 特意攞返疑似蜘蛛物體放響隻乾淨碟到入黎解釋返其實係夏枯草，望真後安心好多，不過佢都接受我地取消呢碟肉既order因為我朋友真係嚇親食唔落爽脆豬天梯$78: 豬既喉嚨位置，雖然爽口，不過間中會食到一粒粒好似米既骨仔，所以試一次便夠招牌八寶丸(小)$98: 內有八款丸，每款兩粒，手打丸爽口彈牙，好正鎮店水餃皇$54(半份)及

一行十多人浩浩蕩蕩地進內。在晚上被那帳幕配上燈飾吸引, 實在大特別了。不過由於我們人太多而且還是打邊爐, 所以都是入回室內比較好。由於此店是新開張不久, 所有東西都很新和很乾淨。位子也很闊, 坐得很舒服。最後點選了12人套餐, 送了兩條原條上碟的海立魚刺身。首先講賣相已經相當漂亮, 份量亦十分多, 亦都很新鮮。到了我們食完了送的刺身, 原來可以再加錢把魚骨酥炸椒鹽。不過因為大家都怕熱氣, 所以就用來餚湯算吧! 到了現在看回該店的食評相片後, 我後悔了!東瓜盅湯底實在太有意思。味道不會太濃, 還可以襯托我們今晚的海鮮火鍋之夜。當天的刺身整體來說都很新鮮, 除了海膽有少少腥味。另外, 響鈴是新鮮即炸的。在剛送到時還聞到它的香味, 真的不忍心把它放進湯裡, 如果份量可以再多就好了。蝦滑和墨魚滑亦都很新鮮彈牙。牛肉亦都很「林」。到我們當天的主角出場 - 大龍躉大家多數食龍躉應該都是清蒸吧! 當天是小弟第一次用龍躉打邊爐。在進食時比較緊張煮得太耐, 魚肉會變老, 幸好煮多久魚肉也很滑溜。因為到了尾聲時, 發現鍋裡有一塊魚肉都應該煮了很久, 心想一定其韌無比, 但又不會, 而且還很滑。雖然配有很多

呢間酒樓都幾特別，除咗主打中式海鮮之外，仲有日式海鮮、活魚刺身、海膽等都有雖然係食個下午茶，但都叫左個海膽飯先嚟一個灌湯餃湯底同餡料都幾好味，不過個餃皮係塊厚厚嘅粉果皮咁，食落有少少怪，但就一定唔會未食就穿左囉海膽飯超大份量，呢個價錢想像唔到會比咁多味道鮮甜，飯亦夠多，一定夠飽配埋青瓜絲同紫菜，食法又多啲，讚！壽包 X2原隻咸蛋黃，新鮮熱辣，絕對有別於平時擺酒果啲級數出晒油咁，正到爆蓮蓉甜度啱啱好，唔太甜，又夠滑，正！北海道牛乳布甸（送）酒樓下午茶送甜品，有趣！牛乳布甸加上芒果醬，幾得意不過芒果醬好似濃味左少少啫折埋都係200幾，真係抵到震淨係個海膽飯，出去日本餐廳食，咁嘅份量冇200蚊都落唔到樓啦環境又靚，出面個玻璃小屋好靚呀!!下次再嚟打邊爐一定要坐吓出面先!!