Chess House旗下9間餐廳，一直由多位外籍主廚以外國食材入饌，為大家提供高質多國美食!! 自設炭爐即叫即燒多汁牛扒“THE HUNTER”、唯美環境享用黎巴嫩料理“Maison Du Mezze”、一嚐香辣&沙嗲馬來西亞菜“makan makan”、地道泰式街頭小食“BKK”；同埋宮廷風精緻印度菜“CHUTNEY” 等等等。如果你鍾意以上菜系，更加推薦你嚟試吓。
因為Chess House 為咗答謝大家多年支持，首次於今個夏天限時推出《Chess House夏日盛宴》，旗下8間餐廳均以高級料理呈獻超值午市/晚市套餐，午市大約$100；晚餐亦只係大約$300。當然每間餐廳價錢、份量有啲唔同，但保證都係超值價錢享用矜貴菜式！無論你一直係Chess House 粉絲，抑或首次光臨品嚐都好值得嚟享用美食！有時間真係要食勻咁多間～ Don’t miss! Move your chess.
將軍澳海傍嘅“THE HUNTER” 自設熟成櫃同炭燒爐，炭香juicy牛扒真係必食！室外座位飽覽一望無盡海景天際線，仲有鞦韆打卡位。室內特設開揚大玻璃門，海洋風裝潢舒適輕鬆。
東涌隱世高質黎巴嫩餐廳，好多人鍾意呢度嘅炭燒牛扒、肉串，仲有一系列地道料理。餐廳環境設計曾入圍國際餐飲設計大賽，廣闊空間好啱家庭樂、朋友聚會。
“makan makan ”融合馬來西亞香料、泰國風味、越南草本氣息嘅新派菜式，重新演繹經典東南亞料理，招牌菜式如椰漿飯、炒粿條、檳城蝦麵等。玩味環境裝潢致敬經典遊戲《食鬼》，充滿歡樂氣氛。
主打曼谷、泰國東北部料理，外籍大廚用多種香料結合甜、酸、辣、鹹。招牌菜泰式辣椒膏炒沙白粉絲湯，辣得嚟勁有層次。炸辣味雞翼係必食之選，夠晒大隻香脆。舒適泰式木系環境，充滿度假風情。
印度宮廷風嘅“CHUTNEY”，透過落地玻璃欣賞外籍大廚用兩大個印度窯爐Tandoor 即烤印度烤餅、肉扒同海鮮，即刻出爐熱辣辣。一入門口嘅懸垂金色綢絹好唯美，用餐區則係奢華金色半拱形天花，好有空間感。
呢度可以食到被稱為最健康嘅地中海飲食—黎巴嫩菜，以豐富穀物、水果、蔬菜、海鮮、香料、橄欖油為主，同樣有炭爐燒肉扒，一嚐食材原始味道同地道風味。嚟到好似走入阿拉丁世界咁，坐梳化位又可以攬住彩色咕𠱸。
想感受吓泰國、越南等地嘅飲酒文化，尖東海傍嘅“MAMTOM”酒吧可以沉浸式體驗東南亞風情，好似去咗亞洲啤酒花園咁。夜晚於澎湃音樂下享用美酒佳餚，好似置身東南亞熱鬧啤酒花園。同場有室外座位，春夏微風飲酒食飯幾有feel。
香港少見以英國殖民時期嘅印度做主題，當時軍隊食堂要滿足兩國軍人口腹，所以將印度食材及香料入饌，同時加入英國風味並大幅減低辣度，造就與別不同嘅英式印度菜。如果飯局有人想食印度菜；但又有人唔食辣去呢度就啱晒喇。店內更有由印度博物館，慷慨提供英屬印度軍隊真實相片，沉浸式享受獨特氣氛。
