意大利餐廳“PASTEAKO”，主打手工意粉同靚牛扒。店內環境營造電影《教父》風格，復古紅白地磚、酒紅色梳化、昏黃燈光好有feel。
今年5月新推母親節套餐，一次過滿足鋸扒、手工意粉兩大高級享受!! 套餐只係$498，包括自選手工意粉、牛扒、甜品；仲可以任食意粉同三文魚柳。CP值咁高，啱晒鍾意驚喜又精明嘅媽媽啊。
Pasteako母親節套餐$498
【自選意粉】 媽媽的心意卡普里色拉餃子 (Mom’s Heartfelt Caprese Tortellini)
蟹肉墨魚汁扁意粉 (Carb Linguini)
松露珍寶粗管麵 (Truffle Treasure Rigatoni)
提升Omega 3之選 (The omega 3 booster)
綠色健康之選 (Go Green go Healthy)
【自選美國USDA Prime 21天乾式熟成牛扒】 西冷扒 / 肉眼扒 升級M5澳洲Full Blood和牛肉眼扒+$198
【甜蜜結尾】 自家製提拉米蘇 (Homemade Tiramisu)
【Free Flow】 意粉&三文魚柳&醬汁 |
【自選意粉】
“PASTEAKO”主打手工意粉，全部人手新鮮製作，所以意粉款式特別有蛋香同煙韌㗎。今次套餐嘅自選意粉環節，就有意大利餛飩(Tortellini)、扁意粉(Linguini)、粗管麵(Rigatoni) 選擇，媽媽一定揀到自己心水意粉。
媽媽的心意意大利餛飩 (Mom’s Heartfelt Caprese Tortellini)
自家製意大利餛飩，內餡係Sunrise Cherry Tomato、水牛芝士同巴馬臣芝士。每一隻意大利餛飩都係人手捏製，口感軟糯又彈牙，飽滿芝士餡勁香濃!! 配埋鼠尾草牛油醬，有種獨特香草層次。
蟹肉墨魚汁扁意粉(Carb Linguini)
烏黑嘅墨魚汁扁意粉好搶眼!! 麵條真係有種海洋鮮味。醬料亦唔會好膩，而且每啖都食到蟹肉，好推薦鍾意海鮮嘅媽媽。
松露珍寶粗管麵(Truffle Treasure Rigatoni)
掛汁力十足嘅粗管麵，真係掛滿奢華松露醬!! 而且意粉口感好Q彈，每咬一啖，口中都會爆發濃郁松露香。加埋鋪滿嘅新鮮松露片，香味層層遞進幾有層次。
Omega 3提升之選(The Omega 3 Booster)
如果媽媽鍾意奢華食材，呢道加咗魚子醬嘅手工意粉就啱喇。手工意粉嘅蛋香，撞上吞拿魚肉同魚子醬好吸引!! 魚子醬仲會粒粒爆開，釋放海洋風味瞬間，又再食件牛扒真係一大享受。
綠色健康之選(Go Green Go Healthy)
想專注享受手工意粉口感同蛋香，呢道貝殼麵無加多餘配料，只係將菠菜融合貝殼麵糰，再灑上瑞可塔芝士。天然甜味融合芝士乳香，回歸樸實反而更突出手工意粉嘅精髓。
【自選美國USDA Prime 21天乾式熟成牛扒】
雖然“PASTEAKO”手工意粉做到咁出色，但佢哋都好專注做好牛扒㗎。甚至入座前可以揀把專屬刀鋸扒，8款餐刀分別嚟自意大利、德國、土耳其、波斯、日本、蒙古等地，各有刀具歷史文化，好有儀式感。
美國USDA Prime 21天乾式熟成牛扒，牛扒天然酵素會喺熟成過程中分解蛋白質，濃郁肉味會有種獨特風味㗎。另+198仲可以升級M5澳洲Full Blood和牛肉眼扒，罕見嘅純種和牛柔軟多汁又有油香，好值得升級!!
PASTEAKO
地址: 中環鴨巴甸街35號元創方B座Hollywood地下HG01-HG05號舖