一品生記粥店

雖然天氣好熱，但係經常坐在冷氣地方，凍到起雞皮，再加上最近爆瘡，想清下腸胃，好耐冇食粥，就決心lunch去食粥。有食開某幾間粥店環境麻麻，於是就想周圍試下其他，求其搵到呢間咋。環境尚可接受，我覺得我係可以再來嘅。呢間粥店都有好多款選擇淨係粥都幾十款仲有炒粉麵、腸粉、湯飯呢間冇白糖糕，但有黃糖糕，HK$5件咋我見幾吸引就咁食粥唔夠喉（雖然碗粥食唔晒）但都外賣一件黃糖糕做甜品我好鍾意呢啲煙煙韌韌食物呢講番主角粥我食蠔豉皮蛋瘦肉粥都好多粒蠔豉好足料粥都係綿綿的我冇再加胡椒粉，都好夠味，不錯…查看更多

今日咁岩想食清淡啲,係旺角鬧市之中 行行下又見到間粥舖就入去坐了。望一望Menu, 其實都幾多選擇。餐廳唔只有粥，仲有粉麵套餐。我就咁嗌左個魷魚粥，因為比較特別 ，好少可就咁魷魚？🤔 份量對於我一個女仔黎講絕對足夠有凸, 味道我不能要求太多吧，始終我淨係得魷魚呢個餸。 個粥普普通通 ，環境不算窄 係附近一兩個客講野太大聲有啲影響…查看更多

今日唔係太舒服 好肚餓 所似好想食粥 忠記執咗笠 所以在上海街砵蘭街附近嘅粥店選擇更少 之前已經想試吓這間 因為在香港嗰名有生記嘅粥店 普遍都好食 但見佢哋定價唔平 所以一直都未試過 今次就試一試啦 今次點咗皮蛋魚片粥 啲粥底好棉 沒有失望 皮蛋應該用了一個 因為我見佢每塊都大大塊 還有很多塊 所以應該一碗粥用一個皮蛋 魚片大量但就唔係好大塊 不過一定滿足 在食材上真心滿意 但都有些地方要改善 就係冷氣機滴水 店員係知道這情況 但知道都要解決 四圍水滴滴 勁唔衛生 那些客人又怪怪的 如果你想搵一個可以安靜嘅地方食東西 這間一定唔適合 …查看更多

中午凍凍地想去食湯飯，叫了三餸一菜 $42.其中一個餸叫雞肉，點知舊舊都雞骨，嬲到爆！😡咁唔好話係雞肉啦.真係無一舊肉，又細舊！其他餸份量都好少！員工定老闆個態度都唔見得好，唔推薦大家去食…查看更多

之前一直都有在這裡買泡飯，而這裡的泡飯都份量好足又夠熱，今日去到又當然食泡飯啦，而今次泡飯要了三餸 :雞，鯪魚肉，肉丸，而會再跟一個生菜是不用錢，必要的是辣豉油，當然再有一大盒白飯。回家打開，依然份量都多，但入面的菜，就比較少了點，鯪魚肉保持到彈牙，肉丸就感覺細粒少少，豉油沒有辣度，不好食，而雞好細粒，仲要有骨，湯底今次偏淡沒有之前咁好飲，有點失望，生菜太熟好淋身，可能選其他菜會好點，白飯多到差不吃不完。 …查看更多

剛剛在英國大魚大肉，想食碗粥，剛剛路過旺角，第一次光顧。想食牛腸，加完白粥。牛腸先到，難食到，裡面是碎牛肉，最衰皮有陣膠味，實在食唔落，另外叫碟油炸鬼。油炸鬼都OK，但牛腸超難食。…查看更多

不知這間與上環那間生記有冇關係，記得十幾廿年前還是大好青年時試過，那個粥底十分綿密厚身，有米香之餘亦有形容不到的香與甜味，據聞是加了腐竹皮蛋果皮煮。經過旺角，也因為好奇與回憶才入去試試看。這裏除了生滾粥，亦有大排擋式不用煮即淥熟的粥。以前這種粥店很普遍，但現在買少見少，想平平地吃碗地道粥也艱難。當然要試出真功夫，一定要點生滾粥。肉丸粥最考功架，因為打肉丸不只是把生肉煮熟，只要求新鮮便可。這裡的肉丸夠滑不死實， 調味恰到好處， 帶出了肉味，落粉不會太多，不會像吃麵粉球一樣，一碗有六大粒，抵！粥底夠綿，是較純較淡的風格，帶少少酒香。當然不及當年上環那間，但水準正常，在今天來説已是高質了。…查看更多

喺油麻地專登行過嚟旺角食粥。我都算有誠意嘅生滾粥好客。唔係，講笑咋，本小姐想行多d，急步行當做吓地帶氧運動。第一次試呢間生滾粥店，入到去都坐滿9乘。對我來說，食客多少就係食物質素好壞嘅表現。我叫咗生滾魚腩粥，特別要求粥底要杰身d。份魚腩粥好得，粥底認真綿同杰，魚腩部份充滿油香同鮮味。讚！既然佢主打生滾粥，我就無再點其他嘢，因為我試過好多間粥店嘅油炸鬼都淋，唔中意。當我食到尾聲時，坐對面果位阿叔咬一口油炸鬼，嘩！脆卜卜，脆到好似幾乎會刮損佢條脷咁我就後悔無點油炸鬼。點知喎～ 有時候係timing問題～佢咁橋啱啱炸出嚟？食起咪又熱又脆囉…查看更多

一品生記粥店，一間傳統粥店係你病病地唔敢亂食野既時候總會出黎救左你。夏天一定唔會想食粥，冬天病病地既時候最啱叫個粥然後叫好多兩個餸陪伴左右。今次叫左個艇仔粥，叉燒腸，蒸蘿蔔糕，炒麵。個粥係幾好食，配料幾足，普通既粥。叉燒腸好夠滑同唔太熱，似朝早整好擺左一段時間，個質感唔多吸引。蘿蔔糕不過不失，有齊配料，蘿蔔絲幾粗，不過可以好一點。炒麵好油好熱氣，本身唔知點解佢問我地轉唔轉炒米粉，我地話唔食米粉佢最後坦言要蒸翻要啲時間，所以味道麻麻，翻蒸唔夠真係炒起好食，只係食左兩啖冇再食。依家其實做生意既都幾講誠意，如果仲係咁做落去好難留到客仔，要加油。…查看更多

今個早上好想食粥同腸粉，🤖我就用我嘅人肉搜尋器，自我尋找好粥店。行下行下就嚟到旺角上海街一間“一品生記粥店”，究竟有咩食好呢？竟然畀我發現有皮蛋芫茜腸粉，即叫即制。天啊～芫茜迷又出動，Must order 📝，我要來一個充滿芫茜的早上🌱。 腸粉好滑溜，米醬不厚，包著我愛的芫茜與他的好朋友皮蛋，下火又香口，好食到一口接一口。雖然已經用了一棵芫茜，但對我嚟講都唔夠喉😜，如果再多d芫茜就好囉～另外，豬紅粥都好味，粥好綿仲有薑絲，味精不算重，沒有強烈口渴感，真心不錯。雖然粥店比較中國風，本區街坊以及國內遊客同大媽們是常客，但是亦不失我的雅興，好食嘅野自然任何人士也懂欣賞。😉😉…查看更多

魚腩粥28蚊魚略腥，但份量不少，有6.7件魚腩艇仔粥18蚊不過不失，粥綿滑，配料花生，魷魚，碎牛等都唔錯，魷魚爽口不會過淋炒米面，普通，略嫌不夠鑊氣，唔夠熱炸兩又係凍既出餐勁快，但炒米炸両都唔夠熱喎這裡的湯飯是分開上…查看更多