韓國過江龍“Pizza Maru”係韓義薄餅及韓式炸雞專賣店，於全球已經超過600間分店，嚟到香港依然人氣高企啊。
最近，第7間香港分店喺啟德體育園正式開幕！新店可容納142位客人，大家可以喺舒適氛圍下享用招牌薄餅同各款美食。啟德體育園新店更特設最多可容納16人嘅「私人用餐空間」，新年想約飯局或小派對就啱晒喇。
為咗慶祝開業盛典，“Pizza Maru”更推出啟德體育園新店「期間限定薄餅」，並舉辦一系列驚喜活動!! 包括運動挑戰贏無酒精飲品1杯、參與社交平台活動有機會贏HK$300電子禮券；以及派發限定優惠小冊子。
“Pizza Maru”啟德體育園新店正式開業。
韓國過江龍人氣高企，主打韓義薄餅、韓式炸雞及新派意粉和意大利飯。
啟德體育園新店特設「私人用餐空間」，最多可容納16人。
【期間限定薄餅】
2025年1月1日至2月28日，啟德體育園新店推出期間限定薄餅—「經典五行」(HK$208 | 13吋)*。
「經典五行」批底係用健康墨魚汁麵團製成，上面鋪滿5款配料—韓式燒牛肉、辣香腸、香辣雞肉、煙肉配薯角同粟米，配合獨特四格切法可以試勻各款口味。加埋馬蘇里拉芝士、車打芝士嘅奢華組合，每啖都有邪惡拉絲同獨特風味啊。
*每日數量有限，售完即止。
期間限定薄餅「經典五行」，鋪滿5款配料及馬蘇里拉芝士、車打芝士，完美融合多種獨特風味。
獨特四格切法，可以試勻各款口味。
【運動休閒主題】特設運動酒吧睇賽事
啟德體育園新店以耳目一新嘅運動休閒元素，為運動愛好者打造舒適環境。牆身有充滿活力嘅運動主題壁畫，以及足球場為題嘅植物牆。
同場更特設「運動酒吧」配備多部高清電視，嚟到可以近距離觀賞唔同精彩體育賽事。
耳目一新嘅運動休閒元素，為運動愛好者打造舒適環境。
特設「運動酒吧」配備多部高清電視，近距離觀賞精彩體育賽事。
【一齊參與Maru運動挑戰】贏HK$300電子禮券
準備接受有趣挑戰啦！“Pizza Maru”誠邀大家於2025年1月2至26日，嚟啟德體育園新店參加「MARU 迷你高爾夫挑戰賽」。堂食客人只需於1分鐘內將3顆球打入球洞，即可免費享用無酒精飲品1杯。
另外，參加者將「MARU 迷你高爾夫挑戰賽」活動相片於Instagram發佈貼文，並標註 Pizza Maru 及 3位朋友。“Pizza Maru”將於2025年1月27日選出20個分享貼文，獲得最多「讚好」嘅參加者會獲得HK$300電子禮券，各位一齊嚟邊玩邊食啦！
「MARU 迷你高爾夫挑戰賽」活動詳情
-所有參加者必須追蹤“Pizza Maru” Instagram -參加者必須分享Instagram貼文，並標註 @pizzamaru 及3位朋友參加挑戰 -餐廳將透過 Pizza Maru HK 會員手機程式，向獲獎者發放HK$300電子禮券 |
【派發限定優惠小冊子】
“Pizza Maru”即日起至2025年1月8日期間，推出限定優惠小冊子^供堂食客人換領。當中包括HK$300堂食折扣、免費升級至指定大批 或 炸雞12件及免費享用午市套餐等。客人可於即日起至2025年2月18日期間，喺啟德運動園新店享用精彩禮遇。
^惠顧堂食滿HK$300及追蹤“Pizza Maru” Instagram方可換領限定優惠小冊子。
^數量有限，換完即止。
【人氣美食推薦】
韓國烤肉芝加哥。批邊特別飽滿鬆軟，超爆多芝士大滿足！
蒜香甜辣炸雞配炸蓮藕片(6件)。估唔到炸雞同炸蓮藕片咁夾，一脆一爽撞出雙重口感。
韓式海鮮炒年糕。年糕軟Q微辣，加埋海鮮一齊食好豐富。
釜山炸軟殼蟹。軟殼蟹大大隻，炸到金黃酥脆，配 Pizza Maru 獨有的Playground Brewery韓國手工啤酒就絕對一流。
鮑魚肝醬海螺意大利飯。每啖意大利飯都好綿密，同時食到鮑魚肝醬、海螺嘅濃郁鮮味。
煙燻鴨胸泡菜卡邦尼意粉。將韓國泡菜結合經典卡邦尼，酸辣又有奶香，充滿新鮮感。
蜜糖柚子八爪魚沙律。香甜柚子沙律醬結合鮮味八爪魚，開胃富層次。
Pizza Maru (啟德體育園)
地址: 九龍城啟德承啟道38-39號啟德體育園啟德零售館2 G樓M2-010號舖
電話: 21101277