好多公司陸續取消WFH，公司放工倦倦哋想同朋友食嘢輕鬆吓，食串燒就最啱啦。「龍井」而家有【75分鐘串燒放題】，每位只係$50咋！下晝1點至夜晚12點都有，想食就食又唔使理budget 就是爽。同場仲有即製煲仔飯㗎，必食香港臘腸好有酒香～
【75分鐘串燒放題詳情】
時間：下午1時 至 晚上12時
- 每2人起，凡惠顧煲仔飯1個 或 啤酒1 set，即享優惠價$50歎串燒放題！豬、牛、雞、羊4款串燒75分鐘任食
即叫即製 高質串燒放題
呢度全部串燒、煲仔飯即叫即製，熱辣辣上枱超正呀！4款任食豬、牛、雞、羊串燒全用高質貨加秘製醬～外層焦香，咬開仲好有肉汁，完全唔係一般現成串燒來貨嚟㗎。
自家人手串串燒，即叫即燒超高質。
同場仲有超過50款串燒，推介人氣燒牛舌、燒豬頸肉、燒雞皮、肥牛金菇卷外，海鮮大推燒扇貝！扇貝鋪滿蒜蓉、香蔥勁惹味，連海鮮汁都要飲埋呀。
蔬菜類就有超大件秘製燒茄子(原條)，同樣鋪滿蒜蓉、香蔥加埋秘製醬，茄子一夾即離皮超嫩，好啱配肉解膩。食完茄子，即刻可以食多幾串放題串燒賺到盡(笑)。
即製煲仔飯 超脆飯焦！
夏天煲仔飯癮一起，真係好難搵到嚟食。呢度就全天候都有煲仔飯啦，同樣由下晝1點至夜晚12點都有得食。全部即叫即製，一上枱記住淋上豉油再冚蓋焗一焗，更有飯香。
煲仔飯都有好多款，如時令臘味飯、田雞排骨飯、豉汁白鱔飯等。私心大推臘腸滑雞飯、鹹魚魚腩飯，香港製造臘腸一咬開即有酒香，好味又放心；鹹魚魚腩就好有咬口，撈飯一流，最後記住刮埋脆脆飯焦食呀。
開飯仔依家仲有好野益大家！於2022年4月29日至6月9日期間，到【龍井】消費並上載有效收據到指定網頁， 隨時贏取豐富獎品！ 食得愈密， 得獎機會愈大，超過200份獎賞等梗大家！快啲約埋飯腳開餐啦！