激罕高質海景地中海菜 木炭牛扒.海鮮配外國食材
激罕地中海菜 炭燒重磅牛扒.海鮮
講起地中海菜,印象都幾模糊…無計,香港食到嘅地方唔多,但其實主要以蔬菜、海鮮、水果嘅地中海菜健康清爽,好啱香港人口味㗎!呢間香港少有嘅地中海餐廳「The Hunter」更由當地大廚主理,並講究地用大量外國食材、海鮮、牛扒,單係牛扒都講明嚟自加州農場。最最最特別係引入炭焗爐,主打香港少有嘅炭燒牛扒海鮮地中海料理。


The Hunter 位於將軍澳海傍,環境幽靜舒服,有落地玻璃同室外座位望靚景。

室外韆鞦位好Chill。

室內以木系、海軍藍為主調,輕鬆氣氛好啱聚會。

CP值超高!菜式勁大份 最啱Share
雖然料理走高級路線,但CP值超高!大廚笑言呢度係「嘢食大份量,價錢好大方」,你睇吓佢足足1kg 嘅Dry-Aged Prime牛扒就知份量堅勁!嗌一份牛扒加份配菜,兩個人Share 已經食到好滿足。

連份量都好地道,碟碟勁大份!

【儼如高級扒房】設乾式熟成櫃 引入純種荷斯坦牛
平時牛扒都只寫級數,牛扒嚟自邊個農場真係不得而知。呢度就講明牛扒嚟自加州Brandt Ranch牧場牛隻,Brandt 家族自90年代起就專注飼養純種荷斯坦牛,脂肪唔算多,勝在肉味濃。同場仲有1885 Prime 安格斯黑牛,有Striploin、Rib Eye揀。牛扒質素之高,儼如一間專業扒房。

值得一提嘅係,呢度嘅牛扒全部以至少21日乾式熟成處理,令牛肉中酵素分解肌肉組織,肉質更軟嫩外,肉味更濃郁並帶淡淡堅果味,無論味道口感都好有驚喜。

【必食1kg炭香牛扒】罕有木炭烤牛扒!
除咗牛扒級數同肉味已勝一籌,呢度仲大手筆引入高溫 JOSPER焗爐,以木炭烤焗牛扒,就算1kg牛扒都可均勻烤熟,做出地中海風味。

好推薦來自Brandt Ranch牧場嘅1kg Brandt USA Prime Porterhouse,咁大件扒唔係度度食到,仲要新鮮出爐超有炭香!
特設乾式熟成牛扒櫃,即叫即切,全部牛扒最少經21日熟成處理。

必試炭燒Brandt USA Prime Porterhouse 足有1kg,獨特炭香加濃郁肉味!

Prime級別!2人份海鮮拼盤
地中海菜來自沿海地區,所以常以海鮮入饌。想食最新鮮海鮮,最簡單當然揀海鮮拼盤啦。呢個2人份量拼盤有法國生蠔Fine de Claire、阿拉斯加皇帝蟹腳、波士頓龍蝦、牡丹蝦、Kinkawooka 青口等。睇得出全部海鮮都用Prime級別,相當高質。
海鮮拼盤 (2位)

法國名蠔之一Fine de Claire,養殖場有特殊藻類,甘甜爽脆並帶榛果香氣。

雞尾酒吧前方都放滿海鮮!

水果.香料.木炭 突出食材原始味
地中海料理以呈現食物原始味為前題,所以好少用大量醬汁奄製,反而用各種水果、炭香突出食材。所以除咗必食牛扒、生蠔外,一系列海鮮菜式都好值得一試,部分海鮮同樣以木炭烤焗,以炭引出鮮味。

香烤八爪魚鬚
地中海料理中烤八爪魚好常見,味道清爽,以突出八爪魚鮮味為主。大廚將西班牙八爪魚,以鷹嘴豆、墨魚油醋汁、Hunter 辣椒汁引味而成。

燒北海道帶子
以香蕉洋蔥代替一般洋蔥,唔會有辛辣味之外,獨有輕甜更突出日本帶子鮮味。

必食烤新鮮波士頓龍蝦,足足再600g重㗎!兩邊龍蝦都塗上牛油,出爐超香。

烤海鮮選擇仲有好多~
香烤虎蝦

香烤鱸魚

多款必食料理    經典Burrata
地中海料理擅於以芝士入饌,配埋蔬菜開胃健康。曾紅遍歐美地區嘅芝士Burrata 順理成章成為主角,再以意大利番茄、三色椒襯托。

細心留意就發現呢度大量食材都係飛機運到,細小如平時當作配菜嘅番茄都特地由外國訂購,難怪大廚都話CP值奇高。

The Hunter Cripsy
相信Wrap 係香港人較有印象嘅地中海料理,我個人都好鍾意Wrap 嘅多重口感,大量爽口蔬菜包住炸軟殼蟹,食落無咁熱氣之餘,罪惡感都大大減低呀。

【炭烤推薦!】香烤黃雞
木炭可以引出各種鮮味,除咗頭先提到一系列炭烤牛扒、海鮮,仲再呢道炭烤黃雞!大大隻新鮮黃雞入爐,利用木炭熱力鎖住雞油肉汁,咬開外皮即滲出炭香,一班人Share 必食呀!

經典甜品    Lemon Curd Pavlova
外脆內綿嘅Pavlova,以淡雅蛋白為基調再加入檸檬酪,清甜解膩,輕輕敲開仲有驚喜!


駐場調酒師    設計多款Cocktail
餐廳有獨立雞尾酒吧,海軍藍色皮革吧椅,配上掛燈微光好有氣氛。

The Maiden Voyge
味道剛烈嘅The Maiden Voyge 以冬季香料、檸檬皮加入白蘭地、接骨木花酒等,係男士都會鍾意嘅Cocktail。

Part With Parched
以椰子Rum、紫蘇葉、香蕉酒,柑橘等調製,味道清爽。

Coyote Ugly
以意大利氣泡Prosecco、無花果加入London Dry Gin、百里香、覆盆子酒、蜜糖、柑橘調配,果香味濃。

留意返,餐廳現正於星期一至五只提供晚市;星期六、日及公眾假期提供午市及晚市。

THE HUNTER
地址: 將軍澳唐賢街29號藍塘傲地下11號舖
電話: 23300204
* 資料由客戶提供