一休(居食屋)日本料理 (38廣場)

營業中

休息中

前陣子會去 一休居食屋日本料理，是因為朋友的推薦。說是食物不錯且用餐不限時，而且營業時間也會開到比較夜。約了幾位朋友來聊天敘舊會是不錯的選擇，而且這裡有個日式包廂。要說這裡最吸引的會是刺身拼盤。🐟特上刺身拼盤 (HKD 368) 有海膽、厚切三文魚、甜蝦、吞拿魚等，品項很多且都很新鮮。🐟鯛魚刺身薄切 (HKD 58)是星期三限定，這個價錢也太優惠了吧。鯛魚口感很清爽。🐟三文魚刺身 (HKD 68 / 10切)每片都很有厚度，油脂分布均勻且肥美。熟食方面也很多樣化，而且也有一些很適合邊聊邊吃的下酒菜。像是酥炸外層的爽脆炸雞軟骨粒 (HKD 48)，單吃也頗不錯的啤酒味薯條配芝士黑松露醬 (HKD 76)。🐮牛肉壽喜燒鍋 (HKD 68)牛肉片的份量頗多，還加了一顆生蛋，湯頭亦滿甜的。🍆蒜燒茄子 (HKD 38)香氣濃郁，吃落是滿滿的蒜香味道。👅鹽燒厚切牛舌串 (HKD 78 / 2串)燒得很有水準，口感彈牙還帶有咬勁。🥟明太子雞皮餃子 (HKD 58)外脆內嫩，而且都幾多汁。🐟炙燒鰻魚玉子燒 (HKD 68)甜甜的玉子燒加上炙燒過的鰻魚，鹹甜交錯幾滋味。整體來說，這間的CP值很高，會想再

呢間日本餐廳我近日算係經常來，因為近公司+價錢合理。話說有一日好掛住東京嘅凍蕎麥麵，突然諗起公司附近有一間好抵食嘅日本餐廳，跟住就一個人去咗食，結果收唔到科，而家我每個月最少都會嚟一兩次。貪佢價錢合理又坐得耐，因為我經常都係喺啲非繁忙時間去食嘅。唔講咁多，介紹吓佢啲嘢食，真心覺得魚生唔會及得上一啲比較價錢高尚嘅日本餐廳，但佢魚生嘅新鮮程度對得住個價錢。重點推介佢炸雞軟骨，係我食過無論樣貌同味道都最好嘅一間，好過好多高級日本餐廳，所以我差唔多每次都點，不過好鬼大兜，我次次食完都有啲牙骹軟嘅感覺😆我多數都係嚟食蕎麥麵加雞軟骨，有胃口就加多幾件壽司，我覺得呢間餐廳好適合帶小朋友或者唔太食生嘢又鍾意日本菜嘅朋友嚟，因為好多熟食可以揀，而且地點方便，職員積極服務ok ， overall唔錯㗎！美味指數：😋😋😋😋回頭指數：🤩🤩🤩🤩🤩

一休這間日本料理，位於山東街，鄰近旺角地鐵站，只需大約五分鐘的步行就可到達，店子的坐位寬躺，適合三五知己一齊相聚的飯局地點。呢間日本料理的款式很多，有壽司，湯鍋，手卷，刺身，大板燒，沙律，還有很多小食。今次，我們一共四個朋友仔相聚，所點了很多款式的食物，有炸雞軟骨粒，香芒乳酪松葉蟹卷，大板燒，牛肉豆腐鍋，刺身，壽司…..如果晚餐吃壽司或者刺身，仲有折扣優惠！部份壽司低至$9一件，這間日本料理確係性價比高，大件夾抵食！三文魚很新鮮，雞軟骨好鬆脆，香芒松葉蟹味道好特別，想不到呢個時候嘅芒果都係好甜，感覺上好新鮮！其他食物味道還不錯。幾個朋友一齊食飯，最正係叫一個牛肉豆腐湯鍋再加烏冬！大家都吃得好飽！

位於旺角山東街的「一休」居食屋，是區內一家經營多年的老牌的日本料理店，還記得年多前來吃過晚飯相當唔錯，今日相約友人下午在旺角見面，順道在這裏食個午餐，環境和食物水準依舊不變，美味又抵食👍▪️塩燒雞中翼串（2串） $ 48無激素諸城雞使用，兩串共四隻仲要大大隻相當抵食，雞皮燒得香脆，肉質嫩滑帶點咬口，味道鹹香，食出雞嘅天然味道🫶▪️雜錦天婦羅 $ 68天婦羅有三大隻海蝦，炸槳皮薄酥脆，蝦肉超級爽口有彈牙，蔬菜方面份量亦不少，有香菇、南瓜、茄子、矮瓜、番薯和青椒，睇到相都知道有幾大份▪️鹽燒鯖魚 $ 60鯖魚是我心頭好，師傅燒工不錯，魚皮香脆，肉質非常Juicy，加上檸檬汁和蘿蔔肉好滋味🍣壽司選擇非常之多，我揀咗以下幾款，最鍾意軍艦上枱嘅時候紫菜仍然好香脆，而且每件餡料份量非常足，即叫即製新鮮美味▪️蔥吞拿魚腩軍艦壽司 $ 40▪️醬皇燒皇帝蟹棒壽司 $ 16▪️火炙芝士帶子壽司 $ 18▪️鮟鰜魚肝壽司 $ 38

📍 一休日本料理山東街店九龍旺角山東街38號38廣場1樓喺旺角竟然有返咁抵食嘅日本嘢，而且好記得，選擇有多大家真係唔可以錯過！👉 一休海鮮沙律💰78😋😋😋😋.8/5呢個海鮮沙律勁豐富上面有超多魚生而且冇諗過佢可以咁嘅價錢嘅，可以有咁高質嘅食材😆😆😆好正，必試👉 火焰三色卷💰68😋😋😋😋.8/5三色卷有吞拿魚，三文魚同帶子，面頭燒過魚油味就更加香😋😋😋好好味！👉 三文魚頭鍋💰78😋😋😋😋.8/5呢個係我至愛！佢價錢都好抵！入面有個大大既魚頭！完全唔會腥，仲有豆腐，金菇，好豐富😍👉 三文魚籽手卷💰48😋😋😋😋.8/5三文魚籽大大粒，又多，食到尾都仲有！回頭: yesyesyes!!!!上到去見到咁滿座就知無揀錯！價又抵又大份，重點係又好食，環境舒服😍❣️

諗住食日本嘢，但係又唔想食太貴，機緣巧合之下，就搵咗呢間，位於旺角市中心，喺朗豪坊隔籬嘅日本嘢。見到評價都唔錯，就諗住試吓。第一次嚟食，都叫咗唔少刺身，有三文魚、海膽、刺身拼盤，主食就叫咗鰻魚飯。三文魚刺身💜💜💜💜唔錯唔錯，都算新鮮，不過未去到眼前一亮，只能夠比4分海膽刺身💜💜💜💜💜非常鮮甜，完全冇苦味腥味，完全俾佢驚喜到！鰻魚飯💜💜💜💜呢個價位嘅鰻魚飯嚟講屬於唔錯，性價比十足刺身拼盤💜💜💜💜吞拿魚質素非常好，其他就屬於唔錯嘅水平，都值4分自此之後，我就成日嚟呢間食😂

🥢本身住開荃灣，以前去過青衣間分店好幾次，都覺得食物質素好高，今日約咗好朋友嚟幫襯旺角店。 🥢蒲燒鰻魚飯$88🍱鰻魚飯係我嘅至愛，價錢非常之合理，燒汁濃郁又唔會過鹹或過甜，鰻魚切開四件，食落冇燒燶亦唔會苦，成個飯仲加咗少少紫菜、中華沙律同少少蕃茄仔中和番，一啲都唔膩。 🥢極上北海道大子丼$92有兩片三文魚、三粒北海道帶子、一隻大蝦、三文魚子同兩塊玉子。食材好新鮮，特別係三文魚子同帶子非常鮮甜肥美，其實價錢真係相當抵。 🥢蕃茄濃湯大頭蝦鍋$78 🍲個人最鍾意就係呢個鍋，湯底有濃郁嘅蝦湯味同蕃茄味，成個鍋仲有五隻大大隻嘅大頭蝦🦐入面仲有豆腐、娃娃菜、大蒜、芋絲等等，成個鍋湯同渣都比我地清晒，非常滿足😋🥢油金魚腩壽司兩件$40🍣油金魚腩又係我嘅至愛，油脂平均，點豉油一流。 🥢飲品：鰻魚飯同丼飯各加$12就有杯嘢飲，叫咗凍提子梳打🍹同熱京都抹茶鮮奶🍵，呢杯抹茶鮮奶都幾特別，有淡淡嘅綠茶味但又唔甜。🥢餐廳仲坐得好舒服，佈置仲好靚添。

由著名的日本料理店所呈獻,這個餐桌上擺放著色彩豐富的日式佳餚,相信必定能在您的味蕾和心靈上帶來全新的體驗。首先映入眼簾的是一大碟鮮嫩多汁的刺身拼盤,色彩鮮明的三文魚、鮮甜的扇貝和粉嫩的海膽等,擺放得井然有序,引人垂涎欲滴。這些精心挑選的新鮮食材,不但賣相出眾,味道更是鮮美蘊藏,一口吃下,頓時感受到海洋的清新與脂肪的滑順。另一方面,一份份色澤焦黃金黃的燒牛舌,散發著肉汁的香氣,煎得外酥內軟,口感肥而不膩,令人回味無窮。旁邊的醬汁恰到好處,不但能補充肉類的鹹香,亦能提升整體的鮮甜滋味。最後,一盤色彩繽紛的生菜沙律襯托出整個餐桌的和諧美感。蔬菜新鮮爽脆,配上合時的配料如鮮美的生蝦和爽脆的芝麻醬,令人感受到日式料理的清雅氣息。這家餐廳不但精心挑選食材,在烹調及擺盤上也可謂用心至極,令人有賓至如歸的感覺。無論是一個人慢慢品嚐,或與好友分享,在這裡定能找到屬於自己的日式味道,一嘗日本文化的獨特魅力。

旺角朗豪坊出面都有唔少嘢食經過呢到見到午市套餐都幾抵👍🏻仲有d火鍋壽喜燒揀依家天氣涼涼地就啱曬環境寬敞有卡位都坐得幾舒服滑蛋豬扒飯同平時食開嘅唔同係佢嘅上盤好特別🤣豬扒大件得黎唔乾甜甜地嘅汁蛋嘅份量亦啱啱好底部仲有唔少菇，洋蔥可以食🤤。魚生飯款式好多新鮮三文魚魚生，都幾厚切😍食落口感一流✨兩個飯都係珍珠米👍🏻👍🏻鐵板帶子牛油燒帶子好大粒亦好彈牙煎得好香，而且仲有菇食落鹹鹹地唔會一啲味都冇😋紅豆抹茶鮮奶紅豆份量，甜度都適中唔算好淋但一啲都唔硬整體飲落唔會太甜抹茶味都幾香！黑糖薑母茶薑汁十足！熱辣辣好暖胃甜度啱啱好😙

今日出開旺角就順便係呢區覓食其實旺角好多食肆但係有時要諗下去邊度食確實有啲難因為四處都好多人有時唔想諗就只會揀返d連鎖店今日有少少時間就搵下d樓上餐廳呢間個location其實都幾方便超近朗豪坊***壽司拼盤（14貫）$248***有好多款壽司🍣完全滿足我好想食壽司嘅慾望😋大拖羅、三文魚腩、劍魚腩、和牛、海膽、牡丹蝦、北寄貝、鮑魚、花之戀x2(一件係卷三文魚、另一件係卷吞拿魚）……件件都大件足料👍 My favourite ❤️ 好creamy同樣好大件🫶🏼因為係下午茶時間想黎所以唔太多人座位都寬敞環境衛生都乾淨如果約朋友出旺角食飯傾偈呢度都唔錯👍呢個價錢配合食物質素性價比高👍🤗好過成日食連鎖店

豆腐海鮮鍋：好足料，平靚正。蕃茄味十足，有帶子，豆腐，芋絲，三文魚，墨魚仔，同菜類，味道鮮甜滿足。吉列豬扒拉麵：拉麵硬度適中，黑蒜味湯底濃郁，吉列豬扒味道唔錯，唔會太乾身，浸一浸豬扒相對無咁熱氣。炸墨魚咀：一口一粒既墨魚咀，香口而唔靭，邪惡既小食，送啤酒既一流。炸雞件：份量都多，一客有成6-7件 仲要大大件。食落唔會太硬，有保留列水分同油粉，炸粉硬度適中，又係送酒一流既小食。總結：價錢親民，份量頗多，性價比高，不妨一試

因為性價比高野食唔錯又開得夠夜已經幫襯過一休好幾次近兩次咁啱有"生蠔同好"去呢間食就叫左佢個生蠔～～一試難忘！夠大隻夠juicy夠FRESH一定好食過D任食Buffet果D而且$78蚊兩隻真心唔貴叫夠半打仲抵D添～～不過呢今晚食果兩隻蠔嚟到已經見佢幫我地加埋茄汁其實咁鮮嘅蠔，我就想咩都唔落，原汁原味好多囉！另外叫左個海鮮蕃茄鍋$78海鮮都足料～性比高嘅但係佢個蕃茄湯如果可以再熱D仲好因為佢個場冷氣都勁好快吹凍哂～另外佢唔同日子仲做d唔同嘅特價菜式是日叫左d特價壽司～我覺得味道不錯的仲叫左個章魚丸燒，呢個就不過不失啦～都算食左好多野，埋單$380兩人，人均$190都算幾抵啦🤪Overall: 可以再去嘅一間抵食日本料理

今日同細細出旺角覆診👧🏻👦🏻話想食拉麵劉媽👩🏻即上OpenRice search就搵到呢間有抵食午餐拉麵今次我哋order咗🍴炸豬扒烏冬豬扒炸得很脆口 肉質仍保留着肉汁🍴日式燒汁雞扒烏冬👦🏻至愛日式燒汁味 加上嫩滑雞扒 令人食得很滋味🍴牛肉拉麵肥牛都幾嫩 份量正常湯🍜拉麵/烏冬湯底鮮甜 配料有流心蛋、粟米、木耳絲、紫菜等呢度除左有拉麵🍜 仲有日式丼飯、刺身丼飯、壽司等下次要再嚟試其他先😁一休(居食屋)日本料理 ( #旺角 )📍旺角山東街38號38廣場1樓#旺角 #拉麵 #日式料理 #lcty食誌

今日去到呢間旺角居酒屋，見到網上好多好評，同埋價錢唔算太貴，賣相都幾吸引。我哋嗌咗個石鍋黑椒牛肉飯（$78），同埋辛辣黑豚肉烏冬（$72），石鍋飯嘅份量超級大，我都差啲食唔晒，牛肉份量都好多，超級抵食，石鍋飯熱辣辣，要小心啲個碗邊，因為真係幾辣手，最正嘅一定係飯焦，脆卜卜幾好食。烏冬幾有咬口幾彈牙，豬骨湯幾濃郁，微微辣，有啲想飲晒佢嘅衝動，黑豚肉都幾冧身嘅，唔錯！我哋仲嗌咗兩件和牛壽司同埋鹽燒三文魚鰭，和牛壽司有驚喜，肉色鮮紅，油脂均勻，入口即溶，建議一試。鹽燒三文魚鰭都好特別，平時冇咩機會試，佢燒得啱啱好，幾冧身，比較多油，都幾Juicy！另外我哋仲嗌咗一杯凍青蘋果梳打同埋一杯凍京都抹茶鮮奶，兩杯都係加$12就有，幾抵！

喺旺角搵到呢一間平靚正，仲可可以坐得耐嘅日式快餐廳，食晏嘅時候，佢有好多午飯嘅套餐，有拉麵啦，有鰻魚飯啦，有牛肉Don啦，天婦羅餐。另外仲可以單點壽司啦，魚生，煎炸小食。都真係好鬼多樣化。最後我哋都係揀咗鰻魚飯同天婦羅。鰻魚飯其實就一般般啦，個汁就普普通通，啲飯又稍為硬咗少少，不過由於太肚餓，我都食晒。天婦羅就份量都幾足，但係味道就OK啦。呢間嘢勝在係夠平。 仲有一樣好就係我哋可以坐足三個鐘傾傾偈都唔會催你走！