9
1
0
港鐵旺角站 E2 出口, 步行約5分鐘 繼續閱讀
電話號碼
68282828
營業時間
今日營業
15:00-00:00
星期一至五
15:00-00:00
星期六至日
13:00-00:00
付款方式
現金
座位數目
30
其他資料
Wi-Fi
自帶酒水
切餅費 詳細介紹
電話訂座 詳細介紹
外賣服務
電視播放
食評 (10)
等級3 2015-04-26
1396 瀏覽
聽朋友講香港有女僕cafe, 今日放工即管去試試。講到女僕自然會諗起日本動漫那些造kawaii造型。今次呢間是一間樓上的cafe, 內裡的侍應全是女僕的裝扮,都幾特別,餐桌上放著一個手鈴用來叫女僕。在場有一些card game,棋類或小遊戲比大家消磨時間。如女僕有空還會和大家一齊玩。坐低之後坐位有點窄和迫,點餐時當然要試試手鈴,我點了個吉列豚肉咖哩飯,女僕們和客人玩樂可算不錯,可惜對於營運飲食就真係欠缺認真。漏單,唔知那枱要什麼食物,忘記上菜,通通齊……我來的 吉列豚肉咖哩飯,女僕把豚肉飯送到,值得一讚是她們會因應客人要求而用醬汁在食物繪畫公仔。食物方面吉列豚肉飯外表很吸引,味道方面似乎有點似一碟吉列豬扒飯,豚肉好乾硬,無肉味,食進口中沒有豚肉的味度。咖哩汁還算可以,能做到咖哩汁能提升食香味的功能,而且可用來送飯。當中的薯仔和蘿蔔和咖哩的味道還算合格。最後,餐廳的經營模式唔錯,如服務認真些會更好。食物方面需用心營造。 繼續閱讀
(以上食評乃用戶個人意見 , 並不代表OpenRice之觀點。)
好耐都冇同宅男表弟一齊食飯,最近突然又CALL番我,原來怕一個人去女僕CAFE, 驚比人話毒男,哈哈咁樣搵表姐笨,不過請食飯點都走唔甩啦~一上到去,原來設計得都幾好喎,幾有樓上CAFE既氣氛,之前食開既旺角CAFE多數都係MK仔開,好求其的畫左熊熊既豬扒飯,雖然隻熊熊好似ON DIET咁,但真係好犀利呀,即場畫一失手就好弊嫁啦,真係覺得佢地好勁~野食都唔差嫁喎~日本既蛋包飯係最出名,佢呢度就做到外層順滑而且裡面半熟,拍得住日本嫁豬扒都好好脆扑扑~畫左表弟個樣, 好CUTE CUTE~XD雖然雞扒冇炸豬扒咁多,但我鐘意食佢果個多D,冇咁肥呀~唔記得左咩沙冰LU,但夠凍而且少冰,有少少益力多味~好解渴!好鐘意佢既藍莓CHEESE CAKE,朱古力挑花非常華麗,酸酸甜甜而芝士結實有勁,死啦又肥幾磅啦 繼續閱讀
(以上食評乃用戶個人意見 , 並不代表OpenRice之觀點。)
等級2 2015-03-24
1125 瀏覽
同朋友約左好耐 終於今日約齊人 一齊去ふわふわ喫茶店到食晚飯 真的好期待呢 ( ´ ▽ ' )ノ一出lift 就見到精心設計過門口 掛住個靚靚招牌 馬上就要見到女僕了 真的令人好緊張呢( ̄▽ ̄)一踏進店內 就聽到女僕跟我說 主人 歡迎你 他們真的太可愛了 (・ω・)ノ店內藍白色為主調 燈光柔和 電視上正播放著AKB48 的歌曲♪每張枱都有個鈴召喚女僕 女僕們聽到鈴就會過來呢♪每個晚餐都包1杯嘢飲同甜品 今次我就揀左雞扒蛋包飯每個蛋包飯都可以要求女僕們畫自己想要的圖案呢 ( ´ ▽ ' )ノ萌雞扒蛋包飯味道不錯 不過不失 但份量對女孩子來說偏大 有淡淡的香草香味 洋蔥 好開胃味道 ★★★☆☆賣相 ★★★★★價錢 ★★★★☆女僕把自己都畫上去了!餐送甜品甜品的驚喜是最大 玫瑰花蛋糕好好吃! 玫瑰花味淡淡清香  適合一些不太愛吃甜的人吃味道 ★★★★★賣相 ★★★★★女僕們都好健談 跟我們分享生活趣事 下次一定會再光臨(●°u°●)​ 」 繼續閱讀
(以上食評乃用戶個人意見 , 並不代表OpenRice之觀點。)
等級2 2015-03-24
699 瀏覽
女僕CAFÉ 喺香港興起幾年,今次終於搵到3個朋友志同道合嘅朋友一齊去ふわふわ喫茶店玩下!一行4人到樓下已經見到有可愛女僕派緊傳單,睇住水牌上到6樓…跟住得意嘅腳印就去到門口喇!一開門女僕親切地講句”主人,歡迎你返黎呀!”…之後就帶領我地到座位。店內裝飾係夢幻海洋風配藍天白雲,襯埋女僕嘅藍制服!坐底後可愛嘅女僕寶寶就將meun送上,向我地介紹餐單…我選擇左價值$118嘅魔法餐大蝦蛋包飯配飲品藍莓多多。另外同朋友share兩客小食:$38來自星星的雞塊+$45小動物併盤。4杯飲品先到,岩岩好可以一解同女僕寶寶傾計嘅口渴。我點嘅飲品係酸酸甜甜嘅多多味配藍莓嘅清新..好開胃呀!>w<小食來自星星的雞塊+小動物併盤好快就趕住黎俾我品嚐!原來小動物併盤係由薯餅,魚手指,芝士波,香芋波併成一隻貓貓樣,非常吸引!登登登登!!!主角來了!大蝦蛋包飯!我一向最愛食蛋包飯…依個飯嘅蛋好滑,入面包住濃濃蕃茄汁嘅飯..大蝦好香好脆卜卜!YUMMY!最後當然由甜品結尾, 係寶寶推薦嘅玫瑰蛋糕!細心嘅寶寶知我有養狗狗,為我畫上一隻超級可愛嘅狗狗!蛋糕好香玫瑰味+清甜,為依2小時畫上完美嘅句號。4人總花費只係$668。今次嘅體驗實在難得,個個都食到肚漲漲咁走,亦同女僕寶寶傾得好開心!我決定左要再黎..因為我已成為左可愛寶寶&美味蛋包飯嘅FANS喇!>W< 繼續閱讀
(以上食評乃用戶個人意見 , 並不代表OpenRice之觀點。)
等級1 2015-03-20
614 瀏覽
昨晚到了傳說的女僕cafe用餐,餐廳光線柔和加上免費wifi(這個很重要( ̄Д ̄)ノ!!!),使毒毒一人如我也能放鬆用餐。每晚晚餐都有三個基本選擇,而我今次便選了大蝦蛋包飯。上餐時可愛的女僕會即席詢問客人想她們用茄汁在蛋包飯上繪畫甚麼圖案,一如圖示的我選擇了貌似獅子的喵喵~甜甜的大蝦外脆內軟,很適合小朋友食用。蛋包飯的份量也足夠,而且內含洋蔥、茄汁炒飯,十分開胃。餐後還有蛋糕作甜品,但在拍照前已忍不住吃了……╮(╯▽╰)╭整體用餐經驗良好,下次放假再去吧( ̄▽ ̄)ノ 繼續閱讀
(以上食評乃用戶個人意見 , 並不代表OpenRice之觀點。)