一家茶室 (已結業)

我屋企兩老去一家茶室食早餐，咁大家都知而家興手機用二維碼點餐，但我屋企兩老對呢一方面唔係太熟悉。咁正常見到都會教下啲老人家用啦，或者幫佢哋用手寫落單，佢哋冇不特止，仲要恥笑兩個老人家，態度好差咁話：「你哋同時代咁脫節，隔籬嗰個嬸都適用la」搞到佢兩個都唔係好食得落呢一餐飯就係因為有你哋啲咁嘅人，所以啲老人家先唔敢隨便搵人地幫手，幫襯完呢一次之後永遠都唔會。

之前一直經過都冇試過呢間餐廳，最近發現佢搬咗去隔離街！喺鋪頭出面睇緊有咩食，見到門口已貼哂poster話每日嘅中式例湯都唔同，幾有心機，即管試下呢間新茶記先👍我同朋友分別叫咗川味回鍋肉飯同埋咖哩雞球飯，價錢合理，因為兜飯超大碟！足料又多汁，好惹味！回鍋肉果汁幾特別，食得出係溝咗少少XO醬，同平時嘅川味醬有啲唔同！咖哩雞球就正正常常，係穩陣嘅選擇。不過就上菜比較慢，好彩有碗中湯飲住先～見到隔離枱啲人叫咗炒飯，好似好有鑊氣咁，下次試試呢到啲炒野先😋員工都好好人，係咁問我地要唔要多個碗仔呀果啲👍

早兩日係旺角明記潮館食咗碟沙嗲牛肉少芥蘭，一流! 過兩日落去一家茶室食沙嗲牛肉麵，中伏!星期六忙完一大輪，早午餐都無時間食，攪到成3點半先得閒，於是約埋女友小熊落去一家茶室 Tea Time.點咗雙併麵餐肉併沙嗲牛肉多汁，小熊要炸脾併薯條.一家茶室嘅吉烈豬扒好掂，以為炸脾都有水準，點知就真係得果吉烈豬扒得，其他完全中伏! 雞脾一睇顏色就知炸得過火，外皮香脆但肉質柴口，完全唔 juicy!沙嗲牛肉麵要求多汁無多汁，都算! 成碗牛肉麵只得果兩舊牛肉! 仲要話正價要加錢32蚊加至36蚊! 但牛肉仲少過大家樂! 都算! 沙嗲牛肉仲要係凍! 攪咩呀！廚房轉咗人咩？錢就識得加但份量減質素差! 無辦法唔俾負評，拒絕再幫襯!唉.... 食神又再遠離我.....~~>_<~~

係紅磡差館里有間森森小屋，吉列豬扒等炸物做得出色，但終於遇上強勁對手.....一家茶室原先係一間質素唔錯嘅擔擔麵店，因為起地鐵怕影響生意，所以退休，之後變成車仔麵店啦，雞飯店啦(從無幫襯過!)，到依家啱啱轉手為一間外表平平無奇嘅茶檔.望吓個餐牌，都係平平無奇嘅選擇，但果份吉列豬扒就超哂班!第一次叫咗份吉列豬扒咖哩飯外賣，以為普通貨仔所以無影相，點知有驚喜，於是隔幾日又再叫多一次外賣.今次係吉列豬扒焗飯，先唔講味道，講份量，份量比森森小屋大而厚，而且 Size 唔細，以為厚切口感會變硬，但啱啱相反，肉質鬆軟又 juicy，再加上外層超香脆但唔油膩，價錢又唔係特別貴，同樣都係外賣，好明顯質素比森森小屋高一班!下次試完個吉列魚柳再寫食評!