尖沙咀酒吧! 炭燒串燒+清酒睇歐國盃·奧運
7月真係好忙呀!歐國盃進入決賽階段;巴黎奧運又開鑼,係時候約定朋友一齊飲酒睇比賽啦。尖沙咀串燒酒吧「404 Not Found」,員工會用戶外炭爐即燒串燒,好似懶人BBQ串燒咁爽呀!
戶外空間好大,好啱同朋友飲酒傾偈。

員工即場炭燒串燒,熱辣辣好有風味。

「404 Not Found」隱身於商業大廈,室外室內佔地逾5000呎。睇Google Map係金巴利道45號個正門搭𨋢上4樓。不過我哋發現都可以由諾士佛臺直行到12號對面大門行兩層樓梯就到啦!

諾士佛臺12號對面,行入大門上兩層樓梯就到好方便。

樓梯掛滿霓虹燈,好有氣氛。

入到嚟空間感好大,室內外共超過150個座位。採用傳統英式酒吧風格,仲有桌球枱、霓虹燈、波希米亞風裝飾牆等。人多場靚,好適合包場Private party,喺度睇賽事夠晒熱鬧。
「404 Not Found」個場真心靚,採用傳統英式酒吧風格。

仲有桌球枱畀大家玩。

【人氣優惠】7月約Friend飲酒睇比賽!

即日起至2024年8月31日,10pm前結帳並出示OpenRice指定優惠券,即享晚市全單85折。

 

(優惠不適用於假期前夕)


呢度全部串燒都係即場炭燒,好有風味!! 牛面登、雞腿肉、羊卷肉都好鎖到肉汁,食落彈牙juicy。海鮮就推薦虎蝦、燒蠔、帆立貝,全部都係新鮮運到㗎。當然仲有丸類—牛丸、墨魚丸、台灣一口腸等;蔬菜就有粟米、蒜蓉牛油金菇、原條茄子、菠蘿等,選擇好豐富啊。
炭燒肉串真係特別惹味。

虎蝦串燒都幾大隻。

好多熟客嚟食串燒都話飲清酒最暢快,所以「404 Not Found」特別引入多款日本清酒。就算唔熟清酒都唔緊要,調酒師已經幫大家配搭好最啱嘅串燒x清酒組合,照住嚟嗌就搞掂啦。
肉類x清酒組合推薦

海鮮x清酒組合推薦

蔬菜x清酒組合推薦

除咗一系列炭燒串燒,呢度仲有pizza、意粉、德國豬手等,食飯飲酒直落無難度。火箭菜巴瑪火腿薄餅批底幾脆,最重要鋪滿鹹香巴瑪火腿,好啱飲酒。另外海鮮汁虎蝦扁意粉真係好少酒吧餐廳做到咁精緻,扁意粉仲好掛汁,入口鮮甜綿滑幾滿足。
火箭菜巴瑪火腿薄餅

海鮮汁虎蝦扁意粉

如果一班人睇比賽,一定要叫份燒德國咸豬手配酸椰菜share。豬手慢烤到外酥內嫩,最鍾意一啖肉、一啖酸椰菜平衡鹹味,飲埋啤酒一流啊。
燒德國咸豬手配酸椰菜

【IGable雞尾酒】
睇波點可以唔飲酒,呢度嘅紅白酒、生啤、清酒、雞尾酒都應有盡有。女生可以揀較甜嘅HTTP404,以混合漿果、自製玫瑰糖漿、琴酒Bombay Gin、馬天尼Mancino Vermouth Dry等調配。上枱嗰陣仲有夢幻仙氣,影相幾靚㗎。

呢杯Drunk 404酒味會濃好多,因為主要用酒品調製—香檳、荔枝利口酒、伏特加、雪碧調製。連側邊點綴嘅啫喱,都係用呢杯雞尾酒製成,係食得飲得嘅cocktail啊。

404 Not Found
地址: 尖沙咀金巴利道45-47號金巴利廣場4樓
電話: 37934166
* 資料由客戶提供