就係Freestyle! Angry Oppa韓式好滋味
香港首間始祖韓國煎餅料理專門店「Angry Oppa Restaurant & Bar」,一向以「憤怒」見稱!何解?有謂「Many Cheese Soso Angry」,據聞它們主打的韓式熔岩pizzz極邪惡,拉絲效果出神入化,直接震撼韓系吃貨。現在,更推出名物如可以DIY的韓式煎餅、傳統的一人火鍋及專為午市來個極速「邪惡」的超薄pizza,亦足見其「味」力迫人。

「火」熱美食逐個捉!
學做Chef Le Mon:Freestyle Pancake
Freestyle 煎餅:有齊全副「裝備」
講到明係freestyle,就是任你玩、任你揀的「自家製」煎餅。整個排場分別有:有韭菜、蔥、蝦、泡菜、牛肉、蛋、自家製煎餅漿(已調味)、莫薩里拉芝士,加上一個已落了麻油的煎鍋(同時附上一個小形針筒麻油以供添加),一般可以製到九至十二塊煎餅。

玩法是先把油放到Pan的圓孔,再用油掃掃到均勻,把已調味的煎餅漿倒入圓孔內,自行加入你喜愛的配料,當煎餅凝固後把它反過來。配料悉隨尊便,可以落一半紅色泡菜、加一半透明蝦肉。又或者想脆口點,又可以煎煮耐一點,外脆內腍,學Chef Le Mon咁露兩手,啱晒情侶二人密密食,又或者一家大細一齊親身上陣,食得飽肚又幾好玩。

配料有六款,可以隨意加添。

圓形煎鍋細細哋,方面自己DIY。

韓式傳統湯底之一人火鍋:海鮮湯鍋
一人火鍋有四個選擇,以上是其中的「海鮮湯鍋」,另可追加(加錢)配其他配料。

飲得多港式的老火靚湯,都可以試下韓系的傳統湯底。這個以「一人邊爐」做idea的「韓式傳統湯底之一人火鍋」。四款湯底選擇包活有:海鮮湯鍋(鮮蜆湯底)、鮮糕青口湯鍋、牛肉湯鍋(牛骨湯底)及泡菜豬肉湯鍋(泡菜湯湯底)。湯鍋湯底各有不同風味,原鍋本身隨有足料雜錦配料,好似有雜菌、白菜、青口、洋蔥、蔬菜、蝦等。

一人鍋底未夠喉,可追加配料如牛肉片、雜菌、芝士、豬肉片、魚糕片、魚糕串、韓式年糕。建議先食鍋底配料,再慢慢打邊爐。
其中一款配料為特製魚糕串,店主幾經搜攞,麵粉與魚肉的比例調教得宜,彈牙軟腍質感都有。

可追加的還有「芝士」,「芝士打邊爐」是店主自創的,原來味道同「佢」至夾,出奇地好食。

超薄Pizza出現!只限午市供應(5:30pm前供應)
這塊薄餅又別於其招牌的熔岩pizza,薄薄地,但內裡芝士同樣滿滿。
想Lunch來個快速的「邪惡」體驗,都可以揀個專為晏晝速食一族而設的超薄Pizza。每個份量比其招牌薄餅較薄較輕,但店主都不忘加入「拉絲」的邪惡元素,啖啖都好「芝」味。

一拉見有一絲絲芝士,睇見都想食!

除了以上新口味,亦順帶一提Oppa style 韓國特色必試薄餅美食!
韓式熔岩芝士原味比薩批

Cheese不離口:韓式熔岩芝士原味比薩批
芝士做到好似「熔岩」係點?呢個pizza批可以話過你知!這款8吋大比薩批厚度十足,佔九成的芝士餡料拼入麵粉粉團,經過多番試驗後,練就這款可以畀大家「相機食先」的極邪惡pizza。加入特製韓式醬料,內脆外軟不會太膩,同時又「cheese全部都係cheese」,感覺飽滿豐腴!

韓式年糕比薩批

另類年糕:韓式年糕比薩批
另一種滋味由「年糕」出發,年糕加麵粉底,感覺非常澎湃。由店主訪韓期間,在一間甜品店發現這個「年糕+pizza」的組合,遂把它帶到香港發揚光大。內藏多個韓國街頭小食,感覺好「Korea」。

韓式海鮮薯泥比薩批

「畢嚟食」的pizza:韓式海鮮薯泥比薩批
將薯仔打成蓉,整成這個可以「畢」來食的可口比薩。薯泥中混有芝士、海鮮加上韓國特色醬汁,襯熱食嘗到綿滑口感。
* 資料由客戶提供