母親節晚飯最後召集!! 仲未決定帶媽媽食咩好又未買花!? 呢間掛滿花嘅黎巴嫩餐廳“RUE DU LIBAN”係好選擇呀。由黎巴嫩人Imran Khaleel 開設，藍色牆門口已經好IGable，入到餐廳都掛滿花花幾靚㗎。
老闆Imran Khaleel 年輕時遠赴瑞士讀書，之後喺高級酒店開展職業生涯，一直對料理要求好高。而家夥拍入廚40年埃及人大廚Ahmed Menshawy，以開羅喜來登酒店掌廚經驗；以及黎巴嫩、杜拜、多個歐洲國家閱歷，為“RUE DU LIBAN”煮製一系列精彩菜式。
今年，大廚Ahmed Menshawy 特別為母親節設計「母親節特選菜單」，一次品嚐黎巴嫩冷盤前菜(Cold Mezze)、黎巴嫩熱盤前菜(Hot Mezze)、兩款主菜、甜品。菜式份量豐富，價錢仲包埋2杯氣泡酒(Prosecco)，CP值幾高。
「母親節特選菜單」包括黎巴嫩冷盤前菜(Cold Mezze)、黎巴嫩熱盤前菜(Hot Mezze)、兩款主菜、甜品，以及2杯氣泡酒(Prosecco)。
埃及人Chef Ahmed Menshawy 擁超過40年黎巴嫩料理經驗，並曾於開羅嘅喜來登酒店掌廚，擅長黎巴嫩古老食譜。
“RUE DU LIBAN”法文意指黎巴嫩街道，藍色門口好有外國氣氛。
天花掛滿花飾好唯美，啱晒媽媽影相打卡。
母親節特選菜單$688/2位
【黎巴嫩冷盤前菜(Cold Mezze)】 鷹嘴豆蓉(Hummus)、紅椒核桃醬(Muhammara)、茄子蓉(Mutable)、蒜香乳酪(Garlic Labneh)
【黎巴嫩熱盤前菜(Hot Mezze)】 黎巴嫩風味辣蝦春卷(Lebanese Style Spicy Shrimp Spring Roll)
【主菜(任選2款)】 雙人混合燒烤拼盤(Mix Grill for 2) 或 燉雞(Chicken Stew) 或 澳洲盲曹魚(Barramundi Fish) 或 慕薩卡(素食) (Moussaka (Vegetarian))
【甜品】 杏子布甸(Apricot Pudding)
套餐包括: 2杯免費氣泡酒(Prosecco)及汽水、檸檬冰茶、咖啡 另可+$48 追加啤酒、紅酒或白酒 |
【黎巴嫩冷盤前菜(Cold Mezze)】
鷹嘴豆蓉 · 紅椒核桃醬 · 茄子蓉 · 蒜香乳酪
黎巴嫩人食飯前，好鍾意先食幾款冷盤(Cold Mezze)，多數係豆蓉、茄子蓉、蔬菜蓉等，全部食材都天然健康。今次母親節套餐就試到4款，用彼得包同脆片蘸嚟食幾開胃。
母親節套餐，提供4款黎巴嫩冷盤前菜(Cold Mezze)。
茄子蓉(Mutable) 係將熟茄子搗成蓉，味道濃郁柔和，又有天然煙燻香味。
紅椒核桃醬(Muhammara) 以烤紅椒為基底，入口先有濃郁甜香，後續滲出微妙煙燻同堅果香味，風味獨特。
【黎巴嫩熱盤前菜(Hot Mezze)】
黎巴嫩風味辣蝦春卷
原來黎巴嫩菜都有我哋熟悉嘅春卷，但就多咗少少辛香氣息，幾有新鮮感。春卷外層超脆，入面就有爆餡蝦肉!!
春卷外層超脆，入面係爆餡蝦肉。
【主菜(任選2款)】
雙人混合燒烤拼盤(Mix Grill for 2)
如果想食回本，主菜一定要揀呢款烤肉拼盤!! 有齊烤羊架、雞肉同牛肉。肉嘅外層燒到微焦好香口，加上用咗幾種黎巴嫩香料醃製，肉味幾有層次。連埋杏仁片、烤蔬菜一齊食，啖啖肉又唔膩，份量夠大好啱share啊。
雙人混合燒烤拼盤(Mix Grill for 2) 份量好大，集合咗烤羊架、雞肉同牛肉。
直接拎起烤羊架食！焦香肉味好吸引。
烤雞肉特別嫩滑，蘸醬食更有風味。
烤牛肉燒得出色，牛味濃又軟腍。
燉雞(Chicken Stew)
另一道燉雞料理就暖胃濃郁，燉煮雞肉過程吸收晒香料味道，有種溫暖嘅辛香同微妙甜味。而且醬汁濃郁，撈飯或配彼得包都好夾，係媽媽一定鍾意嘅料理。
燉雞料理暖胃濃郁，媽媽一定鍾意。
雞肉吸收晒香料味道，肉質軟嫩。
澳洲盲曹魚(Barramundi Fish)
好多媽媽都鍾意食魚，母親節套餐就有呢道鱸魚料理揀。魚肉細嫩，魚皮都煎到好香脆，連埋鋪上嘅番茄、三色椒醬汁一齊食，酸甜微辣又混和魚油，係好有記憶點嘅菜式!!
澳洲盲曹魚肉細嫩，魚皮又夠脆。
慕薩卡(素食) (Moussaka(Veg))
如果媽媽鍾意素食，呢道經典地中海菜一定要試吓。以烤茄子做基底，再將各種蔬菜層層堆疊做出豐富口感，就算係素食都完全唔單調啊。
慕薩卡(素食) 係經典地中海菜。
烤茄子同各種蔬菜層層堆疊，做出豐富口感同味道。
【甜品】
杏子布甸(Apricot Pudding)
最後以杏子布甸作結，柔滑布甸帶有杏子獨有嘅柔和甜味，夾雜堅果口感，甜而不膩。
杏子布甸(Apricot Pudding)，帶有杏子獨有嘅柔和甜味。
RUE DU LIBAN
地址: 尖沙咀山林道22-26號地下A號舖
電話: 23102922