盪住鞦韆食【玩味Fusion料理】.即製棉花糖火山和雲朵
近年將軍澳海旁成為Families 同Friend Gathering 嘅人氣地方,海濱長廊有靚景又有單車徑,仲有DON DON DONKI,加埋一系列新商場真係可以玩成日。呢度嘅「Seoulmate」有埋室內鞦韆、韓式fusion菜、棉花糖火山和雲朵,夏天嚟嘆冷氣、食住打卡最爽。


玩味打卡!夏日限定菜式
「Seoulmate」仲會一直設計玩味菜式,今次夏天限定餐牌就將招牌雪山飯進化成「粉紅雪山飯」!仲有小朋友同大人都心心眼嘅「烤棉花糖甜品漢堡」,唔講真係以為係漢堡嚟㗎~仲有多款少女心大爆法嘅棉花糖甜品&飲品𠻹!

Oreo奶昔不敵 大白兔糖棉花糖火山
係香港少見嘅大白兔糖味棉花糖,放於Oreo 奶昔上好似火山大爆發咁呀!一上枱記住即刻影相,因為棉花糖雲會慢慢融化喺奶昔入面,望住佢嘅變化都幾過癮㗎。值得一提係,奶昔係用Oreo 打成,好鍾意飲落有粒粒Oreo 口感。

烤棉花糖甜品漢堡
「Seoulmate」嘅打卡甜品一直好有人氣,有啲仲係香港少見㗎!好似呢款「烤棉花糖甜品漢堡」我就暫時未喺香港見過喇。漢堡包夾住滿到瀉嘅烤棉花糖,輕甜軟糯又微焦脆,夏天無得BBQ食烤棉花,終於可以滿足口癮喇~

而且呢個「扮漢堡」嘅甜品,連薯條都係「扮」㗎(笑)。原來咁似薯條嘅係烤多士,淋上蜜糖食外脆內軟又香甜。

雙重軟殼蟹蜂蜜芥末漢堡
人氣軟殼蟹Burger~兩隻軟殼蟹超大隻同脆口,脆粉亦唔會太厚,食落幾有蟹肉口感,配埋蜜糖芥末醬一流。

燒牛肉粟米芝士漢堡
經典Burger 選擇就有燒牛肉口味!係用肉味濃郁嘅安格斯牛肉,配埋鹹香粟米芝士食Creamy 得嚟又唔會好膩。

煙三文魚三文魚子粉紅雪山飯
呢度嘅招牌雪山飯吸引好多Fans,夏天限定版「煙三文魚三文魚子粉紅雪山飯」粉紅色充滿少女心,而且粉紅色係天然食材顏色夠晒健康。將檸檬忌廉汁撈勻炒飯食,每啖都Creamy又有煙三文魚口感。

泡菜煙三文魚他他 配酥炸脆球
酸酸辣辣三文魚他他放入脆薯波中,輕脆清爽雙重口感喺夏天食好開胃,仲可以沾埋檸檬乳酪食㗎。

烤肉拼盤配粟米芝士
一班人嗌個拼盤開心Share 最抵食,又可以啱晒唔同人口味。呢個拼盤就有半隻燒春雞、 美國Prime 安格斯西冷扒、香草黑豚蛇餅腸,仲有香烤蔬菜同粟米芝士,好大份量!

韓燒碎牛牛油果醬墨西哥片
平時嘅墨西哥脆片都係配意式肉醬,今次就加入韓國元素~用微甜韓燒牛肉醬配埋牛油果醬,健康又香口,小朋友都會好鍾意食。

烤雞牛串燒 配青梅醬和沙嗲醬(半打)
有時夏天熱到無胃口,食串燒有肉又無負擔感。呢個雞牛串配咗沙嗲醬同青梅蜜醬,鹹甜兩種口味都食到。

燒酒煮大蜆配韓式粉絲湯 (可以走酒)
韓國米酒帶輕微甜味,比一般米酒更順口,今次用嚟入饌煮蜆煲,更突出蜆肉鮮甜味。唔鍾意酒味嘅話,亦可以揀走酒㗎。

士多啤梨棉花糖 脆多士方塊
呢度嘅厚多士真係好夢幻!好鍾意雲朵一樣嘅士多啤梨棉花糖,係現場用棉花糖機整出嚟㗎!士多啤梨口味香香甜甜,一放入口就融化~厚多士仲淋上滿滿忌廉、士多啤梨醬同新鮮士多啤梨,女仔完全無抵抗力。

榛子脆多士方塊
厚多士仲有榛子口味!上方滿滿嘅忌廉係榛子忌廉嚟㗎,配上朱古力醬同焦糖香蕉,係男女都會好鍾意嘅味道,三五知己Share 就最啱喇。

棉花糖雲下的阿芙佳朵雪糕咖啡
平時飲嘅Affogato 都係Espresso 放上雲呢拿雪糕,呢度除咗滿足你冰火交融嘅雪糕同咖啡癮,仲有好靚嘅「棉花糖雲」。

將Espresso 倒入「雲」中,棉花糖會慢慢融化於咖啡中~飲一啖苦中帶輕甜嘅咖啡,再食一啖冰涼雲呢拿雪糕,冷熱苦甜交集好衝撃!

粉紅玫瑰荔枝青檸燒酒
好多女仔鍾意飲酒微醺感覺,但又唔鍾意太強烈嘅酒味,呢杯「粉紅玫瑰荔枝青檸燒酒」就有多層次花香果味,漸變色仲好靚𠻹!

Seoulmate (MONTEREY Place)
地址: 將軍澳唐俊街23號MONTEREY Place 地下G25B-G26A號舖
電話: 25776338
* 資料由客戶提供