メイド喫茶

營業中

休息中

第二次去女僕咖啡店，嚟間係本人暫時有史以來嚟過最差嘅一間。女僕服務態度好差，唔會主動理客人，或者講兩三句就走人，對客人亦好揀擇，只會理死老客人，畫即影即有亦都冇心機。另外，佢哋會免費提供桌上遊戲挽，但係成個過程都係冇女僕一齊參與，只見到食客都係自己同朋友挽，而當時當緊值嘅女僕只圍住一個客人聊天。仲有佢哋仲有個VIP制度有級數咁分，不過唔太清楚，應該越高級數先會吸引多啲女僕 ，而冇VIP嘅話戇居居坐喺度唔知做乜。另外嘢食好難食，剩係得辣同淡茂茂，嘢飲都好難飲，只係一杯有顏色嘅水上面加啲cream咁，總之唔值得去，尤其第一次想體驗女僕cafe就唔好嚟間，會破壞你對其他女僕cafe嘅期待。價錢方面，食物及服務質素完全唔值呢個價，實在太貴唔抵。

之前有朋友推介呢間都營業了一段時間的cafe。剛好今天出MK，就順路黎體驗沖擊下生活啦。咁大個仔都無去過女僕cafe，黎之前都驚d食物會好x中伏！1點去到，我跟我朋友系第1枱客，環境都幾舒服，女僕會好細心咁講解禁忌同介紹餐牌。不過後尾傾計間，得知原來d女僕都系番左幾日工，唔怪得施展魔法果陣都唔系好流暢😂我地叫左蛋包飯同女僕特飲，咁蛋包飯系個男廚師煮既，味道尚可。女僕特飲就系唔同既女僕自己沖，人人手勢唔同，咁我果杯真系幾好飲，不過忘了影相🤦🏻‍♂️最後整體食物飲品質素唔錯，有驚喜啦Btw, 體驗完畢😉完～

這是我的the very first one女僕咖啡廳，整體感覺很好。女僕們的招呼很好，在門外為我介紹「絕對契約」、餐牌時非常用心，真的令我感到自己像是一位「主人」最低消費為一杯餐飲，既然來到女僕咖啡廳，當然要一試她們的女僕特飲！由自己挑選的女僕為自己用心調製的「愛的特飲」！還要配合令飲品變好味的「meomeo 魔法」令人完全忘記日常工作的辛勞，暫時享受一下成為「主人」的珍貴時刻當天亦有幸可以現場觀看女僕表演唱歌，甜美的歌聲令人十分陶醉，不經不覺就坐了兩小時。

中午時間上來吃午餐，簡直像包場似的，呵呵餐牌粉粉很可愛，首先我通常會先看規則，然後再慢慢看有什麼吃。最後點了一杯飲品加意粉。飲品只能說甜味氣酸飲品？意粉汁結的一"舊舊"，而且很快冷，更顯意粉一"舊舊"，沒胃口吃下去了。本來想食埋甜品，所以叫女僕不要收走餐牌，誰不知，吃到這個意粉一半已沒胃口了，女僕因此還說了我一下 "又話叫甜品，你都食唔晒。"女僕很友善，可以看得出很努力想話題跟你聊天，也會適當時候給客人休息時間，最後，加了錢拍了即影即有相片，女僕還畫了些圖上去，棒喔！如果食物也能改善一下，相信會更好！！

今日約左朋友係旺角食飯，我覺得係旺角搵食真係有d難度架﹗ 我地2個一路行一路搵，終於行兆萬樓下有好多人派傳單，我地見到一個10幾歲著住女僕衫的女仔覺得幾得意就行去攞張野黎睇啦﹗原本係間cafe，問左有位同冇限時之後就上去試下啦﹗一入到去就覺得去錯地方啦﹗因為佢d擺設同侍應的服飾都完全係cosplay既風格，我地係格格不入既不過我地又唔想再行再搵啦，最終決定都係試下啦.....我地叫左鰻魚炒飯套餐($98)，Carbonara意粉套餐($98) - 套餐包前菜同任選飲品一杯仲有芝士釀雞翼($38 - 因為叫套餐再叫其他小食可減$10)另外套餐包既野飲，我地叫左榛子朱古力同芒果牛奶梳打D食物係OK既，所以下次如果想搵個地方HEA下我都會再黎，需然格格不入不過只要唔理會都冇問題既﹗

這裡的女僕很活躍, 很主動 , 但食物非常難食 午飯時間上去, 點了餐後, 女僕跟著和我談話, 並和我玩遊戲 食物是咖哩吉列豚肉意粉, 咖哩汁像一堆泥黃色的漿糊, 賣相十分醜陋, 也十分難食 環境方面, 燈光十分暗, 黑黑沉沉相比其他女僕cafe, 這間算是最難食的

老實講，我從來都唔寫食評。不過以間女僕cafe實在唔寫唔得，因為以道攞走咗我太多個第一次。首先，我係第一次去香港的女僕咖啡廳。Menu第一頁竟然係講有乜唔做得！仲要貼多張响牆度，怕人睇唔到…我明白要保護返店內職員，不過開口叫得做“主人“，係唔係應該唔好咁正白呢？再黎，第二個第一次係飲品。冇乜選擇我都可以接受，叫咗杯“青bb梳打“，我從未飲過咁難飲嘅嘢！青蘋果糖水唔夠，梳打冇氣… 收得我$40 杯，開罐新嘅梳打水我冇咁嬲！第三個第一次係碗湯。我已經唔抱任何希望，難飲嘅羅宋湯都算啦，妳唔好俾碗室溫嘅羅宋湯我呀…最後，我想講，上樓cafe唔好食就係人都知…但你叫得做女僕cafe, 客服應該要好啩，坐咗45分鐘，30分鐘同朋友吹水…香港嘅女僕cafe, 我對你好失望…😧

第一次去女僕cafe,有少少緊張呢度既女僕好活躍，唔會你坐低講幾句，跟住就唔理你，仲會間唔中就行過黎講下野，同你一齊玩我叫左個牛奶鮭魚意粉($78)同荔枝紅茶。有個湯送，係粟米忌簾湯，普普通通。d野食都叫快到，貌相唔錯，但鮭魚有d腥，不過有好多，所以算抵。同埋食物唔熱，份量就適中。同行朋友叫既蛋包飯都好吸引，女僕會問你想係上面畫咩，仲會送合照同甜品。不過果日送既朱古力蛋糕唔太好食，蛋包飯既套餐就要$168,比其他貴。食完之後就玩左陣game,選擇都多，我地就玩左deal,層層疊，uno,可以坐好耐，真係好

因為某啲原因，我都上唔少女僕cafe。我成日覺得如果你係為左食物而上女僕cafe就算吧啦⋯因為試過咁多間，整體俾我感覺第一就係好貴，差不多要近200蚊落樓，第二就係好難食，你可以去同一間野點同一樣野食但可以次次唔同味，好似擦擦卡咁你永遠唔知會抽中咩俾你食。第三亦都係最重要就係永遠唔夠飽，你點都估唔到俾成200蚊都可以食唔飽。所以去女僕cafe講到尾主角都係女僕。但其實我覺得佢地重點擺錯哂，一間餐廳無論係咩主題都好，食物先應該係主角。講返正題，呢間A.T. Field 首先環境方面啲嘈，有部電視係咁播動畫，如果想似一般cafe咁靜靜睇下書可能你會失望，但我可以話你知一般女僕cafe都會有啲嘈，總有一枱毒撚係附近大大聲玩遊戲傾計，但相對地都幾有家嘅感覺，有時三五知己上去嘅話又唔洗太怕嘈親人，有時岩咀形嘅走埋去隔離枱玩都無人會話你。話就話限坐兩個鐘，但過左鐘都無人趕你走，呢一點比一般女僕cafe寬鬆。食物方面我覺得中上，每次食都可以煮返同一樣野出黎我覺得抵讚，特別係廚師推介簡中會有啲新菜色水準唔錯，最近試左個蘋果燴飯，畢起飯粒之間會有啲糖絲痴住好得意，呢個菜係出面未食過，作為女僕cafe可以

很久前肥妹與其他朋友來過這裡晚飯，無他，只因為這幾個朋友很少機會見面，難得見面當然就去一些特別點的地方聚會暢談，而且樓上Cafe節奏較緩慢輕鬆，也不用怕被限時只能用餐多少分鐘，實在適合我們。今天肥妹寫食評時發現了Openrice最新動態中顯示了這間店，眼見自己圖片庫中尚有保存當時用餐的食物照片，便決定來寫寫食評好了，不過由於當時肥妹還未決定撰寫食評，所以照片都只保存了合併了和加工的一張，還望大家見諒。肥妹當晚所點的是熱草莓牛奶和蛋包飯。價格不太記得，而且都是二月份的事恐怕也不能作準了。由於事過已久，味道方面就不便作太多評論，以免不公平。女僕們都很熱情有禮，除了會主動和你聊天也會偶爾摻一腳和我們玩玩遊戲，例如店內提供的層層疊、飛行棋之類的，和客人有互動這點很重要，不單令人感覺關係沒那麼拘謹外，氣氛上也變得更輕鬆了。不過當晚店子的上菜速度很緩慢，餓得我們肚子也不斷作響……期昐已久的蛋包飯送上後，女僕會先問你想要在上面畫些怎樣的圖案，肥妹要了的是鬆弛熊，只見女僕想了一想後便很熟練地用番茄醬畫出了可愛的熊圖案，害肥妹都不想破壞掉啦！