潮人熱爆!大紅袍火鍋料理店登陸荃灣
集合川菜、港式火鍋、日式火鍋料理(刺身)等多種食法的大紅袍火鍋料理,人氣一直高企,最近更殺入新界,登陸荃灣區,火鍋控如今有福了!
新店設計夠型夠in,未等到位時,一入門口有個型格酒吧,畀你歎住靚酒特位。而全場的裝潢以懷舊的宮廷式為主調:沿用一貫的北京文化老磚拼牆、典雅的花紋系沙發座椅布、玩味人物掛畫等,配以特調的燈光、播放著時興的輕音樂,超乎想像的摩登,可以話打邊爐都特別有mood!

除了「食環境」,店內的餐牌選擇一定最為吸睛。除了招牌的「大紅袍」湯底配料之外,更有專為荃灣店而設的限定配料,美其名「潮人火鍋店」,果然keep住有新鮮感!

特色湯底
花膠雞腳螺頭燉雞湯(每日限量10個)
冬天飲碗熱辣辣雞湯是常識吧!滋補的燉雞湯落足心機與食材,用上多個鐘頭熬製而成,所以每日限量10個,絕對珍貴。要嚐到非一般的鮮甜味美,咁就要預訂了。

花甲海鮮鍋(荃灣店限定)
另一個不得不試的湯底,有鮮味行頭的花甲海鮮鍋。超份量的花甲,附以一隻大蟹熱煮靚湯,湯頭清甜不在講,更是一次過滿足「海鮮控」的願望!

金屋藏嬌
店內的招牌作「金屋藏嬌」,用北方人流行使用的銅煲盛載火鍋食材,耐食兼有特色,同樣是每日限量發售。冬瓜配原隻鮮雞,加入松草花、竹笙等配料,滋補又鮮甜。

人氣推介
脆金花
如果湯底未滾但又「餓底」上身,可以先來一客前菜醫肚!名為「脆金花」的酥炸蝦膠,內裡滿滿結實的蝦膠,啖啖豐腴。

焦鹽粟米
又一驚喜出現!鮮甜的粟米經焦鹽脆炸後,外層香脆內裡juicy清甜,是為一種不可言喻的奇妙小食。

迷你刺身拼盤(四人份)
小食未夠喉,可以加多個迷你刺身拼盤!有海膽、牡丹蝦、帶子及三文魚齊齊出動,實在是無得輸!

極級本地手切肥牛
油花分佈相當靚仔的本地肥牛,至啱用來打邊爐。身為「牛魔皇」的你,記住要bookmark定啦!

極上牛肉刺身
「呃LIKE」牛肉一定非佢莫屬!入口即融,質感似足和牛,達至品嚐牛肉的究極境界。加上砌到成朵花咁,一定要相機食咗先啦!

紫菜響鈴(荃灣店限定)
來到新店當然要試新嘢。用腐竹加上紫菜人手即炸的脆脆響鈴卷,只需快快淥一淥,少少軟多多脆,仲多了一重紫菜香,質感都幾得意有「脆」!

和牛牛丸
嗱嗱嗱,鐘意食和牛的朋友,這款和牛牛丸你一定要試。事關用上矜貴的和牛打製而成的牛丸,粒粒都咁有濃郁牛味。

鴨舌(荃灣分店限定)
荃灣限定的美食有好多,這款鴨舌火鍋配料,放落滋味湯底下灼,唔洗飛台灣都可以食到好味鴨舌嚕!

黑松露蟹肉餃
黑松露蟹肉餃帶點fusion 風格,鮮甜彈牙。皮滑餡靚,大家食時記住捉緊時間,需時5分鐘左右,得咗!

鬼馬蝦膠
鬼馬蝦膠(油炸鬼包裹蝦膠,面頭拼有蟹籽)更要把握最佳時機,下灼後脆身與彈牙交織,會令人不自覺食唔停。

自製炸魚皮
靚湯底配襯此款脆卜卜魚皮,淨食或放落湯中略灼一下,有嚼頭又好味!

特色廂房:適合大班人聚會宴客
店內盡頭有著特色的VIP房,磚牆、大圓枱、型格掛畫通通有齊,想大節大節開party?大家不妨可預早致電查詢,一大班人圍埋烚吓烚吓,簡直是「perfect池」!
* 資料由客戶提供