情人節花花料理! 異國風黎巴嫩菜
情人節想遠離鬧市浪漫吓,原來東涌都有唔少異國風餐廳。呢間“Maison Du Mezze”更係由黎巴嫩人開設,堅持全用外國食材,品嚐食材原始味道。店內特設炭爐燒製海鮮、肉串勁有地道風味。
香港少有餐廳設炭爐,炭燒海鮮、肉串都好高質。

“Maison Du Mezze”以籐吊燈、乾草點綴,充滿輕鬆度假氣氛,就算初約會都無咁拘謹。今年推出情人節套餐加入花花元素,無論沙律定主菜都好唯美,仲可以食落肚㗎。
店內洋溢輕鬆度假氣氛。

套餐有前菜、熱湯、烤海鮮、2人份法式千層酥皮配羊肉煙燻飯 同 甜品,飯後仲可以去附近海邊散步睇風景。
情人節套餐$580???

前菜·Bunch of Endive Flowers
點諗到前菜都可以送花~因為沙律加咗粉色比利時菊苣,香味清新又略帶甜味、堅果味。拌上外國沙律菜、核桃蓉、橙子肉桂醬等一齊食,清爽有層次。
比利時菊苣沙律

熱湯·Moroccan Seafood
其實黎巴嫩菜好健康,好多料理都會加入番茄、小扁豆、鷹嘴豆等食材。而呢道摩洛哥熱湯用咗多種天然配料煮製,最後加入蝦肉令味道更豐富。
摩洛哥熱湯

主菜·Grilled Seafood Bil Laban
如果係高質海鮮,真係唔使多餘調味料,就算簡單炭燒鎖住鮮味已經好好食~呢道料理就一次過呈現4款炭燒海鮮—
盲曹、帶子、章魚、大蝦,可以蘸上黎巴嫩乳酪醬一齊食。
烤海鮮 配黎巴嫩乳酪醬

主菜·Surar Ouzi(2人份)
另一道主菜單憑外觀真係睇唔出係咩,原來法式千層酥入面係滿滿慢煮澳洲羊肉醬煙燻飯。米飯乾身分明,連埋軟嫩羊肉同酥皮一齊食,多重口感好特別。
法式千層酥 配慢煮澳洲羊肉醬煙燻飯

一切開酥皮好爆餡。

甜品·Banana & Milk Chocolate Mousse(2人份)
最後就以香蕉牛奶朱古力慕斯甜品作結,creamy口感有滿滿幸福感。
香蕉牛奶朱古力慕斯

【定期推出全新菜式】
外籍大廚會定期設計新菜式,值得期待~

【特調雞尾酒】
情人節最緊要有情調,呢度駐場調酒師設計出多款cocktail,好多都IGable㗎。
滿滿冬天氣氛嘅雞尾酒。

花朵主題雞尾酒。

Maison Du Mezze
地址: 東涌怡東路9號香港東涌世茂喜來登酒店地下G10號舖
電話: 23300131
* 資料由客戶提供