大坑手工意粉排隊店 “Nocino”，除咗手工意粉吸引一眾粉絲外，其實佢哋仲係一間好罕見嘅瑞士意大利語區 Ticino 菜。總廚兼老闆 Matthew Ziemski 正正嚟自 Ticino，並於倫敦擔任大廚多年。2019年移居香港，希望為香港人帶嚟正宗 Ticino 風味。
“Nocino”大坑店好有小酒館感覺。
觀塘店好開揚，木質傢俱、植物營造自然鄉村風格。
咁其實Ticino實際喺邊呢? 確實啲講係位於瑞士南部，靠近阿爾卑斯山及接壤意大利邊境，涵蓋冰川至栗子森林，獨特地理環境造就特色菜式。
好欣賞主廚Matthew忠於家鄉煮法，好多小食、主菜同甜品嘅味道都好地道，有時第一啖真係好驚喜，係從來無食過嘅味道!! 而且每日現製新鮮意粉，即叫即煮特別Q彈有蛋香。想試吓地球另一端味道嘅話，好值得嚟試吓。
對於陌生菜系無從入手嘅話，可以經OpenRice訂座預購佢哋嘅「意式瑞士風情四道菜共享晚餐」每位即減$60，由小食、頭盤、自家製意大利麵、總廚特選主菜再食到甜品，基本上包括晒多款招牌料理啦。
【OpenRice 訂座預購優惠】
意式瑞士風情四道菜共享晚餐2位起 (價錢已連服務費)
優惠價$520/位 (原價$580) |
【每日現製】新鮮手工意粉
#Fresh #Handmade Pasta #Prepared in-house daily
嚟到一定要食佢哋自家製手工意粉，如果第一次嚟可以試吓入門版嘅煙燻鴨腿烤蜜桃寬扁麵先，係 “Nocino” 一開店就有嘅招牌意粉。用龍蒿、羊奶芝士、煙燻鴨腿煮製，味道較輕身，餘韻仲有烤桃嘅微甜平衡，大人小朋友都會鍾意食。
煙燻鴨腿烤蜜桃寬扁麵 (Smoked Duck Leg & Roasted Peach Tagliatelle)
餘韻有烤桃嘅微甜平衡，大人小朋友都會鍾意食。
如果想試地道啲嘅風味，可以揀呢道新出飲管麵。羊奶之士同煙燻味好濃郁，麵包蟹嘅鹹香海鮮味比想像中強，有時咬開飲管麵仲會爆汁，絕對係重口味之選!!
麵包蟹黑椒芝士飲管麵 (Brown Crab Cacio E Pepe Bucatini)
麵包蟹嘅鹹香海鮮味比想像中強。
【意大利飯】
除咗一系列手工意粉，呢度嘅 Chef’s Special 都有意大利燴飯。Matthew 加咗藏紅花燴煮，食多幾啖會有種獨特香味同微酸。加埋激多芝士同忌廉，燴飯口感好綿密。
另外值得一提係慢煮牛膝，每件牛膝都好厚肉，同印象中嘅歐洲菜一樣牛味好濃。而且肉質煮到好鬆軟，輕輕咬落去就化開嘅感覺，鍾意呢種慢煮牛口感嘅話，一定要食！
慢煮牛膝意大利燴飯 (Ossobuco Milanese)
牛膝好厚肉，牛味濃郁。
【人氣前菜】
呢度好多款小食都係香港少見，好似呢道炸意大利飯球，未食之前以為係鹹牛肉味，但一咬開係梅洛紅酒帶出嚟嘅酸甜味先，牛肉餡嘅肉味會慢慢滲出嚟。外面炸到金黃香脆，內餡又有肉感幾正，真心有驚喜。
炸意大利飯球 (Arancini Ticinese)
一咬開係梅洛紅酒帶出嚟嘅酸甜味，牛肉餡嘅肉味再慢慢滲出嚟。
另一款都係炸波波外形嘅炸瑞士芝士球，炸皮好厚脆，爆多芝士餡好濃郁。想好似 Ticino 當地人咁飲住酒慢食傾偈，絕對係必食。
招牌炸瑞士芝士球 (‘Malakoff’)
炸皮好厚脆，入面爆多芝士餡
炸物以外，波波外形都有布袋芝士揀！布袋芝士好 Creamy，蘸啲開心果碎碎之後，連埋意大利風乾火腿一齊食。
布袋芝士配意式無花果芥末醬 (Burrata & Fig Mostarda)
好有歐洲風味嘅醃鯷魚，食之前以為會偏鹹，但估唔到個鹹味啱啱好，食埋粒醃葡萄仲幾清甜!! 下面仲有啲烤花椰菜、酸豆葉配料，而且鯷魚幾嫩一啲都唔腥喎，對香港人嚟講真係好有新鮮感。
意大利風味醃魚(‘Pesce in Carpiòne’)
【Nocino甜品】
“Nocino” 有3款甜品－Odette’s提拉米蘇(+Nocino核桃酒)、蒙布朗栗子黑加侖子芝士蛋糕、香濃朱古力牛軋糖蛋糕。今次我哋試咗靈感取自瑞士三角朱古力嘅香濃朱古力牛軋糖蛋糕，蛋糕質地 Creamy 綿密、甜味香濃，下層仲有啲脆脆口感，係好有記憶點嘅甜品。
香濃朱古力牛軋糖蛋糕 (Tobler and Torrone Milk Chocolate Pavé)
【雞尾酒】
Ticino小餐館真係好興邊飲酒、邊食飯，所以呢度都有好多雞尾酒揀。如果平時唔飲酒，可以參考吓 Mocktail 推薦～
Sù-Chee- Lemon Honey Gazosa
甜美蜂蜜同酸爽檸檬好Refresh。
以 Lemon Shrub、碳酸水 (Carbonated Water) 調製。
KATARINA- Passion Fruit Tangerine Fizz
強勁碳酸泡泡又有葡萄柚、菠蘿果香，好啱夏天解渴!!
以葡萄柚、菠蘿、碳酸水調製。
Nocino (香港)
地址: 香港大坑銅鑼灣道92E號地舖
電話: +852 60121098