一來

營業中

休息中

今日嚟到長洲， 就梗係想試返個馳名嘅長洲芒果糯米糍。 見周圍價格都係13蚊左右， 就係呢間店舖買咗個芒果糯米糍。芒果多汁， 食落去酸酸甜甜，味道都ok。 不過，糯米糍嘅size 無我想像中咁大。

一來甜品 他的芒果糯米糍 ， 芒果又酸 ，很多毛，芒果無芒果味 ， 芒果又酸喎， 芒果糯米糍比其他芒果糯米糍還細小， 食落去又酸又有渣 ， 店舖人員 ， 她的態度非常惡劣，我勸喻想食芒果糯米糍嘅人， 不要貪平一兩蚊之差，影響心情食完不開心，難得去旅行不要影響心情，行遠少少去平記 ，

大食妹每次去長洲都會食薯塔好耐之前喺長洲碼頭嗰度有一檔即叫即做嘅薯塔新鮮出爐之餘, 仲熱辣辣脆卜卜灑上調味粉真係好野味但係今次過嚟嘅時候, 已經唔見咗嗰間舖頭, 有少少sad搵咗好耐終於搵到一間有賣薯塔嘅店舖-一來<薯塔>一來嘅店員唔係好有禮貌, 係外面叫左好耐都無人出黎招呼客人而且薯塔仲要係事先炸定, 大食妹就有少少失望食落一啲都唔香口之餘, 啲調味粉都沾唔到上去好可惜心心念念嘅薯塔變咗獨市, 質素仲要差咗咁多...唔會再過嚟食

長洲除了大魚蛋之外，當然仲有馳名既芒果糯米糍啦😍。一落船行入去大街，就見到一來既招牌同廣告，忍不住即刻買黎試下😋。得一個size，賣8蚊比其他店舖平，但size又細少少，拎上手好軟綿綿既感覺，外皮煙煙韌韌，口感十足👍🏼，可能芒果唔係當造🧐覺得有啲酸，但感覺係好新鮮既❤️，食完一塊好似唔夠喉咁。

初三赤口冇得拜年，過大海啲船飛又full 曬，唯有試下入長洲行下睇下啲舖頭有冇開。去到長洲已經好多人，好多店舖都有開。第一檔吸引我過去嘅就係芒果糯米糍。附近其實有好多檔都係賣糯米糍，抱住"有試無餒"嘅精神沖左去其中一間。糯米糍攞上手比平時果啲細個，外表跟一般的差唔多，糯米粉均勻分佈。唔好講咁多，試啖先💁🏻💁🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻一咬落去，果然係皮薄餡靚，外皮薄得黎又煙煙靭靭，糯米粉唔會太多 (食過太多會好dry)，精湛係芒果十分香甜得黎又夠juicy，誠意推介大家去到長洲必定要試一來嘅芒果糯米糍💕💕而家講起又想心郁郁去食多個添😚😚☝🏻️

同一班嘩鬼趁派成績表，閒日殺入長洲，基本上都係食食食！人多食嘢真係好正！乜都可以試！行過呢間小食店，同學仔媽咪見有薯棒，買來一串試下，不過我見三數串薯棒已一早炸好，放在一個爆谷櫃，調味粉款式又唔多，感覺係搭賣嘅小食，果然灑好調味粉，食落係硬（唔知放咗幾耐！）唔係脆！而且乾！味粉亦十分普通！失望！店員阿姐比較粗聲粗氣，不過好爽手收錢交收！可能其他小食會好啲！