まじめや (已結業)

海膽魚籽蟹肉蟹膏燒 $128蟹肉蟹膏燒 $78雖然蟹蓋個size有d迷你, 但係蟹膏份量絕對唔少! 蟹膏口感好綿密, 入口會滲出淡淡蟹嘅香味, 非常滿足!❤️ 至於海膽幾香滑都唔腥, 但係我唔算係好鍾意食海膽, 所以都係比較鍾意淨係蟹肉蟹膏🙈-串燒5款 $118串燒款式日日唔同, 主要係鹽燒再灑少少黑椒, 味道已經好夠, 而且冇乜醬唔會太油膩👍🏻 中間嘅香腸包住雞腿肉幾特別🍗🤔-P.S. 我係星期五夜晚去, 個晚都幾多人, 食左一個鐘就好快清枱要我地走... 可能lunch/平日夜晚去會好少少...…查看更多

本身諗住都係搵間唔難食既樓上日本野，唔太貴而傾到計既，一開𨋢門已經覺得間餐廳超班裝修有高檔而好貴既日本居酒屋風，由於訂左位既關係，佢仲俾左個小房仔(其實係好似卡位咁加上半邊牆)，非常靚又聰明既設計而傾計又一流，未食已經好感大增咁既裝修加埋服務都係好好，即刻驚左一驚，似乎會好貴即刻睇下餐牌，都係7-80起，食埋魚生飯既餐都係118，跟住就諗：裝修靚、服務好、價錢平，唔通好難食？！先上一個Majimeya炸雞定食，每一個定食都加埋有三款漬物、沙律、麵豉湯，細心又精緻，一餐多個口味同口感炸雞入口好腍，外面保持到脆既，雞味濃而唔係雪雞，味道適中又夠風味，加少少七味粉送珍珠米簡直係一流飲品揀左冰烏龍茶，又香又清太油時飲啖再食，雞味更正另一個係海鮮丼定食，賣相已經無得輸^_^多款刺身吸引不特止，細心之處係加入埋醬漬海鮮同三文魚籽，成個飯既口感風味都正左好多啖啖都有唔同既鮮味，魚生新鮮更不在話下，尤選紅蝦同帆立貝飯、紫菜、醋既配搭亦好好非常高分的丼咁既地點、咁既環境、咁既服務、咁既價錢、咁既食物，都無咩野有得挑剔啦^_^食過你就知我無誇張#間房真係靚唔講得笑#張menu個個都想食真係好難揀#晚市應該飲下酒仲正…查看更多

呢間餐廳已經係我第唔知幾多次黎嫁啦, 叫做係水準KEEP 得好好既心水餐廳之一.  今日都同老公番黎食, 食下串燒RELAX一下. 今日餐廳真係好多人, 如果唔好食真係冇可能上樓店做到呢個效果. 我地BOOK左都只可以坐BAR 枱面對住師傅食.  我地好快就叫左野食見到咁多人都知要快手如果唔係燒物都要等. 好快就上左田樂茄子, 個味噌好好味.配上我最鐘意既茄子好夾. 淡淡既茄子夾埋濃濃既味噌做成一個PERFECT MATCH.呢個係雷魚一夜干, 通常見到一夜干我都唔會放過! 呢個正在可以連骨都食埋, 真正食"魚"唔吐骨!味道有小小焦又有咸魚既咸香加小小檸檬汁真係好FRESH好好味. 呢2個係我地次次都必點嫁. 因為一來超抵食又超好食. 牛仔骨係$78, 味道係甜甜地不過又唔會掩蓋左牛肉既牛味, 令到我地愈食愈想食. 海老係小小鹽味, 味道好鮮肉質好爽. 跟住我地再叫左個串燒盛, 由師傅發辨次次都令到我地有驚喜... 今次我最欣賞既係露筍牛肉卷, 食落有露筍既鮮同爽, 又有濃濃既燒汁牛肉. 又FRESH 又好味.最後就係呢個不能錯過既系列... 我因為小B 所以冇得食...我老公又點會唔食. 好彩之前都食過好多次, 店員在旁邊慢慢燒熟晒中間既蟹肉同蟹膏,當聞到蟹膏既香時再打隻蛋上去俾我地自己拌好黎食. 嘩... 今次冇食不過諗番起之前既味道都真係流緊口水. 生完一定要番黎再食呀!!!!! …查看更多

一行七人想試新野，見呢間唔錯，地方又企理即管試下！為咗試真D，7條友唔準重覆叫唔同嘅定食，等下次更有方向叫野，點知....瀨哂野！首先評論一下食物，除兩款魚生飯還可以外，其餘全部屬於難食，咖哩飯及鰻魚飯只係食到一半已經頂唔住，放棄咗，索性去買蛋撻醫肚。服務方面，其中一個由頭黑到尾，其實我地都唔係煩既客，唔明黑乜面🤔另外兩個員工雖然無笑容，但未至於黑面.最大問題係，我地每位一放低餐具，便9秒9收野，好有趕客feel, 唔知以為自己去咗澳牛😪…查看更多

6月30日晚親戚聚餐，根據雜誌介紹，選了這家居酒屋。用餐後感想：一間CP值頗高的居酒屋餐廳：食物美味，有正宗日本味，而且價格相宜，又不趕客人走，我們從6:30坐到10:30，一邊吃，一邊聊天，非常寫意。不過餐廳服務只是屬於茶餐廳水平，有待改善。…查看更多

星期五想同朋友飲下酒傾下計，又會諗起呢間位於亞士厘道既日式居酒屋。之前已經介紹咗唔少朋友黎，大家都話抵食又好食，所以呢間喺我心目中排名好高～《鹽燒油甘魚頭 $68》是日魚頭係油甘魚，真係好好彩！燒魚頭喺屋企真係好難做到，而餐廳亦唔係間間做得好食，我真係非常幸運食到油甘魚頭，燒得剛剛好恰到好處，肉質鮮嫩而帶油香。如果大家有興趣真係唔好錯過，記得問下是日魚頭係咩魚！《海鮮丼 $128》海鮮丼份量都幾多，有三文魚、三文魚子、帆立貝、蟹柳、吞拿魚，最特別既係有山藥蓉，一般只會喺日本既餐廳先見到，估唔到香港都可以食到！《招牌酥脆雞塊 $62》呢間既雞塊比平日既日式炸雞大件，差不多大一倍，但香脆程度又比日式炸雞高，真係好佩服！一咬開炸雞表面，肉汁已經明顯被看見，一邊飲酒一邊食，確實係一種放工後既無憂享受。《神奇炒麵 $62》炒麵以鐵板盛載，保持熱力之餘亦令底部既炒麵變得更香口。炒麵中混合不少豬肉片、紅蘿蔔絲及椰菜，椰菜爽口香甜，豬肉片亦夠柔軟味濃。炒麵炒得條條乾爽，一啲油膩感都無，三二下就比我地清曬，不愧為招牌菜。《清酒 $68》黎居酒屋唔飲酒好似唔圓滿，所以我地揀左House sake，價錢真係非常公道，而且味道唔錯，唔辛辣容易入口。《雞皮$22》雞皮炸得非常香口，件件香脆。《牛舌 $38》好香，好大片，好多汁！真係好好味！叫左一串之後好後悔無點2串，牛舌的確有超水準表現。《冬菇 $18》一客4件，偏乾，但菇味濃郁。…查看更多

在尖沙咀逛街後想吃日本料理，便往甚多食肆的亞士厘道看看，發現這間位於樓上的居酒屋價錢合理便試試。可能我們到達還未夠六時半，所以我們是第一枱客人，但到了七時半，已多了很多客人。餐廳裝潢就是一般居酒屋，除了普通座位，還可選擇坐榻榻米。黑芝麻汁煙肉沙律 沙律菜很新鮮，煙肉脆卜卜，配上黑芝麻汁很特別。海膽壽司 $78 油甘魚壽司 $42海膽很新鲜，味道鮮甜又甘香，油甘魚肉質肥美，壽司飯醋味剛剛好而且有少少微温，吃起來很美味。北海道蟹蓋蟹肉蟹膏燒 蟹蓋內放滿蟹膏，上面再有蟹肉和鵪鶉蛋，拌勻鵪鶉蛋和蟹膏蟹肉一起吃，蟹膏不會太鹹而且入口軟滑，蟹肉也很鮮甜。招牌酥脆雞塊 雞塊炸得外脆內鬆，而且有五大片，但因為我不大喜歡吃炸物，所以我只吃了一片，其餘全由hubby消滅了。稻草烤安格斯牛扒 安格斯牛扒用稻草一齊燒很特別，我們要求medium rare, 廚師弄得剛剛好，肉質很嫩滑，但可能因為我們要求比較生，所以牛扒不是很熱，但價錢不貴，值得一試。…查看更多

去完尖沙咀利完街，想搵個舒服地方食個晚飯，由於六點尚早，選擇多，我地揀左北海道爐端燒，因為一家人都好大二日本野食。因為仔仔仲係，於是今餐全叫熟食。一入到餐廳，好日本感覺，除一般座位外，仲有榻榻米，廚房都屬半開放式，可以睇到廚師炮製食物。一場來到點可以唔叫招牌酥脆雞塊，炸到脆卜卜既外層包住嫩滑雞塊，點上少少酸既特制汁料，簡直人間美食，外脆內鬆，肉汁豐富，送酒一流，不過要等下次先可以送酒。鹽燒魷魚鬚都唔錯，八成熟左右，鎖住魷魚鮮甜，加上少些海鹽已經好出，仿似即吊即燒感覺般，好爽爆。之後玉米牛油燒，粒粒玉米飽滿結實，充滿牛油白味，小朋友至愛。接住係露筍豚肉，鮮嫩可口既露筍吸左豚肉汁，減低左豚肉肥膩感，兩者融為一體，口感豐富。見有咩菜，叫左薑汁豬肉野菜，椰菜多汁又甜，撞上少少薑汁， 一來味覺上更好味，互來又暖胃，而且薑味唔算太勁，小朋友都接受到，而豚肉經爆香後，唔太油，仲少少脆，幾香口。重頭戲係稻草燒安格斯牛扒，師傅堅拎住稻草一齊燒，於是牛扒吸左稻草香味，比煎更香，更能鎖住肉汁，達到肉質鬆軟無渣，肉香撲鼻。最後極左碗叉燒拉麵煮雞蛋，湯底好濃郁，叉燒都算厚身，至於蛋係流心蛋，整體都幾好味。下次有機會一定要試下啲野食，好吸引。…查看更多