一喜車仔麵

營業中

休息中

📍     一喜車仔麵🌍香港尖沙咀重慶大廈地庫S19-21號舖📝整體評分：8／１０⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝一家以港式車仔麵為主打，融入潮汕美食元素小店。價格親民，性價比高，但係位置較隱蔽。▸ 紫菜四寶黃金雞湯◂•  第一次黎食可以叫呢個試哂呢家招牌特色金湯同潮汕特色。湯底奶香順滑，鮮甜濃郁，帶有雞肉的天然香氣。四寶丸有潮汕牛丸、馬觖豬肉丸、有魷魚的魷魚丸，彈牙有嚼勁，同埋手工小米粿，煙韌特別。▸ 沙嗲牛腩淨餸◂• 牛腩軟滑帶膠質，沙嗲醬微辣帶花生香和椰奶醇厚，濃郁而不過膩，勁香惹，淨食有少許過濃，撈麵食就完美。牛腩份量勁多，超級抵食！▸ 自選車仔麵◂• 當然要試埋車仔麵，揀左豬大腸同埋蘿蔔。雖然蘿蔔唔係當造，有少少渣，不影響美味，依然好清甜。豬大腸極力推介，爽口不韌，入味又無內臟臭味～▸ 椒鹽魚片頭◂•  魚片頭炸得乾身魚肉，爽口彈牙，椒鹽香氣撲鼻，保留魚的鮮味，簡單俐落。仲試左好多小食，無上述咁出色，但都好值得一試，味道不錯▸ 炸韭菜餃◂•  炸至金黃酥脆，內裡保持濕潤，韭菜清香與肉餡交融，菜肉都係新鮮製作。▸ 上湯鴛鴦餃◂餃子皮薄餡多，湯底清甜溫

因為見評分高，所以試下喱間車仔麵，試食之後都幾失望，真係唔明點解評分可以咁高，性價比極低，大把車公仔麵舖出色過佢，今次去order$12冬菇，竟然可以將一隻冬菇剪開四細粒當一餸，上次有同樣情況，order$14牛栢葉，可以將兩條剪開四細條當一餸，若老細咁吝嗇，就唔應該賣這個價位，極為不值👎

最近見到好多人推介呢間 一喜車仔麵 放工一於去試吓先 ！ 雖然舖位唔大 6:15pm但都坐滿人 餐牌有好多款小食 今日就食佢個招牌 紫菜四寶丸配雞湯再配米線 丸嘅份量都比較多，都食得飽都特別嘅 但雞湯就冇我想像中咁好食 個雞湯冇乜雞味 個米線口感都好食！但個湯就欠雞味 但啲丸就好食嘅係特別的 都好彈牙 同新鮮而男朋感覺叫咗腩汁河粉 普普通通中規中矩啦!不過佢嘅價錢都係一般平民嘅價錢 價錢合理的 最後仲叫咗一個瑞士汁雞翼 都好食，正常味道

这间車仔麵位於土瓜湾，雖然地方细细，但坐位卻很鬆動.食物方面叫左几款小食酸齋 - 不過不失咖喱魚蛋- 魚蛋好彈牙，咖喱汁好濃郁👍🏻我叫左碗車仔面加沙嗲汁，🤨起初見到碗麵覺得咁清應該麻麻哋，點知溝埋啲沙嗲汁出奇地好味💪🏻💪🏻坐坐下聽到有人叫10碗甜品外賣，令到我哋都想試🤭椰汁桃膠西米露🥥好好味，真係一食難忘🫰🏻🫰🏻🫰🏻

我當日經過土瓜灣去（一喜）食車仔麵，試左佢哋嘅黑松露蛋， 9寶淮山麵雞湯底，食得出佢地對食物係要求，真係有別於一般車仔麵，好乾淨。好好味，食得健康，值得推薦👍🏻👍🏻

係尖沙咀想食得平平地，車仔麵就係最好不過嘅選擇🤣🤍哩間係Isquare對面商場地庫((早幾年翻新 好乾淨光孟，不過人流唔多))老闆娘超級好人，好有人情味介紹佢地推介嘅食物，食完仲會再問你有咩意見🥹好有心的。見其他食客行入黎都會同佢打招呼 話又黎搵佢。人情味滿瀉。食物味道方面，個人超喜歡佢地嘅汕尾小米粿8粒（豬肉粉粿)~軟糯煙靭的外皮，包住好似雲吞入面嘅豬肉餡👍🏻👍🏻👍🏻另外香辣單骨雞翼都炸得好出色 好脆（如果有蒜/南乳味就perfect🤣)📍一喜車仔麵地址:尖沙咀彌敦道36-44號慶方地庫S19-21號舖

唔知食咩好，食車仔麵就最好啦！呢間一喜車仔麵之前已經幫襯過幾次，呢度嘅辣菜脯好出色，令人越食越開胃～3餸1麵💰HK$56炸貢丸片好特別，平時好少見，口感彈牙！生炸豬扒份量多，肉質軟腍！爆漿大大粒芥末貢丸係進店必食，一咬落去就有芥末嘅味道，正啊！主食就簡咗公仔麵，第一次用公仔麵做車仔麵麵底，感覺都係食開咗油麵正啲！另外湯底加咗牛腩汁，味道更加鮮甜～凍奶茶💰+HK$8

今晚和愛吃車仔麵的朋友去畫畫，之後就理所當然地帶她去我之前吃過的一間抵食車仔麵出門啦！一喜車仔麵位於尖沙咀慶坊地庫，就在重慶大廈旁邊，一出地鐵站向前行便看到慶坊，十分方便。朋友到步後就立即被門外的一比一車仔麵道具吸引，真的維肖維妙，非常逼真。我們當然不忘打卡了！餐廳地方十分寬敞，周遭的擺設也充滿香港特色，目測可以放三十張枱，環境非常舒適。我們點了：自選淨餸車仔麵:～菜芯新鮮爽脆，入口非常清甜而且有脆口感。～胡椒豬肚丸彈牙可口，辛辣中帶著濃郁的胡椒香。～瑞士汁雞中翼肉質鮮嫩多汁，濃郁鮮美。～牛腩軟嫩入味，醬汁滑順，充滿了濃郁的牛肉味。自選車仔麵:～准山麵Q彈有嚼勁，與蘿白的清脆口感形成完美搭配。～瑞士汁雞中翼同樣肉質鮮嫩，大大隻，夠入味。～牛栢葉與咖喱汁融合，辣香濃郁。我們點了很多港式小食:～椒絲腐乳通菜。腐乳汁淋在菜面上，酸辣鮮香。～通菜十分爽口。咖喱魚蛋外層酥脆，內裡綿軟鮮嫩。老闆娘說咖喱汁是他們自己調味的，咖喱味恰到好處，既不過於濃郁也不過於淡薄。～炸韭菜餃香氣四溢，外皮金黃酥脆，內餡鮮嫩多汁，蘸想酸酸甜甜的醬汁，十分好味。～特級瀨尿牛筋丸最出色！非常彈牙有嚼勁，牛肉味濃郁，口感豐

土瓜灣惹味車仔麵-一喜車仔麵行經土瓜灣見到呢間車仔麵，原來尖沙咀都有分店㗎，就入去試吓😗點左碗車仔麵，有蘿蔔、大腸、豬紅同酸齋，記住要加辣😋蘿蔔煮得夠腍，大腸夠爽口汕尾紫菜四寶: 湯底係黃金雞湯，好濃郁，材料都好多，有墨魚丸紫菜魚角等椒鹽魚片頭：都幾大碟，炸得好香口，加上椒鹽更加惹味咖喱魚蛋：魚蛋好彈呀，係大大粒架😉腐乳炒通菜：大大碟夠抵食Overall都唔錯，不過小店會坐得迫，美食當前都支持下☺️

朋友介紹， 今日去試食。 雖然下午2:15 分到， 都坐得7788 人。 因為土瓜灣實在無野好食。 坐低後睇餐牌， 太多選擇， 所以唔想諗食咩叫左個豪華九寶， 份量可以，當然再加量我梗係歡迎啦🤪加杯凍檸樂，承為66 大元。但天氣太熱， 店舖唔夠冷氣， 所以大汗踏細汗， 希望老闆關注下我地怕熱既土瓜灣居民。 紅腸👍🏻，牛丸👍🏻有魷魚粒既魷魚丸👍🏻下次想試下咖哩魚蛋同豬扒。 總括來講， 可以encore 🤤 希望下次有涼爽既車仔麵體驗啦！

外賣咖哩魚旦＄20有12粒，價錢ok，都唔算貴。魚旦好大粒，好爽口彈牙，唔粉，好驚喜。咖哩醬汁都好惹味，小辣。食過幾間小食店嘅魚旦都好粉唔彈牙，食到呢間真係好高質。兩個樓面收銀姐姐都好禮貌，問我想要咩。

週六拍拖日子同老公食午餐。因為今朝番左學校聽講座。。。所以搵左附近的餐廳。。最後簡左呢間車仔麵。我叫了豬寶，入面有豬紅，豬皮，豬腩肉，豬腸。豬皮豬腸好入味。。跟住仲有些小吃。。。潮式炸3寶好食。但係個咖哩3寶就認真唔好食。。。白烚完之後淋上咖哩汁。。一d都唔入味之餘，個底下仲一攤水。。老公食果碗係乜都有豪華九寶。。除左讚白蘿蔔好入味之外，唔聽到佢講有邊樣好食。。總結，這車仔麵不是難食。。但沒有什麼特別之處，最失望就是咖哩3寶，今次食完之後唔會特別想番黎再食。

今日去咗位於土瓜灣嘅一喜車仔麵食下午茶下午茶時間非常多人座無虛席 豪華九寶車仔麵 超級大兜有九種唔同嘅材料 選擇困難症就啱晒啦 當中牛腩蘿蔔同雞翼就最出色蘿蔔炆得又淋又入味入口即化 牛腩牛肉味濃郁，同樣又鬆化嘅口感 雞翼滷水味好正 另外仲加咗招牌即炸豬扒同埋酸齋 酸齋酸酸甜甜勁開胃，口感煙靭生炸潮汕三寶 汕尾馬交豬肉丸有魷魚嘅魷魚丸 深海 粒粒墨魚丸 全部都炸得金黃色，令人食指大動酥炸潮汕雞卷 外面係腐皮包住雞肉同埋蔬菜非常有口感

車仔麵比人感覺都係求求其其，唔會好食得去邊但呢間製作既食物全部都好有誠意一定帶到驚喜比你款式都多，價錢亦唔貴當中都有D係幾特別，平時見唔到既選擇你可能會問點解湯底黃黃地色，其實係呢到既招牌秘製雞湯底黎，真係未見過車仔麵都咁講究呢個雞湯真係超正入口會有濃濃既雞香，仲有股清甜最難得係雞味咁濃得黎佢完全唔會膩，高質一喜秘製菜肉餃餃子夠薄，肉量夠多，食完勁滿足特級瀨尿牛筋丸佢真係還原到星爺套食神既瀨尿牛丸食落口入面D汁真係爆出黎牛筋丸更加係爽口彈牙生炸潮汕三寶勁豐富，入面有汕尾馬鮫豬肉丸，有魷魚的魷魚丸，深海粒粒墨魚丸其中最推薦就係汕尾馬鮫豬肉丸因為佢落左D馬鮫魚粉落去，令佢食落口會有陣陣魚香，超回味有魷魚的魷魚丸亦都真係有粒粒魷魚，食落勁鮮甜爆料咖哩四寶呢個咖哩四寶又真好高質咖哩味比近相近港式咖哩味，但佢唔係一般茶記好hea果種佢係香濃有層次既咖哩魷魚爽口彈牙魚蛋鮮味十足牛柏葉好爽口牛腩又淋又入味

土瓜灣呢間車仔麵有好多特色既菜式，係潮汕口味，呢日去左食一食。自選車仔麵 (豬紅、魚蛋、有魷魚粒的魷魚丸、蟹柳、家鄉小粉粿、牛丸) 貪吃既我點左好多款配料，豬紅既口感唔錯，而有魷魚粒的魷魚丸亦都好有咬口。家鄉小粉粿都好有特色，牛丸也不錯! 濃郁又有質感，最正都係有淮山麵，爽口彈牙，唔係好多地方有呀。瑞士雞翼，雞肉十分鮮嫩，同埋醃得都幾入味家鄉炸雞卷炸得好香脆，配埋邪惡香辣既醬汁，好有風味呀！油菜，食得健康d當然要食番d菜啦，都好爽口，而且新鮮。袋裝手工豆漿 (低糖) ，呢款豆漿自家製作，低糖夠哂注意健康既朋友。