打工仔最想做咩? 梗係放假去旅行啦，去日本Shopping、韓國探Oppa、巴黎街頭嘆杯Coffee，諗起都覺得正，奈何邊有咁多假期呀。想感受法式地道情懷? 原來在香港都可以Feel到，在灣仔的小巷中，有間小店名叫「Odelice!」，裝潢佈置散發著法國的浪漫簡約氣息，餐牌中亦見有法國的地道美食。
這一切，源自法藉老闆與合作伙伴的一個夢：將對食物的熱情與投入法國輕食行業的夢想，化成開店動力，在港開設正宗又親切的法式輕食餐廳。主打招牌菜有傳統的法式名物如蕎麥餅等，同時也提供中午、下午茶、晚餐及假日早午餐的選擇，配搭多變。平日節奏太快，如今放慢一點，享受無束縛的時間，當然無問題了！
必試前菜: 廚師拼盤
豐盛晚餐，由頂級的前菜開始！推介有頂級廚師拼盤，以煙三文魚、帕爾瑪火腿、燻鴨胸、牛油果醬等拼合而成，賣相精緻搶眼，份量充足，最適合三五知己Share，試多幾款Starters。
大廚推介: Fresh Tuna Carpaccio X食出巴黎的感覺: Steak Tartare
前者鮮吞拿魚配上檸檬撞薑汁，賣相吸引之餘清新開胃，口感一流。後者生牛肉鮮味濃郁，外型討好，味道獨特，是真正在巴黎街頭小店才嚐到的滋味，配上少許喼汁更能豐富味道的層次。
不能錯過的主菜: 新鮮青口配白酒忌廉汁 X 挪威三文魚
特色主菜首推新鮮青口配白酒忌廉汁（配炸薯條及新鮮芫茜) ，醬汁的味道與質感，令人一試難忘。必點的還有挪威三文魚，肉質嫩滑肥美，配菜亦非常出色，難怪成為小店最受歡迎的主菜之一。
還有這幾款必吃之選!
喜歡意粉的，一定鍾意US steak spaghetti及Mixed seafood linguine，牛扒份量十足，海鮮鮮嫩多汁，配spaghetti或linguine 簡直是完美之選。
Smoked salmon, spinach & pesto galette 也是大廚推介必點之作，一看賣相已知很地道很法國，味道一流。其他推介可試iberico pork、gourmet pasta、自家制 mashed potato及US Beef tenderloin & pan seared foie gras，尤其後者肉厚口感賣相俱佳。
主菜過後想試試甜品？必食Homemade Tiramisu，糕身夠軟滑，又有香濃芝士味，相當吸引。另外可試試法式甜品拼盤包括廚師特選法式撻、apple crumble 、薄煎餅焦糖醬窩夫，是甜蜜蜜的必食之選！
午餐鬆一鬆
平日推出的午市套餐，可選配前菜、主菜及一杯特色飲品。主菜之一的法式烤雞肉巴黎風三文治（雞肉、馬蘇尼粒芝士、蕃茄乾、芥末蛋黃醬、鄉村麵包，配黑松露薯條及松露蛋黃醬) ，單看以為只是一塊烤包，用力一咬卻即時香氣四溢。香脆的麵包，中間夾有juicy的芥末汁雞肉餡料，確實食過番尋味。
新推出的French steak & fries on wooden board，有肉有薯條，豐富的份量讓男仕都夠飽。而Fresh avocado roast-chicken salad則適合細胃女仕輕食。午市套餐由$78起，包湯或沙律。
極盡relax 假日「早午餐」
到放假，想真正抖返下，Odelice！準備的個性「早午餐」，悠閒優食就不是夢！這個假期才出現的「早午餐」，其中一個亮點莫過於任飲美式咖啡與冰茶，傾幾耐都可以有得嘆。