仲未諗到情人節食咩好，如果有齊生蠔、魚子醬、龍蝦、和牛、日本野 生黑舞茸菇……齋諗食材已經夠滿足啦!! 全新北歐風裝潢“Lab Eat Restaurant & Bar”推出情人節套餐。
呢度以創意料理聞名，擅於重新演繹矜貴食材，今次連生蠔都做到有驚喜!! 套餐更送2杯紅白餐酒／Cocktail／Mocktail，係情侶福音呀。
【前菜·頭盤】法國生蠔Sea to Table
情人節套餐真係由頭盤矜貴到甜品，無一道料理係配襯品。單單前菜—法國生蝶(4隻)及魚子醬，就係法國南部水域直送生蠔，運送途中唔會經過供應商處理，真係做到sea to table效果，海水味特別濃郁。
生蠔上面仲有招牌黑魚子醬，獨特鹹鮮完美融入生蠔，雙重鮮甜好正。
接續上枱嘅頭盤—香煎法國鵝肝，鵝肝煎到外脆內軟好吸引!! 再配埋焦糖化日本梨子，以酸甜味道平衡鵝肝膩感。
另一頭盤—北海道帆立貝薄切及魚子醬相當唯美，薄切帆立貝鋪滿花花真係好啱情人節氣氛，花花仲可以食埋㗎。
相當佩服大廚刀功，將加拿大刺身級帆立貝切得薄如紙係好大挑戰。薄切唔只擺盤靚；亦更突出天然貝味㗎。
【熱湯】日本黑舞茸菇·龍蝦海鮮
一直好鍾意“Lab Eat”所有細節都做得出色，自家熬煮嘅熱湯係可以食到粒粒食材口感。好似泡沫黑松露菌濃湯，每啖都有種菌類口感，加埋北海道牛奶泡沫煮製，香滑程度直逼Cappuccino。
另一道法式馬賽龍蝦海鮮湯，就融合傳統法國龍蝦湯、馬賽海鮮湯兩種煮法，一啖會有幾種海鮮層次，真心兩款湯都好值得一試呀。
【主菜】M8和牛·鮮活龍蝦·海膽·蟹肉
呢個套餐係可以食晒兩款主菜，有齊和牛、有龍蝦已經好吸引!! 澳洲 M8和牛西冷及日本野生黑舞茸菇會先將澳洲和牛低溫慢煮，鎖住肉汁；再高溫炭燒逼出肉香，比一般牛扒更加軟嫩、重肉味。
另外，鮮活龍蝦及海膽蟹肉意大利飯保留咗“Lab Eat”開業以嚟追求完美嘅概念，由備料到煮製都毫不馬虎。米飯係用咗6種海鮮熬製5小時，並用特別方法將龍蝦拆殼慢煮，令飯粒同龍蝦肉都更加香濃。唔只食材身價矜貴，心思煮法都做出驚喜。
【甜品】玫瑰甜心
好多熟客都為咗“Lab Eat”甜品而嚟，因為呢度係少有餐廳擁自家甜品師，定期設計各款打卡甜點，唔係現成貨可媲美㗎。
今個情人節，甜品師用佢嘅創作世界觀，設計呢款簡單而隆重嘅甜品。以最頂級法國忌廉做出慕絲，比一般忌廉柔滑得多，獨特香甜而不膩。經過多次調較份量，並用特製模具先做出呢款玫瑰荔枝甜品。
【飲品】紅白酒／Cocktail／Mocktail
今次情人節套餐包2杯飲品，除咗紅白餐酒亦有Cocktail或Mocktail揀，無論飲唔飲酒都有儀式感。
Italian Valentine(Cocktail)
融合咖啡同酒香好特別，基調係巴西單品咖啡豆，再加上法國咖啡酒、鮮忌廉及比利時朱古力。有種意大利芝士餅嘅微妙感覺，入口先有絲絲朱古力甜味，再變化成微苦咖啡香，最後滲出酒味。
Valentine's Golden Special(Mocktail)
Mocktail獨特金粉儼如星空幻變，上面仲有新鮮食用花花好IGable。調酒師特以法國紅加侖子蓉、美國黑加侖子自製成糖漿，再倒入梳打水撞出清爽感覺。
(左)Italian Valentine(Cocktail)、(右)Valentine's Golden Special(Mocktail)
LAB EAT Restaurant & Bar (金巴利道)
地址: 尖沙咀金巴利道87-89號僑豐大厦地下1-2號舖
電話: 28331976
旺角店亦推出另一款，價格為$1388的高性價比情人節套餐。
詳細資訊可致電旺角分店，電話號碼為2352 5655。分店位於旺角彌敦道700號T.O.P. This is Our Place 5樓502號舖