如果尖東海傍曾經係你哋約會地方，今年情人節去海傍附近餐廳“Mulino”食地中海菜，飯後就可以重遊舊地去海傍散步啦。
“Mulino”由兩大總廚主理—埃及烹飪總監Mohamed Hegazy、摩洛哥籍行政總廚Faycal El Moujahid，二人以多年外國酒店經驗重現高級地中海菜。今年情人節套餐有炭燒牛柳、鵝肝醬、甜品等，同場仲有駐場調酒師設計多款雞尾酒㗎。
異國航海裝潢，天花掛滿燈泡好浪漫。
情人節套餐$688/人。有鵝肝醬、炭燒牛柳、甜品等，精緻擺盤好啱約會。
“Mulino”情人節套餐
【前菜】 鵝肝醬冷盤(Foie Cras Terrine)
【主菜】 香煎魔鬼魚(Skate Wings) 炭燒牛柳(Beef Tenderloin)
【甜品】 百香果椰子蛋糕 |
【前菜】
鵝肝醬冷盤(Foie Cras Terrine)
情人節套餐先以自家製鵝肝醬揭開序幕，好有儀式感。大廚以頂級鵝肝醬加入一系列香料，鵝肝口感細膩會於口中慢慢融化，並滲出濃郁鵝肝香氣，絕對係奢華享受。
【主菜】
香煎魔鬼魚(Skat Wings)
唔講唔知，原來地中海菜係健康菜系。當地人主要用蔬菜、香料調味，將調味料減至最少，盡量保留肉類、海鮮天然風味。加上“Mulino”主廚堅持只用外國食材，就算望落簡單菜式都幾有驚喜。
好似呢道香煎魔鬼魚，因為魔鬼魚夠新鮮。你會發覺食落好少調味料，但又好有魚鮮。配上耶路撒冷雅枝竹茴香沙律，清爽之餘，雅枝竹仲有種獨特軟嫩口感。
炭燒牛柳(Beef Tenderloin)
呢度係香港少有設真·炭爐嘅餐廳，所以好多熟客嚟到必食炭燒扒同海鮮。今次情人節套餐就有呢道炭燒牛柳啦。全靠炭爐夠高溫，可以瞬間將牛柳燒到有炭香，內裡肉質又keep到好粉嫩。
炭燒牛柳嘅配菜都用上矜貴食材—松露薯蓉、蔬菜紅酒汁，成個用餐體驗都好圓滿。
【甜品】
百香果椰子蛋糕(Passion Coconut Cake)
最後兩個人一齊share蛋糕甜品，再去尖東海傍散步好有氣氛。蛋糕富獨特椰子香，加埋微酸百香果解解膩。
Mulino
地址: 尖沙咀麼地道62號永安廣場地下1-6及45-46號舖
電話: 27213600