食麻辣火鍋最緊要有靚牛！平時打邊爐嚟嚟去去都係安格斯、本地牛…重慶麻辣火鍋店「川婆婆」就引入多款韓牛、SRF美國和牛、日本和牛，有啲仲係直接向農場拎貨先有，就算坊間牛肉專賣店都好難買到，而家星期日至四仲有85折優惠呀。
正宗1++靚韓牛極罕 韓國人都唔係成日食到
先講韓牛，其實唔係所有韓國成長嘅都能稱為「韓牛」，全韓國正宗韓牛數量只約250萬隻，珍貴非常。以前只有達官貴人先可享用，時至今日韓國人都係特別日子先食㗎，可幸2015年韓國揀咗香港作首個韓牛出口區之一，我哋先有機會食到咋！
韓牛咁吸引，全因肉味濃、口感鬆軟，雖然同樣富油花，但比日本和牛油膩程度低得多，入口化出油香之餘，亦保留口感同肉味。
正宗韓牛數量珍貴，肉味極濃又鬆軟。
呢度共有6款1++韓牛靚位，私心推介半白肉、腹心肉、腹協兩側肉位，半白肉係韓牛前胸位，口感爽脆又香；腹心肉接近內臟，所以肉味極重；腹協兩側肉則脂肪平均，有咬口又唔油膩。
(左)韓牛1++半白肉、(右)韓牛1++腹協兩側肉
SRF美國和牛 結合日本和牛&安格斯黑牛
而SRF美國和牛，其實係「日本和牛」同「美國頂級安格斯黑牛」繁殖品種，所以同時具日本和牛油花、美國安格斯牛濃郁肉味嘅2大特點。
當中就以SRF (即Snake River Farms) 出產嘅黑牛最出名，以大麥、黃金小麥等為主要食糧，比一般牛多4倍穀飼時間，無論肉汁、嫩度都最頂級。
SRF美國和牛係「日本和牛」同「美國頂級安格斯黑牛」繁殖品種。
呢度共有4款SRF美國和牛位，當中牛橫隔膜外嘅一條肌肉—封門柳，用嚟打邊爐最正。每隻牛只有1條，所以極罕有。而且肌肉活動量高，所以油花均勻有咬口，越咬越出牛味。
SRF美國和牛封門柳，每隻牛只有1條，坊間少有。
如果你鍾意韓燒，推薦一試牛三角。牛三角意指牛牛第1根至第6根肋骨切出嘅三角肉位，粉嫩牛肉鋪滿雪花般油脂，用作韓燒逼出油花，一入口油香鮮甜，可以話係牛五花中嘅頂級。
SRF美國和牛牛三角。
如果鍾情日本和牛嘅入口融化，同樣有日本A5和牛牛小排揀。
85折優惠 CP值更高！
一系列靚牛咁罕見，除咗香港貨源極少外，亦因為成本高昂。而呢度定價親民，一次過試勻幾款靚牛都唔肉赤，CP值好高，而家逢星期日至四嚟仲有85折優惠。
「川婆婆」限定優惠！
逢星期日至四，晚市均享85折優惠* |
靚牛 x 麻辣火鍋 x 韓燒
「川婆婆」好早期就引入重慶麻辣火鍋，正宗麻辣湯底有獨特牛油香，麻中帶辣好過癮。最近仲有埋韓燒，一入座就免費有齊韓燒、麻辣火鍋2個爐，啲牛想點食都得。
韓燒牛夠油香，正宗麻辣火鍋就辣得過癮。
每張枱都有3款海鹽畀你免費用。
台灣淡水名物 必試皮蛋紅薑貢丸
除咗牛肉，呢度仲有多款台灣火鍋配料—皮蛋紅薑貢丸、鴨血、台灣阿給(冬粉釀油豆腐)等。當中「皮蛋紅薑貢丸」可以話聽都未聽過呀，原來係台灣阿中出產嘅淡水名物嚟㗎！
最初係日本人託台灣阿中製作，將皮蛋ｘ紅薑呢個夢幻組合變成餡料。入口清爽又有皮蛋香，老闆都一試愛上，專誠引入召喚一眾皮蛋控～
必試麻香貢丸，配麻辣湯底超正！
Q彈台灣鴨血，唔使諗即刻嗌呀。
同場仲有多款火鍋配料。
火鍋多選擇！可換烤魚／雞煲
值得一提嘅係，火鍋除咗有重慶麻辣鍋外，仲可以換上烤魚、雞煲，一邊食烤魚、一邊食韓燒都過癮㗎。烤魚有4款口味揀—鮮椒、香辣、十三香麻辣、酸菜檸檬。原條鱸魚厚身多肉好抵食。
火鍋可換上烤魚、雞煲。原條鱸魚厚身多肉好抵食。
酸菜魚都有得食！
必飲大大杯檸檬茶、水果茶，30幾蚊勁大杯好抵飲！
*優惠只適用於火鍋及配料（不包括小菜、小食、醬料及服務費）
川婆婆 (寶勒巷)
地址: 尖沙咀寶勒巷26-36號地舖
電話: 23698616