影片
營業時間
今日營業
07:30 - 22:00
星期一至日
07:30 - 22:00
公眾假期
07:30 - 22:00
以上資料只供參考, 請與餐廳確認詳情
食家推介
作為黃埔街坊，一品螞蟻絕對係 tea time最佳選擇之一！坦白講，以前水準曾經唔太穩定，但而家味道真係好正，回歸yummy！ 下午茶時段，每個套餐只係大約$50，認真，呢個價錢完全無得投訴，抵食到不得了！份量足夠，味道又好，CP值極高。 佢哋嘅 *生蛋牛肉意粉* 食落好有家嘅味道，可能仲好食過阿媽煮（對唔住, 阿媽🤣）。 而且食完唔會口乾，呢點真係大加分！平時食重鹹或者有味精嘅食物成日都會搞到口渴兼頭痛，但今次下午茶食完完全無呢種感覺！
繼續閱讀
咖喱魚柳飯飯嘅份量都好多，一個女仔食唔晒魚柳好大條，炸粉唔算厚，稱得上係酥脆嘅不過個咖喱就有啲頹，比較普通類似大快活嗰種啦，有幾舊薯仔喺入邊我覺得呢度係勝在都多選擇有西餐有粉麵，座位都算舒服喺黃埔想醫吓肚仔，但唔知食咩都可以試吓呢間
繼續閱讀
20：15分左右落單, 過5分鐘補多個單點, 又要學人用系統要客Scan QR code, 搞咗啲單點出嚟又唔畀人系統落單, 人手單丁落單又漏單, 追佢又唔嚟, 同你講取消突然之間送上枱, 三個餐兩個食曬, 都食曬啦仲嚟做乜？蘑菇湯超鹹、雜扒削到不得了、肉醬意粉衰過大家樂, 得返個薯蓉比較有誠意. 第一次嚟, 認真後悔！第一次寫食評就要投訴, 自問都唔係喜歡投訴嘅人, 但係收得咁嘅價錢, 出咁嘅貨式同服務, 真係要留畀其他人參考下.
繼續閱讀
平日返工前呢間早餐都好多人食，但係又未至於要排隊等位，如果想坐得舒服啲，乾淨企理啲嘅話就可以揀呢一間啦，至於食物方面份量比較偏少，但係味道OK。🌟翠玉瓜粟米芝士奄🍳列配餐包🍞呢個組合嘅奄列喺出面嘅餐廳比較少見，因為多數都係火腿或者腸仔奄列。翠玉瓜，粟米同埋芝士意外地幾match咬落幾有口感，又有埋芝士唔會太淡味。另外餐包熱熱地搽埋牛油幾好味😋。😋推薦指數：8/10
繼續閱讀
同個朋友響黃埔附近做完嘢，諗住搵個坐得舒服啲嘅地方食過遲來的午餐，點知去到嗰間餐廳原來下午休息，所以就行咗去附近搵吓其他嘢食，結果就去咗一品螞蟻，入到去都唔算太多人，所以即刻有位。因為已經係下午茶時間，所以我哋都叫咗下午茶餐，一個係芝士鮮茄牛肉醬煮長通粉伴鮮黃金蛋，另外就係珍寶餐。長通粉出到嚟，賣相唔錯，分量唔錯，味道都唔錯，性價比唔錯。雖然明白係成本問題，但係珍寶餐裏面嗰塊所謂嘅牛扒係幾失望嘅，因為基本上只係一塊大小小嘅牛肉片，同埋仲要有啲乾。西多士上面嘅煉奶都係比較少，所以西多士食落有啲淡。整體嚟講有好有唔好，打和。
繼續閱讀