原來大坑手工意粉排隊店“Nocino”，喺觀塘同中環都有分店!! 今次嚟到觀塘店好鍾意個環境，木質傢俱、石牆、植物打造自然鄉村風格，亦有大玻璃好開揚，坐得舒服。
大坑手工意粉排隊店“Nocino”，觀塘分店好開揚。
木質傢俱、石牆、植物打造自然鄉村風格。
網上爆紅波浪意粉！
佢哋嘅手工意粉好有蛋香，嚟到必食網上爆紅嘅波浪意粉啊。除咗意粉，其實主廚兼老闆Matthew Ziemski 家族嚟自Ticino (瑞士意大利語區)，料理靈感就嚟自當地洞穴風格餐廳(Grotto-style)。
Nduja波浪意粉。意粉掛滿醬汁，配料有Nduja香辣意式腸、豬肉、意大利馬加邦尼芝士。
同場仲有多款手工意粉揀，口感彈牙。
老闆由倫敦移居香港 帶嚟瑞士南部料理
Matthew 之前喺倫敦任大廚多年，直至2019年移居香港開店，為香港人帶嚟好少機會食到嘅Ticino 料理。因為Ticino 喺瑞士南部(靠近阿爾卑斯山及接壤意大利邊境)，涵蓋冰川至栗子森林。呢種獨特地理造就洞穴風格餐廳(Grotto-style) 嘅鄉村料理。觀塘店仲要咁闊落，大家可以好似當地人咁一齊飲吓葡萄酒；又食吓芝士、冷盤肉類。當地嘅波倫塔玉米粥(Polenta)、意大利飯、新鮮手工意粉都好吸引。
和牛他他好有原始肉味，連埋牛奶蒜蓉蛋黃醬、脆薯一齊食。
【神秘Off Menu 芝士雞尾酒!】
Grotto Negron
呢度有駐場調酒師調製多款Cocktail/Mocktail 之外，原來有杯神秘Cocktail—“Grotto Negroni” 係Off Menu!! 將經典意大利調酒Negroni 噴上意大利戈貢佐拉芝士(Gorgonzola Cheese) 泡沫，再拎住原件芝士瘋狂刨絲，最後灑啲新鮮磨碎嘅肉荳蔻粉。
呢款經典酒Negroni 本身係用琴酒(Gin)、卡帕里酒(Campari)、甜苦艾酒(Sweet Vermouth) 調製，所以有琴酒嘅草本香、卡帕里酒嘅苦澀同 甜苦艾酒嘅輕甜。
加咗芝士後，第一啖飲“Grotto Negroni” 真係有種鹹香，之後又慢慢滲出Negroni 嘅苦甜酒味，兩種味道平衡交融好有魔力!! 真係會想追住嚟飲，嚟到真係要嗌嚟試呀。
Grotto Negron 噴上意大利戈貢佐拉芝士(Gorgonzola Cheese) 泡沫。
再拎住原件芝士瘋狂刨絲，最後灑啲新鮮磨碎嘅肉荳蔻粉。
【Cocktail】
Cocktail Menu 選擇都好精緻，有芙蓉花、薰衣草；甚至黑蘭姆酒同咖啡嘅風味。我哋飲咗幾款，酒味都係恰到好處唔會好嗆。無論鍾意果香或強勁啲嘅選擇都有。
多款Cocktail 都好精緻，各有特色。
Tamaro Sbagliato
卡帕里酒(Campari)/蘋果苦艾酒(Apple Vermouth)/氣泡酒(Sparkling Wine)
基調係出名苦甜嘅卡帕里酒(Campari)，未飲嗰陣以為會好苦。但蘋果苦艾酒(Apple Vermouth) 嘅草本果香提升返甜味，加埋氣泡酒(Sparkling Wine) 更易入口，真係幾有意外驚喜。
將卡帕里酒(Campari) 苦甜味，加入草本果香。
Ticino Spritz
意大利利口酒(Aperol)/芙蓉花/橙/氣泡酒(Sparkling Wine)
呢杯Cocktail 混搭瑞士及意大利風味，好似將Ticino 湖畔氣息變成雞尾酒咁。將意大利利口酒(Aperol) 加入芙蓉花花香、 橙皮碎，並以意大利氣泡酒Prosecco 混入清新香甜。相信好多女仔都會鍾意呢杯有花香、果香嘅雞尾酒。
集合花香、果香嘅雞尾酒，好多女仔都會鍾意。
Nocinotini
意大利核桃利口酒(Nocino)/ 黑冧酒(Dark Rum)/ 咖啡馬沙拉(Coffee Marsala)
想試吓咖啡雞尾酒(Espresso Martini) 結合 核桃利口酒(Walnut Liqueur) 會係點，呢杯Nocinotini 可能畀到答案你。調酒師加咗黑冧酒(Dark Rum)，多咗種型格氣勢。
而且呢度嘅意大利核桃利口酒(Nocino)，係老闆Matthew 嘅叔叔每年核桃季節喺家鄉Ticino 親摘核桃嚟釀製。遠自歐洲嘅獨特風味，好值得一試。
基調意大利核桃利口酒(Nocino)，係老闆Matthew 嘅叔叔喺家鄉Ticino 親摘核桃嚟釀製。
Clear Day in Maggiore
琴酒(Gin)/ 薰衣草/ 檸檬/ 氣泡酒(Sparkling Wine)
如果香港生活嘅印象係打開窗，只望到高樓大廈同鄰居曬衫……咁呢杯雞尾酒就用薰衣草、檸檬帶你去到歐洲嘅馬焦雷湖(Lake Maggiore)，氣泡酒(Sparkling Wine) 再加咗一種香甜活力。
以薰衣草、檸檬帶你去到歐洲嘅馬焦雷湖氣氛。
【Mocktail】
如果你平時唔飲酒，呢度嘅Mocktail都好吸引，有百香果橘子、檸檬蜂蜜同芙蓉玫瑰伯爵茶口味揀。
KATARINA- Passion Fruit Tangerine Fizz
葡萄柚/ 菠蘿/ 碳酸水
強勁碳酸泡泡，又有葡萄柚同菠蘿果香，好啱夏天解渴!!
碳酸泡泡好解渴。
Sù-Chee- Lemon Honey Gazosa
Lemon Shrub/ 碳酸水(Carbonated Water)
甜美蜂蜜同酸爽檸檬好Refresh。
想Refresh啲可以揀呢杯。
Gelsomino- Hibiscus Rose Earl Grey Fizz
芙蓉花/ 玫瑰糖漿配碳酸水
呢杯紅色Mocktail，無論味道同外型都好高雅，同“Nocino” 嘅自然風格衝撃得幾有趣。
喺自然風格下享用高雅Mocktail，衝撃感幾有趣。
Nocino(香港)
地址: 香港大坑銅鑼灣道92E號地舖
電話: +852 60121098