夏天想去睇吓海，東涌係個遠離人煙嘅好地方。酒店附近仲有間黎巴嫩餐廳“Maison Du Mezze”，用真·木炭爐烤肉扒、海鮮，獨特炭香勁吸引啊。
餐廳裝潢曾入圍國際餐飲設計大賽。大空間好啱家庭樂、拍拖或朋友聚會。
外籍大廚Samer主理，利用外國食材、香料煮製驚喜味道。
今年夏天菜單，啖啖肉得嚟又好開胃～好似烤黎巴嫩沙甸魚、燉羊腿都好佐飯。記住食埋黎巴嫩經典菜式—炸鷹嘴豆餅，係脆卜卜嘅健康菜式。
烤黎巴嫩沙甸魚(Grilled Lenanese Sardines)
沙甸魚本身就有種獨特海水味，鮮甜又有微微回甘。所以簡單烤熟最保留到風味，又有種外酥內嫩嘅口感，低負擔好啱夏天氣氛。
阿拉伯香草燉羊腿 配米飯(Laham Bil Laban)
地中海菜嘅羊肉料理一向出色，可以將羊肉煮到軟腍肉香之餘，又唔會太重羶味。呢道阿拉伯煮法會將羊腿連醬汁一齊上，鍾意多汁撈飯嘅話必食。
慢煮羊腿配米飯(Lamb Ouzi)
另一款羊腿就無醬清爽啲，羊腿直接同米飯一齊上，令飯粒吸滿肉香精華啊。
炸鷹嘴豆餅(Falafel)
一定要食嘅經典中東素小食!! 唔好以為無肉就唔好味，鷹嘴豆炸到外脆內綿，就算平時唔食豆都會好鍾意㗎。
Maison Du Mezze
地址: 東涌怡東路9號灣景薈地下G10號舖
電話: 23300131