如果你同另一半都鍾意試新嘢，情人節好值得去呢間“The Pearl”。大廚好擅長創作料理，重新演繹嘅法國/意大利菜都好有驚喜，而且會定期推出新料理，就算成日嚟都唔悶啊。
今次情人節套餐，全部都係限定料理!! 單單前菜嘅鵝肝布里脆球，就有個炸蛋酥包住鵝肝醬、漬青瓜等，一啖入口爆餡感覺好過癮。套餐5道菜只係$899/2位，仲會附送氣泡酒2杯㗎，即刻睇詳情啦~
“The Pearl”情人節套餐$899/2位
【前菜】 鵝肝布里脆球
【沙律】 意大利青瓜、焦糖車厘茄、焦花本菇暖沙律
【主菜各一】 紅酒慢燴牛小排 配焦糖洋蔥、普羅旺斯燴菜
香煎比目魚 配木魚花上湯白蘿蔔芯、大地魚及鯷魚汁、茴香沙律
【甜品】 焗香蕉蓉配伯爵茶忌廉 配自家製雪花酥
跟餐附送氣泡酒2杯 |
酒吧餐廳“The Pearl”隱身於尖沙嘴酒店，昏黃燈光營造情調及藝術感。
情人節套餐附送氣泡酒2杯。
【前菜】鵝肝布里脆球
記住要一啖入口嘅布里脆球!! 酥脆外層會爆出鵝肝醬，同時又有自家醃製漬青瓜、風乾蘑菇，鹹香微酸好特別。最後食埋炸蛋酥下面自家製嘅薄荷青檸啫喱、香料橙醬中和膩感，成個用餐體驗好圓滿。
意大利青瓜、焦糖車厘茄、天婦羅本菇暖沙律
如果你好怕沙律有陣草青味，呢個暖沙律就好啱你喇。因為全部蔬菜都煮熟咗，撈埋65度溫泉蛋漿又綿又清爽。
大廚仲好有心思將菠菜、芥辣汁整到好似牛油果咁，有種分子料理錯覺喎。上面仲有藜麥炸成嘅脆片，配上焦糖車厘茄、三文魚子、自家製檸檬焗蒜蛋黃醬(Lemon Aioli)、檸檬皮，撞出多層次口感味道，估唔到沙律都可以咁豐富啊。
【主菜各一】紅酒慢燴牛小排
今次情人節套餐可以食晒2款主菜，其中一道就係極厚切嘅牛小排!! 經3小時紅酒慢燴令肉質好軟腍，同時又保留到油花香味。
大廚更將經典法國菜—普羅旺斯燴菜伴碟，配上自家製焦糖洋蔥真係誠意十足。
香煎比目魚
配木魚花上湯白蘿蔔芯、大地魚及鯷魚汁、茴香沙律
另一道主菜都相當精緻，煎到金黃嘅比目魚好吸睛外，更特意配搭木魚花上湯煮製嘅白蘿蔔芯，完全切走帶澀味嘅白蘿蔔外層後，再用上湯煮到軟腍又清甜。
看似配菜嘅紫菜金菇卷都玩味十足，咬落去原來係帶子口感，同時滲出大地魚及鯷魚汁，真係有種食緊海鮮嘅錯覺。
【甜品】焗香蕉蓉配伯爵茶忌廉 配自家製雪花酥
“The Pearl”全店甜品都係自家製，而且有好多心思創作元素，真係好值得留肚試多兩款。
今次套餐甜品都好特別，一次品嚐高溫烤香蕉及焦糖香蕉兩款口感。加上伯爵茶啫喱、伯爵茶忌廉一齊食，口中會有種回甘茶味。而下層雪花酥、棉花糖、瑪利餅又撞出多重口感，絕對係令人驚喜連連嘅甜品。
【情人節限定雞尾酒】
“The Pearl”係酒吧餐廳，所以有駐場調酒師即調雞尾酒㗎。想情人節有儀式感，可以飲埋呢杯限定粉紅色雞尾酒—Bliss of Cupid($128)。以威士忌、士多啤梨奶昔、茉莉花、接骨木花調製出咁creamy嘅雞尾酒，飲落綿滑又有花香，酒味恰好唔會太強。
The Pearl
地址: 尖沙咀加連威老道20-22號瑞生尖沙咀酒店4樓
電話: 53281503