聽Live Band+食生蠔幾正喎！一向大玩港式幽默嘅“GoodDay BadDay MamaDay” 逢星期二、四晚都有Live Band聽，靚舞台同靚音響幾好feel。趁住生蠔優惠$198/10隻，可以食勻日本、法國、美國蠔；仲送埋紅/白酒2杯，超級划算。而家仲新推新鮮水果系列，即刻睇詳情啦～
生蠔優惠詳情~
10隻生蠔(日本蠔4隻、法國蠔3隻、美國蠔3隻) 及紅/白酒2杯 優惠價: $198 |
【全新】新鮮水果料理！
水果可以煮到幾多嘢食!? 原來藍莓可以整Pizza；香橙又可以醃雞肉整法式意大利飯，玩味極濃又香甜。最後食埋爆多水果嘅自家製心太軟雪糕新地，正啊。
藍莓乳酪Pizza$148
顛覆傳統薄餅概念，將新鮮藍莓、黑桑子同秘製藍莓乳酪醬做Pizza。批底幾酥脆，咬開有拉絲芝士又有啖啖果肉，甜而不膩幾過癮。
黑醋菠蘿鴨胸番茄意粉$148
如果你都鍾意菠蘿料理，呢款意粉一定要試吓。超多黑醋菠蘿蓉鋪滿慢煮匈牙利鴨胸，鴨肉鬆軟又酸酸甜甜，分量真心啖啖肉。
法式香橙雞肉意大利飯$138
唔講唔知，其實水果嘅天然果酸可以令雞肉肉質軟嫩啲。“GoodDay BadDay MamaDay”就用咗呢個天然方法醃雞肉啦，唔會落鬆肉粉或添加劑。一啖creamy意大利飯、一啖橙肉又幾過癮。
肉桂士多啤梨黑毛豬肋骨$188
平時食嘅豬肋骨都係普通燒烤醬，今次就用新鮮士多啤梨整嘅果醬代替，鮮甜果香又夾雜肉桂味，同骨邊肉嘅濃郁肉味好夾，快速食咗兩條豬肋骨都唔膩。
白桃啫喱烏龍水果茶$58
“GoodDay BadDay MamaDay”嘢飲同甜品一向高質，今次新鮮水果系列都出咗新嘅白桃啫喱烏龍水果茶，日本白桃配埋鮮雜果同啫喱。QQ啫喱好有咬口，仲有勁多水果正啊。
自家製心太軟雪糕新地$68
甜品都迎合主題鋪滿新鮮水果同開心果!! 自家製心太軟堅流心，一切開就爆漿，朱古力迷一定要試呀。呢個分量兩個人share都得，CP值幾高啊。
GoodDay BadDay MamaDay
地址: 尖沙咀加連威老道27-27A號嘉榮大廈地舖及1樓
電話: 94241449