コメダ珈琲店

營業中

休息中

當晚，趁媽咪爸爸去大陸旅行，我又出去食飯嘞！  走到啟德零售館，恰巧！當晚，有渣打馬拉松選手領取大會安排的跑手包，所以，零售館突然多了這班客，難得平日晚上人流旺起來！經過想幫襯的餐廳，門外都有一堆人等位，令我卻步！ 醒起超市有間咖啡店 <コメダ珈琲店>，一於碰運氣！望入去尚有吉枱；依然走到門外的輪籌機取籌，等待店員安排入座吧！等兩個號碼，前面籌的人走了！我可直接入座！單人枱都有打卡位，好驚喜！供應輕食為主 Menu這裡店員少！所以，由安排入座到送上食物，都要耐心等候！QR code 落單，稍後店員送上食物！至於付款方式，見到店內有些可能第一次幫襯的食客，食完在店內繞場一周，原來要走到店外，超市範圍的自助付款機付款！熱豆乳 +$20豆香滿載，入口溫熱原味天然豆味，缺乏甜味的健康飲品！另配上一小包脆皮花生！抹茶芝士蛋糕 +$30芝士蛋糕軟滑微甜，深綠色的抹茶蛋糕，口味甘甜平衡不甜膩！炸蝦餅方堡 $79 讓我久等， 可要求切開3或4件！外型比漢堡包大個！ 烘焗過，包質芳香鬆軟，炸蝦餅外層香脆，內裡彈牙！加入椰菜絲及甘筍絲，配沙律醬，令人回味！

逛完SOGO後來了零售館這邊搵食，適逢是日體育園舉辦慈善演唱會，所以這邊的餐廳都有不少人等位。最後選擇了位於Aeon超市內的コメダ珈琲店，來自日本的連鎖珈琲店，裝修沿用日本當地店的風格。餐點類型以輕食為主，也有供應漢堡、意粉及少量熱熏類。拿破崙意粉，份量不多，配料就只有少量火腿。意粉煮得好稔身，茄汁充足，每一條意粉都沾滿醬汁，酸酸的，令人開胃。KOMEDA黃金炸牛堡是香港限定的菜式，漢堡包微脆得來又夠鬆軟，酥炸牛漢堡扒厚身又夠多汁，配上醬汁，增添風味。蟹肉焗白汁蝦仁則是啟德及康怡店的限定。焗白汁蝦仁配有通心粉，面層加上松葉蟹肉，另附兩片多士。將蟹肉與白汁蝦仁拌勻，每口能吃到蟹肉、白汁、蝦仁及通心粉，口感豐富。白汁味道稍膩，share來吃還好。或者將蟹肉白汁蝦仁鋪放在多士上吃，亦為之滋味。餐點加$20，可配一杯指定飲品。KOMEDA咖啡，帶烘焙香氣，味道不會酸，醇香易入口。歐蕾咖啡，奶的比例偏重，稍嫌咖啡不夠香濃，即使本人少飲咖啡，也覺得KOMEDA咖啡比較好喝。整體來說，食物質素中規中矩，不會難吃，但份量不多。KOMEDA咖啡☕️才稱得上好飲。

位於香港啟德體育園零售館的KOMEDA'S COFFEE平日幾乎包場店內一貫以復古木質裝潢搭配暖調燈光日式昭和風情濃厚蛋沙律潛艇堡圖文不符因為沒有菜但正合我意招牌KOMEDAS熱咖啡更是必點咖啡香氣醇厚入口滑順另外還點了粟米湯每個座位可充電能慢慢享受

行嚟行去都揾唔到,究竟係邊㗎😰原來係超市入面😅入面的侍應真係無服務㗎,面黑黑咁. 無人等枱,都必須取票,再安排你入座. 用QR code 落單. 點咗一個迷你草莓冰與火. 抹茶蛋糕, 一杯Komeda黑咖啡同一杯Komeda特制黑咖啡.價錢算合理,味道正常.

呢間野既食物質素真係不得了，不得不點評一下縱橫無數餐廳咁多年，從來未見過d野食可以伏成咁係啟德行到攰攰地，見呢間無咩人，得2枱客仔諗住唔洗等位就去馬啦，點知換黎既係惡夢般既代價$79蚊  個包頂勁乾 而且包底勁燶係咩事炸豬扒配既醬汁少又唔平均 成件事勁dry$59 個包又係勁DRY 肉又無味 完全唔值呢個價寧願去M記買多幾個包好過食物質素參差都算但真係想知將個包對半切有幾難阿切到咁核突都有既得個2枱客又唔係忙到飛起就認真少少做啦

去啟德體育園跑步，順便响啟德體育園食埋lunch，行咗一圈基本上都係啲連鎖餐廳，於是去咗間日式cafe，見坐得幾舒服，點知原來係伏店！🍴拿破崙意粉 $65⭐️不知所謂！又細碟又唔足料又唔啱味，只食到茄汁味，材料只有唔知火腿定煙肉，完全被茄汁味覆蓋，意粉份量少到食幾啖就無，不過最重點係唔好味！🍴紅酒燉牛肉 $95⭐️⭐️⭐️呢個反而唔錯，牛肉有紅酒香又夠腍，醬汁惹味香濃配香脆法包一流，可惜只得兩件太少。☕️追加熱Komeda咖啡 $20⭐️⭐️⭐️☕️追加熱歐蕾咖啡（大）$26⭐️⭐️⭐️🥗追加蛋沙律 $10⭐️⭐️咖啡普普通通尚算ok；蛋沙律唔夠沙律醬乾身左少少。🍰追加蘋果批 $19⭐️⭐️⭐️⭐️🍰追加抹茶提拉米蘇 $30⭐️蘋果批夠鬆化，蘋果餡感覺新鮮肉桂味重；抹茶提拉米蘇一啲抹茶味都無，cream又死實，蛋糕又唔軟熟，其實似慕絲蛋糕多啲，但係唔好味嘅！二人共消費：$265

26蚊所謂大杯檸檬茶竟然係咁嘅樣連埋意粉賣成$91 講真出去食茶餐廳，依家都係貴，但我冇諗過可以買成$91但係淨係食到一個意粉同埋一杯出邊普通嘅檸檬茶，本身行完超市諗住舒服吓，依家真係谷鬼氣！

叫左一杯大Komeda coffee外賣，等成20分鐘先至有，都唔緊要。知你人手唔夠。點知個店員過到嚟話，因為大紙杯冇哂，所以只可以用細杯裝，不過入面個分量係大杯嘅。我聽到都呆左。如果細杯都有大杯分量，咁分杯size嚟做乜？如果係真咁買大杯咪好伏？其實如果冇哂大杯，咪一早同我講，退返幾蚊畀我囉。我飲細杯唔係問題，問題係佢要講呢個大話，仲要理直氣壯咁講。擾攘咗一陣，最後我決定唔buy佢呢套，要求成杯退錢，燥底🤬🤬🤬

品牌喺12月一口氣開咗啟德同太古城康怡店啟德店位於零售館Mall 2 地庫AEON 超市入面喺正停車場入口並唔難搵🅿️飲完咖啡可以順便逛吓超市幾方便🛒同其他分店一樣二、四、六人卡位都有適合各種聚會當然唔少得 I 人最愛嘅「一人面壁思過位」 🫣🔖 Komeda 炸雞 6 件 $49 🐔日本Komeda 精品有出現過炸雞設計玩偶睇怕都係熱門菜式口感未去到唐揚炸雞咁Juicy但都有層薄脆外皮幾香口唧埋少少新鮮檸汁、去油膩幫到手🍋🔖 蘋果批 (加配$30）🍎睇吓佢個橫切面！🥐蘋果餡厚過塊酥皮多多聲好足料呢～🔖 豆乳咖啡 （加配$20）「當黃豆遇上咖啡豆⋯」 兩豆相遇撞出淡淡豆香、健康之選❣️埋單可以利用自助快線機自己操作電子支付唔洗等埋單幾方便 📱小解說留意到牆上嘅插畫同平時唔同嘅？🫨原來為咗配合體育園用番相關主題佈置🏀（零售館個Food court 仲有乒乓波檯同帆船設計嘅餐檯㖭！幾得意～🏓)