游水烤魚免費升級 加入鮑魚.生蠔!
小魚兒尖沙咀及黃大仙分店推出限定口味「釜山生蠔麻辣鮑魚海鮮烤魚」!引入不同配料務求將麻辣做到極致,但同時價錢亦相當吸引照樣是海鮮口味!
風味不變但配料升級,體驗不一樣的聖誕!

儼如日式居酒屋 飲盡多款酒類
如果你未食過「小魚兒」,我就講多少少背景先~雖然呢度主打多款烤魚,但其實更似一間日式居酒屋,因為呢度可以飲到好多款酒,清酒、梅酒、生啤等等數得出都有,仲有好多佐酒串燒小食,所以除咗有一班烤魚棒場客外,唔少人仲會夜晚嚟飲返杯Hea 吓㗎。
呢度有多款酒類,梅酒、清酒、生啤等都有。

QR code落單 用餐更安全
「小魚兒」有4款魚同7款湯底揀,人氣大熱嘅「江團魚」、被稱為魚王嘅「三刀」都有~魚款、湯底、辣度都可以用手機Scan QR code 慢慢揀慢慢落單,喺疫情下又可以減少同店員交流,安心好多。

今次自動升級嘅海鮮烤魚,就係Menu 上嘅「萬洲黃金香辣海鮮豆花」喇。海鮮款式同份量都好多,而且呢度嘅海鮮係店家每日親自去香港街市拎貨㗎,所以全部都係新鮮游水!個人覺得中、小辣都容易接受,辣味嚟得快又夠香,唔會遮蓋海鮮鮮味之餘仲吊一吊味,好過到辣癮。
鮑魚大大隻,每日新鮮街市入貨。

生蠔Juicy。

生蠔都可以單點追加,Order 其他烤魚都可以食到。

新出必食配料!
前文都話呢度儲落唔少熟客,因為店家經常推新嘢,成日嚟食都唔悶。最近就有「牛黃喉」同「鮮鵝腸」~兩款都係口感No.1 嘅配料,但口感又有少少少少唔同。個人覺得「牛黃喉」爽得清脆俐落,味道較淡主力Enjoy口感。
「牛黃喉」爽得清脆俐落。

「鮮鵝腸」就如其名真係新鮮,爽彈得嚟又比雪藏鵝腸多咗種QQ口感,而且掛湯能力強,有齊辣味+口感,又辣又Q彈好過癮。
「鮮鵝腸」夠新鮮,爽口Q彈。

佐酒串燒小食款好多,但估唔到最人氣係大路嘅「燒雞中翼」。雞翼係我自己最鍾意嘅中間開邊切法,因為皮肉更薄、燒得更脆,真係做到皮脆肉嫩,而且拎住竹簽食𠴱陣最方便。雞中翼有幾款口味揀,店家話孜然味最多人揀,獨特香草味又有少少辛辣,佐酒啱晒。
「燒雞中翼」燒得皮脆肉嫩,好香口。

「燒羊架」有羊味又唔羶,燒得啱啱好Keep 到嫩滑有肉汁。而且呢度係用環保陶炭烤爐,所以羊肉仲有微微炭香。
環保陶炭烤爐,令烤肉有淡淡炭燒香。

聖誕梗係要同朋友飲多兩杯,呢度新推「熱情果配Hoegaarden Rosee」同「青檸梳打配Corona Extra」,容易入口又打卡able,好啱女仔嗌。
「熱情果配Hoegaarden Rosee」酸酸甜甜又有花香。

「青檸梳打配Corona Extra」用玩味方式呈現Corona Extra 配青檸嘅經典味道。

小魚兒
地址: 尖沙咀金馬倫道16號金馬大廈1樓
電話: 23282122

地址: 黃大仙鳳凰新村環鳳街19號地舖
電話: 23210818
* 資料由客戶提供