海傍意大利菜 Happy Hour全港最長之一
每到夏天就好掛住海風撲面嘅感覺~其實喺香港都可以去個小旅行㗎。將軍澳恬靜海傍就有呢間A Tavola,食完飯沿海影相、踩單車好chill,餐廳更設海景戶外座位。無論你係將軍澳街坊,定放假想嚟海邊放鬆吓都好啱。

難得放假梗係想帶埋狗狗同行啦,A tavola 亦係一間寵物友善餐廳,同狗狗一齊望海食嘢不是夢。作為一間酒吧餐廳,呢度嘅Happy Hour時段相信係全港最長之一~因為午市、悠閒下午茶、晚市都有Happy Hour優惠㗎!同場仲食到高質意大利料理。

講起意大利菜,好多人只諗起速食pizza、意粉,其實地道意大利菜好高質㗎。所以A tavola 特別從可靠知名嘅本地、國際供應商引入新鮮健康食材,並將傳統意大利菜發掘更多可能性。

呢度有頂級烤肉、自家製pizza、高質意粉,同埋令人零抵抗力嘅甜品,好啱三五知己share㗎。

雞尾酒蝦
呢道經典開胃菜,真係永遠唔會令人失望。新鮮大蝦配埋蔬菜、醬汁一齊食清爽開胃。醬汁仲好有驚喜,係自製是拉差蛋黃醬加檸檬蛋黃醬而成。

柳橙石榴沙律
簡單優雅沙律鋪滿輕甜橙肉,炎炎夏日配埋沙冰好正。伴以石榴籽、菲達芝士更香濃富口感。

香烤八爪魚
如果你都鍾情Q彈口感,呢道香烤八爪魚好值得一試。咬落Q彈軟嫩,仲有淡淡煙燻香,Happy Hour佐酒一流。配菜有薯仔、番茄同自製莎莎醬

菲力牛柳
一咬落牛柳就feel到菲力牛柳一貫賣點—全牛最嫩肉位!配埋大廚特調醬汁牛味更濃。記住食埋伴碟嘅薯蓉、蘆筍同小番茄,吸咗肉汁好好食。

香烤豬扒伴菠蘿
夏天熱辣辣想食啲鹹鹹甜甜嘅嘢,一定要試呢道豬扒伴菠蘿呀。甜酸菠蘿突出肉味,又可以為超厚切豬扒解解膩,perfect match。

肉醬千層麵
大廚一手包辦呢道傳統意大利料理,牛肉肉醬特以慢煮處理,更腍更有肉味。當中嘅意式白醬更係靈魂,每啖千層麵都掛滿醬汁肉醬,濃郁豐富,食完有滿滿力量去海邊遊山玩水呀。

蘑菇意大利飯
意大利飯,係意大利家傳戶曉嘅地道料理。大廚亦依傳統意大利煮法,將全素配料煮得濃郁creamy,每啖都食到菌香㗎。

意式奶凍
召喚大家第二個甜品胃啦~經典意式奶凍以雲呢拿香油突出奶香,涼快滑嘟嘟係屬於夏天嘅甜品呀。

A Tavola Bar & Grill
地址: 將軍澳澳南海岸唐俊街23號MONTEREY Place 地下G08號舖
電話: 26633321
* 資料由客戶提供