マヌル屋

營業中

休息中

藏身牛頭角寶峯大廈地下的「マヌル屋」，由日本老闆主理，店面僅12個吧枱位，裝潢走日系木調風，牆身貼滿貓咪壁畫，猶如闖進東京巷弄小店。主打三款雞白湯拉麵，每日用本地鮮雞熬足11小時，更以電動攪拌棒打出綿密奶泡，視覺先贏一仗！ 黑蒜雞白湯拉麵（$89）＋味玉＋海帶- 湯底神級濃郁：一上枱就聞到黑蒜焦香！手工黑蒜油混入雞白湯，蒜味濃而不搶戲，反而帶出湯底鮮甜；湯質稠身似「 Cappuccino泡沫」，飲落膠質重、微黏嘴，雞味澎湃得嚟尾韻清爽。 - 麵質二選一：揀咗 白麵（直麵)，爽滑為主，索湯力十足。黃麵（曲麵)波浪設計掛湯力超強，煙韌彈牙咬落有麥香。- 配料心機位：追加 味玉（+$10）係明智之舉！蛋黃流心似蜜糖，滷汁甜香滲透蛋白； 海帶爽脆解膩，平衡濃湯。慢煮雞胸嫩滑顛覆想像，雞叉燒薄切脂香滿滿，可惜得兩片唔夠喉。 $110埋單（連追加）喺工廈區算中高價，但湯底真材實料、黑蒜同雞湯交融得妙，追加味玉必試！美中不足係叉燒份量偏少，飯市例排15分鐘。鍾意濃厚系拉麵嘅，呢碗「泡沫黑蒜雞白湯」絕對值得專程拜訪！

瑪瑙拉麵材料有慢煮雞胸同埋叉燒，雞胸嫩滑，推介。聽師傅講，湯底熬製10小時以上，湯底味濃creamy，食完成碗拉麵唔會令人好口渴，加分！ 辣味噌雞白湯拉麵湯底非常惹味，岩哂食得辣之人，個人覺得配黃麵食會好掛湯，每啖麵都充滿雞湯味。麵有分黃麵同白麵，黃麵較為粗身少少，有咬口；白麵似一蘭拉麵，掛湯唔錯。今次每碗各叫一款麵試下，兩款口感都唔錯。煎餃子即叫即整，熱辣辣擺上台，非常多汁P.S. 要讚成間餐廳既佈置， 十分有心思，鍾意貓嘅朋友黎到應該會好開心。店員兩位唔多，但好有禮貌，So far 見部分食評有唔好既經驗，但今次用膳十分滿意，會再幫襯。

MANURU YA拉麵店位於觀塘牛頭角交界，剛開張冇耐，以貓貓做主題🐱當日去到已滿座，係店外等個陣熱辣辣，點知店員好貼心咁俾左幾杯凍水🥰老闆係日本人，所以拉麵味道都幾正宗👍-🥢 餃子 $38皮薄多餡，內餡係新鮮豬肉混合蔬菜，味道清甜😜-🥢 辣味噌雞白湯拉麵 $92 (溏心蛋 +$10)雞白湯會打到起泡，辣味噌鹹香味十足，配埋一齊原來好夾，增添層次感，但又唔會太辣🥰另外拉麵可以揀黃麵/白麵😝黄麵比較粗身有咬口，白麵較幼身掛湯必選🙈配料有慢煮雞胸/雞叉燒/荀/洋蔥🧅/京蔥/青蔥，雞胸好淋唔鞋口，雞叉燒就有輕微火炙過，增添香味💕溏心蛋仲係流心而家好入味😝-🥢 黑蒜雞白湯拉麵 $89加左黑蒜油，唔會有油膩感👍

女友公司附近開左一間食雞白湯既拉麵店，餐單只有三款拉麵，亦有提供餃子。入面掛咗好多貓貓嘅相😍，整體環境乾淨，座位唔算多，大約10個左右。客人可以選擇黃麵或白麵。前者口感更煙韌彈牙，波浪型既賣相令麵條更有口感。後者比較爽口，各有特色。- 瑪瑙瑙麵雞白湯用左11小時熬製而成，見到師傅用攪拌器打發雞白湯，拉麵湯底額外有一層泡沫，質感更加厚身，湯底非常出色，叉燒肥瘦適中幾惹味。慢煮雞胸肉質仲嫩滑過叉燒，非常juicy完全唔柴👍🏻- 黑蒜雞白湯拉麵雞白湯加咗黑蒜之後香氣撲鼻，但唔會蓋過雞白湯既味道，相輔相成👍🏻。對我地嚟講，溏心蛋係拉麵最佳拍檔😍，餐廳既溏心蛋煮得恰到好處，呈半熟狀態，味道偏甜，蛋黃味亦好濃郁。相信之後一個月都會光顧一至兩次，雞白湯實在太出色😍

街坊朋友有福啦，俾我見到一間新開試業嘅拉麵店，仲要係流行嘅雞白湯拉麵。雞白湯拉麵分別係一碗有黑蒜油一碗冇，另外仲有辣味選擇，總共三款。湯底熬足11個鐘，雞味味道濃厚，絕無味精，食完喉嚨舒服。麵條仲可選擇或黃麵，白麵比較幼身同彈牙，接近一蘭拉麵嗰隻。兩款麵質都試過，因人而異。慢煮雞肉夠晒滑又唔鞋口😘店內裝修好多媽媽擺設，忍唔住影咗個貓貓屋企模型，好得意。店員都好貼心，安排晒擺放行手袋嘅箱俾客人。店內整潔乾淨，星期五晚是人都比較多，但大家食完就好快走，唔使擔心要排好耐隊。

這間拉麵店位於牛頭角的寶峯大廈地下，主打雞白湯拉麵，堅持長達十一小時熬煮而成，用上大量雞肉、雞骨及雞皮一起熬煮，充分釋放雞肉的鮮味，更會使用電動攪拌棒打起豐厚的泡沫。店內環境寬敞舒適，裝潢採用日系木為主，牆身貼滿貓的相片及壁畫，如置身日本拉麵小店，廚師吧枱設計能欣賞到製作過程。瑪瑙瑙麵 - $89加雞叉燒 +$30雞白湯如牛奶般濃郁鮮香，濃稠得微黏嘴，有濃郁的雞肉鮮味，又有清爽的尾韻，波浪型的黃麵煙韌彈牙好掛湯；慢煮雞胸保持最大程度的水份，嫩滑而不乾柴；雞叉燒肥瘦相間入口即化，還有筍、洋蔥、京蔥及青蔥等配料。黑蒜雞白湯拉麵 - $89手工製作的黑蒜油與雞白湯交融，濃郁的獨特焦香味，隱隱透出甘香的雞白湯。雪碧 - $12有免費食水提供，還有日本直送的波子汽水。

哩間雞白湯拉麵好出色，好似去咗日本食拉麵嘅質素😋😋 經十一小時熬煮雞白湯，一定要試下推介🥰🍜瑪瑙瑙麵 Manuru Ramen
其實即係原味雞白湯拉麵，個湯頭超濃郁雞味😋😋然後師傅會用攪拌器打發起雞湯，加入咗空氣，令拉麵面層有一層厚厚嘅泡泡好似Cappuccino咁好特別🫧🫧而且會令到雞湯質感更加厚身，口感更豐富，一試難忘😋😋再配埋慢煮雞胸、雞叉燒、荀、洋蔥、京蔥、青蔥等配料👍🏻👍🏻 慢煮雞胸肉質鬆化軟淋😋好好食🧄黑蒜雞白湯拉麵 Black Garlic Ramen
黑蒜醬汁超濃郁🤤🤤同雞白湯味道好夾有黃麵同埋白麵兩款麵可以揀，黃麵口感煙靭，白麵麵質較滑身，兩種唔同口感都好正😍😍另外一定要加埋溏心蛋，甜甜地而且煮制得好惹味，🥚內心流心，配拉麵勁正

拉麵之旅又來到牛頭角，店舖新開張不久，由年輕人打理，佈滿了貓貓的主題。【瑪瑙瑙麵】雞白湯拉麵以濃郁的雞骨湯作基底，湯頭香滑濃厚，帶有天然的甘甜與細膩的油香，入口後能感受到雞骨長時間熬煮的精華。直麵比較索湯，嫩滑慢煮雞肉片夠肉味，叉燒比較乾身，整體湯頭最令人回味。  【辣味噌雞白湯拉麵】在雞白湯中加入辣味噌調味，顯得更加濃烈。辣味噌的香氣與微辣感為湯底增添一份刺激，配料如筍絲、香蔥等提升了口感的多樣性，特別適合喜好辛香味的食客。【餃子】皮薄餡多，外皮煎得金黃酥脆，內餡則以新鮮的豬肉與蔬菜混合，肉汁豐盈且帶有微微的甜味。

🍜 ManuruRamen｜雞白湯控必衝！黑蒜×辣味噌雙殺 慢煮雞胸嫩過叉燒？終於同朋友試咗呢間專攻雞白湯嘅拉麵店，$229/2人食到超滿足，湯底濃到顛覆我對雞湯嘅想像：棉滑厚泡+豬骨級濃度，仲要用blender打出綿密泡沫，視覺味覺雙重驚喜！✨🔥 二人食乜好？1️⃣ 黑蒜雞白湯拉麵$89走蔥｜轉黃麵（彈牙控必點）黑蒜味超濃郁但唔會搶戲，反而引咗雞湯嘅鮮甜出嚟！慢煮雞胸，嫩滑到離奇，顛覆咗我「雞胸=鞋」嘅印象，仲有吸湯嘅筍（+$10加量超值）。朋友食完即刻眼發光：「原來雞湯都可以咁厚身？」2️⃣ 辣味噌雞白湯拉麵 $92要白麵（爽口幼身+吸湯神器）辣味噌嘅辛香偷偷哋刺激味蕾，但完全無蓋過雞湯精髓！白麵掛湯力MAX，每啖都係濃郁雞香🌶️～蔥控注意：洋蔥+京蔥+青蔥三重攻擊，爽脆辛香爆燈！💡3️⃣ 日式餃子$38外皮煎到金黃脆底，內餡正常發揮，點埋醋汁係穩陣之選～（如果爆肉汁就完美喇😌）💡 味蕾重點筆記✅ 雞白湯神級濃郁：以為得豬骨先做到？雞湯+blender泡泡 綿滑到似飲緊Cappuccino！✅ 慢煮雞胸 > 叉燒：叉燒香但雞胸嫩滑得嚟有驚喜，食完想encore！✅ 麵底心機位：黃麵彈牙、

最近喺牛頭角掘到一間日本人開嘅高質拉麵小店「MANURU YA」，目前仲係試業中。這間拉麵店主打濃郁雞白湯底，只有三款拉麵選擇，價錢$89起。 小店環境簡潔，座位唔多～老闆用心製作，湯底同配料都見功夫，值得專程去試！  拉麵分了白麵或黃麵，兩款都各有特色。白麵麵條幼身爽口，掛湯力一流！黃麵麵身較粗有咬勁，同濃厚湯底超夾！ 🍜 瑪瑙瑙麵湯底係招牌雞白湯，表面有一層泡沫，入口滑順綿密。湯底濃郁得嚟唔膩口，帶微微膠質感，飲到底都唔會口渴！慢煮雞胸超嫩滑，雞叉燒薄切入味。🍜 黑蒜雞白湯拉麵黑蒜愛好者必試！湯底加入黑蒜油，香氣撲鼻，蒜味濃郁但唔會搶咗雞湯嘅鮮甜，層次感更豐富。配料同瑪瑙瑙麵一樣高質，食完超滿足！  🥟 餃子外皮煎得金黃脆口，內餡多汁，蘸少少醋食更開胃，係拉麵嘅完美配搭！  【MANURU YA】📌牛頭角馬蹄徑5號寶峯大廈地下6號舖

牛頭角呢間拉麵小店都出名左一段時間終於抽到時間去試下了 七點前黎到 好彩唔洗排好耐黑蒜雞白湯拉麵 黎到湯底仲有泡泡 熱辣辣 用左十一個小時熬煮既雞白湯 一飲之下 十分濃郁 拉麵正常都會偏咸 呢個雞白湯湯底濃得黎竟然唔咸好有驚喜 麵底可揀白麵/拉麵 我揀左白麵 食落爽口跟配料筍 洋蔥 京蔥 青蔥 一齊食 先試慢煮雞胸 食落軟熟又多汁食唔多太多既調味 清清地已經好好味 建議先食慢煮雞再食雞义燒 雞义燒 燒得好香 而且會更惹味朋友叫左辣味噌 重口味應該會鍾意 比黑蒜咸d 惹味d 都好唔錯餃子 每次食拉麵必備嘅小食 呢度即叫即煎 夠晒新鮮 呢到主廚拉麵同餃子都係一人處理 確保質素 值得欣賞

要數喜歡的拉麵湯底，雞白湯定榜上有名，週末去了牛頭角人氣雞白湯拉麵 Manuru Ya。由日本師傅坐鎮主理的實力的店舖，只有3款拉麵。瑪瑙瑙麵 -先呷一口湯底，熬製11小時，濃郁但不會很鹹。配料豐富，慢煮雞胸嫩滑、雞叉燒炙得香口、荀、洋蔥、京蔥、青蔥等，追加晶瑩的半熟溏心蛋及紫菜，選了麵質較硬身彈牙的黃麵，雞白湯掛在麵上每口都是美味。朋友選了黑蒜雞白湯拉麵，材料跟瑪瑙瑙麵一樣，在湯底加入了黑蒜油，令整碗麵充滿蒜香得來又沒有蓋過雞白湯本身味道，各具特色。令人回味的雞白湯拉麵，價錢實惠，難怪門庭若市。

マヌル屋 牛頭角馬蹄徑5號寶峯大廈地下6號舖味道評分:☄️(必食之選)>☀️>🌤>⛅️>💨☀️瑪瑙瑙麵 Manuru Ramen $89
（慢煮雞胸、雞叉燒、荀、洋蔥、京蔥、青蔥）外貌精緻，首先睇到的係雞白湯必備奶泡~整體湯底偏濃味少少，有creamy的口感😆想碗面都幾大，平時食拉麵可能唔夠飽，但食完啲碗都幾飽肚😎麵條的質感都幾彈牙！慢煮雞胸有調味，唔會好似食緊白灼咁無聊，雞叉燒雖然薄薄一片但少少雞皮加雞肉又幾滑~☀️黑蒜雞白湯拉麵 Black Garlic Ramen $89
（黑蒜、慢煮雞胸、雞叉燒、荀、洋蔥、京蔥、青蔥)加入黑蒜後的蒜味會好出，平時好少食到依隻味，上網check左黑蒜有增強免疫力的功能🤣有興趣可以一試~追加溏心蛋 $10餐廳內用貓貓做裝飾愛貓人士都可以支持下～

雞白湯用11小時熬煮💪🏻湯底有原味，黑蒜油同埋辣味噌三款選擇都係以雞白湯🐣為基底麵質有兩款選擇·黃麵較彈牙 白麵較幼身.拉麵即叫即製 上拉麵時見到湯面充滿綿密泡沫 幾得意😋拉麵入面有雞胸同雞叉燒雞胸嫩滑到有慢煮的感覺🫶🏼雞叉燒好小見 燒得好香 肉味濃郁😻.🫧 黑蒜雞白湯拉麵 Black Garlic Ramen🍜 
｜黑蒜·慢煮雞胸·雞叉燒·荀·洋蔥·京蔥·青蔥｜加配溏心蛋·筍雞白湯湯底加左黑蒜 入口多左啖啖的黑蒜香 唔會蓋過雞的原汁原味 味道好有層次👍🏻.🫧 辣味噌雞白湯拉麵 Spicy Miso Ramen 🍜 
｜辣味噌·慢煮雞胸·雞叉燒·荀·洋蔥·京蔥·青蔥｜加配溏心蛋辣味噌令湯底更惹味 鍾意食辣的朋友可以點呢個

位於牛頭角新開嘅マヌル屋，佈置以貓咪作為主題，主打雞白湯拉麵。Menu有三款拉麵，分別係瑪瑙瑙麵、黑蒜雞白湯拉麵同埋辣味噌雞白湯拉麵。 瑪瑙瑙麵🤍配料有雞叉燒、慢煮雞胸、筍、洋蔥、京蔥、青蔥。黑蒜雞白湯拉麵🖤配料有黑蒜、雞叉燒、慢煮雞胸、筍、洋蔥、京蔥、青蔥。雞白湯底經長時間熬製而成，濃厚而不膩、鹹度適中。黑蒜蒜香唔會過強唔會搶味～兩款拉麵～質感唔淋又彈牙😍✨雞叉燒肉質同味道正常發揮~🧐最令人驚喜嘅係慢煮雞胸！🤩肉質鮮嫩多汁、完全唔柴！味鮮而不鹹🥹能夠將雞胸煮成如海南雞滑嫩質地嘅拉麵店！真係可遇不可求！🥺✨小食嘅餃子🥟亦都好香脆可口😍📍マヌル屋 @manuru.ya#manuruya #拉麵 #ramenhk #雞白湯 #瑪瑙瑪麵 #牛頭角餐廳 #牛頭角美食 #牛頭角好去處