近年好多人都鍾意去旅行發掘一啲唔係咁多人知、唔係有好多KOL推介過、藏身於民居之中嘅小店。如果你都係其中之一，仲特別熱愛Cafe Hopping嘅話就唔好只係停留喺氹仔喇！今次為大家推介4間北區Cafe超級適合去Chill足一日，有心水嘅記得Bookmark定下次去！
Photo by Jjccaa
因為歌手林宥嘉曾於社交媒體上介紹過，喺澳門有好幾間分店嘅MOMOKAWA 百川咖啡近年於網上非常多人討論。佢嘅本店位於祐漢區，以極簡主義、侘寂（Wabi-sabi）美學同人手工藝為品牌嘅設計理念。
佢哋嘅招牌冰滴咖啡係採用自家烘焙拼配豆，以較濃的水粉比例用接近大半日時間一滴一滴地低溫萃取。佢哋大受歡迎嘅打卡系咖啡有兩款：The Peak 峯入口味道似Tiramisu，官方介紹都話佢係一杯可以食嘅飲品，建議飲法係一啖咖啡一啖奶油咁飲；Yukidama Latte 雪玉拿鐵係以米奶同濃縮咖啡為基底，可愛嘅圓頂泡泡係自家製米奶泡沫，飲落清爽仲好有米香！
Peace of Cake 網上訂座
Peace of Cake係集復古韓風小清新於一體，裝修設計同食物賣相都超級少女心嘅打卡系餐廳。餐廳主要供應輕食如意粉、意式燉飯、甜品同茶飲，亦設有素食Menu方便大家聚餐，如果想喺呢度影OOTD嘅建議要著白色或碎花系列！
貓哥小店係貓奴必去嘅貓貓主題Cafe！佢哋有超可愛嘅貓貓造型厚吐司（有白白貓、花貓同三色貓三款圖案選擇）、手工抹醬Bagel、公司三文治、貓掌造型刈包同焦糖雞蛋布甸雪糕，款款都設計到令人只想瘋狂打卡、唔捨得食！
位於舊城居民區、門面設計簡約而搶眼嘅以墨綠色小店，同佢個名一樣係好多街坊心中嘅城市綠洲。佢哋提供三款風味不同嘅咖啡豆予客人選擇，決定唔到飲咩嘅可以先喺櫃檯聞聞Tasting Notes。另外佢哋每週末供應嘅小島肉桂卷亦有好多人喜愛，晨早經港珠澳出入嘅朋友可以睇吓有冇機會過嚟試試！