一哥燒臘

營業中

休息中

加$10叫咗個雞髀叉燒飯。嚟到隻雞髀變咗雞鎚，成隻脾最大舊肉切走咗，得返嗰舊骨以上肉，雞鎚飯就差唔多。即時同呀姐反映，佢話呢隻咪脾，我同佢講成隻就係雞脾呢隻係鎚，然後佢又叫另一個呀姐過嚟，呢個仲好笑望完冇反應走咗，又冇解釋。我第二度食雞髀飯係好大隻成舊脾，佢哋可能價錢平啲，所以會切走左部分，但今日絕對唔係平時咁樣，我尋日都係度食過雞髀飯如果同尋日一樣，我可以接受，但係咁明顯切走曬反映完又冇任何處理，咁樣唔可以接受，本身都成日食，但係決定以後唔會再幫襯。

一間經營左好多年既小店，唔係驚為天人既味道，但間唔中經過就會想去食下，尤其鐘意佢送埋大大碗既例湯，好多時更係為飲啖湯先嚟食飯燒味飯水準穩打穩紮，雞肉唔會鞋，燒鴨同叉燒水準都不俗，係我經常選擇既配搭之一，豉油同薑蓉都係合格味道，一碟份量亦唔少，而且款式選擇亦多，有乳豬又有燒鵝，另外又可選擇脾位，下午茶又有瀨粉等選擇，而且收鋪時間都算夜，好多時ot到7,8點過到嚟都仲有得食堂食位置更有隻可愛既貓仔，收工時間過嚟食下飯吸下貓可能係我工餘既樂趣嚟

呢間燒臘飯店喺觀塘廣場地下大堂，一行入去就見到，喺觀塘區都算出名好食，咁就再幫襯啦😋 盒飯和餸份量足夠，$40連湯算經濟抵食呀😄。白切雞🐔肉嫩滑，燒肉就皮脆肉滑，鍾意佢唔太肥，配埋薑蓉芥辣，啱就very good 喇，keep到水準喔。🤗 碗湯係青紅蘿蔔湯🍵夠熱，但就淡左d。 因為間舖比較擠迫，所以我通常都係買外賣食。

一哥燒味臘觀塘廣場內已很多年，以前 他們是可以擺很多張枱在出面的位置，所以坐得比較舒服，只是太多人會經過人來人往。不過，近年商場已經不批准所有食肆擺放枱在公共位置，所以 一哥的堂食只剩下在一間舖入面。我通常都是吃豉油雞胸和燻蹄，亦試過燒鴨，燒味水準不差，價錢亦相宜。堂食雙拼飯是42元，外賣只是40元。通常叫一盒飯會送一個例湯，感覺上是沒有落味精。而這兒最特別的是只要你想，蔥油是可無限加上（）。不過，很多觀塘的街坊覺得這店舖入面比較污糟 ，所以不會在此購買食物。但是今日在堂食的感覺，尚算乾淨。而且每張枱還有提供搓手液。堂食都冇太大的hard feeling，不像街坊說的不乾淨。如果對燒味有特別的要求，老闆都會盡量滿足，我試過指明要雞胸，老闆竟然開一隻新的雞切割雞胸給我。 但以我所見最多人叫的是叉燒外賣，相信叉燒是這間店舖的招牌菜。另外，這兒除了可以嘟安心外，還可以填個人資料入內。

位置係馬會隔離，人流好旺。環境唔係靚裝修，只係外賣小店。諗住食個快既午餐，叫左燒鵝飯。估唔到平平地幾十蚊都食到皮脆肉嫰既燒鵝，好有驚喜！ps.老闆員工親切友善，同好多熟客傾計，睇黎係值得推介小店

我香港為食妹有時都想食下燒味，對我呢個觀塘友黎講，一哥燒臘就梗係不二之選啦😁呢間舖頭喺觀塘廣場地下大堂，有啲大排檔feel😉一哥燒臘一向有質素的，今日都keep到水準👏🏻👏🏻燒肉皮脆肉滑，勝在唔太肥，切雞🐔肉嫩滑，啱晒我嘅口味，配薑蓉真係一流😆呢個$40燒味餐仲包一碗湯🫕，今日係粉葛紅蘿蔔赤小豆湯，夠熱好味😋不過嗰度衛生就麻麻喇，亦比較擠迫，而家疫情😷時候，都係買外賣好啲喇。

觀塘區平民價，抵食好味又食得飽既最佳之選之一👍🏻👍🏻👍🏻同以前最大分別係依家觀塘廣場無曬啲店外座位，出面唔再俾擺枱擺櫈，變上一多人堂食就可能要排個靚隊等下，不過唯一唔變係佢地燒味既質素，份量一樣咁多，燒味款款都咁靚😋😋除左燒味高質，另一個亮點係佢地個老火湯，用足材料去煲，又有鴨肉，雞肉，蘿蔔，好足好足料，味道十足🤤

最近肺炎都好小出街食飯，今日行過見到唸起好耐沒食就同老公唸住買外賣返去。我要左個叉燒油雞，事前同老闆講話要肥叉，點知都係好瘦都算，肉質比之前差左好多，變左同街市燒臘檔一樣又幹又韌😓😓，d油雞仲衰，好似沒營養咁皮包骨! 我老公個叉燒燒鴨瀨粉又係好差😞，成碗都好鹹，d叉燒好難食沒味既，燒鴨仲誇張，皮包骨，件件都沒肉既，…好似俾d下欄我地食咁! 超級超級失望😪😪😪 好掛住之前既質素 😥

呢間燒臘鋪真係紮根觀塘好多年中學個陣已經成日食佢，佢最出名真係個4寶飯，絶對唔係餸頭餸尾仲有個隻流沙咸蛋皇！下次食佢再打食評！今次係食4寶飯無嘅燒腩仔首先佢俾嘅燒味係好足料，接近鋪滿成盒飯。而佢啲腩仔係俾瘦多個肥，仲要用上最靚嘅5花腩，食落唔鞋口之餘仲要有少少油香，皮燒得脆，外賣都唔淋身！上面就係燒鴨，燒鴨又係出色嘅！皮下無咩肥肉，同師父都無點俾骨位我，食落啖啖肉。跟餐佢會送湯，今日係蘿蔔豆腐湯，清香！

中午一個人在官塘求食, 雖然不是難度但在沒有心水的情況下, 真的唔知食乜好. 行行下就行到入黎官塘商場見呢一哥燒臘檔, 人少少心唸都好耐冇嚟，就決定試下啦.這小小的燒臘檔, 枱櫈只得寥寥三數張中午都是些打公仔來食偶爾有一兩後生學生哥識得摸入黎...而我就是被門口掛著的靚燒肉吸引了坐下來再看看, 同檯阿叔碟切雞飯也不錯於是就來一個切雞燒肉飯. 一於食飽D.燒臘店效率真的比茶餐廳更快. 一碟飯不消兩分鐘送上..賣相麻麻，可能是人多太怱忙的緣故吧！切雞方面給了脾的部位。是本人最喜歡的部位，剛剛熟而皮下脂肪不多肉也蠻滑的，味道很好。燒肉有足夠的肥肉，是帶少許脂肪在邊位有足夠的肥美感。皮夠脆，肉夠爽飯粒尚算分明夠乾爽...再令我開心的，就是有蔥油吊味呀。這碟份量剛剛好, 完全不會浪費.

普通燒味檔一間，價錢大眾化，係吸引之處。但，班侍應姐姐既服務態度有待改進，eg.一張四方枱，一邊枱已拍埋牆，仍叫客一張枱坐4個人？！ 左手撞隔離右手，成餐飯，你撞我我撞你🛠⚒🛠當 一碟飯 + 碗湯 上枱，隨時對面「浪」筷子上碗也插埋入你碗湯度。另，仲有一張長枱，枱下已堆滿貨，腳就無可能伸入枱底，班待應姐姐仲叫客坐入d ，其實。。。將心比己，比你落黎坐呀，真係一個男人坐落去，有難度。請位老闆正視個情況，並再培訓下待應姐姐，服務已唔要求高水平，但也請心對客！ 張四方枱拍埋牆，仲放4人？！ 圓枱放角位，仲放5個人坐。今次食得真係一肚氣！

又到午飯時間，外出透透氣，來到這店門外看見掛滿各式燒臘，頗吸引，今天吃燒臘飯吧！一坐下，叫了碟四寶飯，唔夠兩分鐘就送上，$50幾大碟，砌得幾靚仔下咸蛋、切雞、脆皮燒肉跟叉燒四樣舊舊都大件，燒肉皮鬆脆，肉入味有肉香，肉質軟腍帶點肥膏，好好吃至於叉燒給了'超瘦'叉燒。吃起來過乾過瘦，失望。至於切雞好彩師傅仲比左隻雞腿我！雞腿也滿嫩且帶點汁口感十足真的很好吃。咸蛋不過不失。飯粒乾爽配薑蓉送飯一流！仲送大大碗真材實料例湯 。好飲仲冇味精，飲完一d都冇囗喝 環境同衛生就比較麻麻！次次都同人搭枱坐。不過食物算有水凖！

路經觀塘，舊時係觀塘番工，日日都會搵唔同既野食， 而我覺得最抵食既就永遠都係一哥燒味！見到佢個招牌我就好想吃碗燒鴨＋叉燒米粉就叫了碗雙拼😍份量都幾多，叉燒半肥瘦好好吃，燒鴨就骨頭多了點但勝在不會太肥膩，還有2條生菜感覺不會整碗都只有肉肉太好了，米粉吸了湯汁有點咸，不過好喜歡這種燒味的獨特味道。朋友叫了叉燒油雞賴粉比較爽口。一直吃的時候，突然發現抬底下有隻貓咪，非常乖巧可愛，想吃個快餐，可以來這裡十分地道的。

二點多來到，人客並不多！不過可以坐的枱不多。要搭枱！應該做完午市把接枱收起吧！看網站的食評！這裡好多人讚燒肉好食！所以跟風叫了碗燒肉瀨粉！一放底阿姐就要我比錢..咁咪照比！賣相一般，有兩條生菜伴著！燒肉肥及頭頭尾尾的肉！皮係鬆脆的！肉質都唔錯！而且食落真係有肉香！但是坐我對面的的男人是食...燒肉米粉！見佢同阿姐好好傾，應該是熟客！有燒腩位，多而靚...多我少少咁啦！唉！我們互相對望！我內心就非常失望及憤怒！因為大家都比咁多錢...瀨粉係雪白色既，看似正宗攦粉！點知一吃落去好似像根！無米香既瀨粉！再飲啖湯，湯底沒有大地魚味！味道較淡！應該係滾水加調味料！失敗！！！正確來講中山瀨粉如果攦粉做應係有米香....同埋粉身軟滑但爽口！仲好吸收湯汁！總結價錢雖然合理，下午茶$23 對客人不公平的飯店！以後不再去！

雖然依家觀塘已經開多左好多餐廳，但如果要講到平價之選，一哥燒味就一定應該要入圍。其實$37一個燒味雙拼依家喺香港黎講已經買少見少，但最抵嘅唔洗講，一定係下午茶! 下午茶唔記得係$23定$24就有，仲要係雙拼，通常去食一哥我都會食雞/燒肉同埋燻蹄，因為覺得叉燒肉質係有少少”鞋”，雞會通常都幾滑，燻蹄就唔係每間燒味店都有。雖然下午茶平左，但份量照舊，抵讚👍🏼！唯一無咁好嘅係佢食野既位置係觀塘廣場大堂，有地踎感覺，通常都要搭枱，而且係馬會外面，有時候多人出入。