近排大家都準備飛喇～ 好多人都勁興奮要去泰國!! 如果你未等到出發，喺香港都有間超人氣串燒店「Grill ขนทอง」，主打泰國地道料理！超高溫即燒串燒、杯裝冬陰功 同 外賣杯泰啤，喺街頭即買即食勁方便！
隨時買泰國小食、泰啤，行街食住傾。
由朝早至凌晨 香港街頭泰有風味
中環蘭桂芳同銅鑼灣都有分店嘅「Grill ขนทอง」，招牌料理有杯裝冬陰功湯、青咖喱魚蛋、高溫燒爐串燒、泰式酸辣鳳爪等，平時香港嘅泰國舖真係好少見！估唔到除咗泰式串燒方便，杯裝小食都泰方便呀～而家營業由朝早11:00至凌晨5:30，幾時想食都得！
高溫燒爐可瞬間鎖住肉汁超juicy，難怪成為人氣串燒店！
年尾見朋友 泰國美食無得輸
年尾真係堅忙，世界盃、聖誕節、除夕輪住嚟，咁多飯局都唔係次次為食飽，重點係見朋友呀！輕食嚟講...真係無諗過可以揀杯裝冬陰功～仲係酸辣又有椰香超爽。
(左)泰式酸辣鳳爪、(右)杯裝冬陰功
長洲大魚蛋就聽得多，進化做泰式青咖喱大魚蛋都幾有驚喜！杯裝大魚蛋有勁滿香辣青咖喱醬汁，可以用魚蛋瘋狂蘸咖喱。
長洲大魚蛋
相信各位夜鬼都好掛住串燒宵夜㗎喇!! 等咗咁耐，梗係要食得高質啦。呢度特設高溫燒爐，最高達300°C 可縮短燒烤時間，串燒食材keep住水分，特別係燒牛仔骨、魷魚鬚、菠蘿、有機露筍、粟米都好juicy！飲啤酒嘅話好推薦嗌埋雞皮，又香又脆好佐酒。
燒烤爐最高可達300°C，縮短燒烤時間保留食材水分。
多款泰式串燒揀。
蔬菜類都好惹味，特別係菠蘿會爆汁㗎。
串燒醬真係靈魂所在，呢度嘅串燒醬用咗5至6個月不斷研發同調配㗎。而家選擇有泰式紅雞醬、黃咖喱醬、芫荽酸辣醬、沙爹醬、烤牛肉醬、青咖喱醬、青辣椒醬。
多款串燒醬，用5至6個月不斷研發同調配。
外賣杯裝生啤！街頭飲酒外國Vibe
外國街頭好多人都會拎住杯啤酒，飲住傾計～呢度都有外賣杯裝生啤，隨時喺街頭邊飲邊行。
呢度有泰國啤酒Singha生啤，麥香適中、口感清爽，相比樽裝啤酒口感更新鮮。同場仲有經典Mojito雞尾酒，酸甜清爽勁夾泰國嘢。
泰國啤酒Singha生啤，外賣杯隨時想行住飲都得。
Grill ขุนทอง (和安里)
地址: 中環和安里1號地舖
電話: 25301022
Grill ขนทอง (駱克道)
地址: 銅鑼灣駱克道487-489號駱克駅地下
電話: 27166922