身為專業牛控，一般鋸扒已經滿足唔到喇。今晚食穀飼牛定草飼牛？西冷定牛腰扒？Lab Eat Bistro表示why not both。最近新推「牛扒Omakase」每位$488(2位起)就有3款牛扒、再以最底價$98 加配榮獲Wine Spectator TOP100百大酒款嘅紅酒、香檳等，一嚐Wine Pairing對牛扒、海鮮嘅味道變化。
「牛扒Omakase」每位$488(2位起)
【3款牛扒+紅酒】
大廚會依時令引入各款牛扒，今次我哋就食到澳洲穀飼M4+板腱肉扒、美國穀飼牛腰扒、慢煮澳洲M6草飼西冷牛扒。揀咗7成熟，肉色係好鮮嫩嘅粉紅色，啱啱好呀！
澳洲穀飼M4+板腱肉扒
澳洲穀飼牛無論油花、肉味、肉質都比較平均。板腱肉其實就係肩胛位，肉質柔軟又彈牙，一咬落去仲好juicy。
美國穀飼牛腰扒
牛腰位脂肪較少，口感紮實有嚼勁，愈食愈有肉味。
慢煮澳洲M6草飼西冷牛扒
草飼牛係草地放養嘅牛牛並以野草為主食，所以有種原始肉味，經慢煮後肉味更突出。
牛扒Wine Pairing推薦配紅酒，2選1有澳洲Torbreck Shiraz Barossa Valley Woodcutters／美國Columbia Crest Reserve Cabernet Sauvignon。前者被評為世界前100名酒莊之一，以紫羅蘭、白胡椒同甜奶油味為前調，後續會滲出越橘、野藍莓味道；後者味道成熟，會喺口中散發黑醋栗、黑莓、紫羅蘭、黑巧克力同黑胡椒風味，餘韻持久。
【牛扒Omakase套餐】香檳+海鮮．紅酒+牛扒
Wine Pairing可以將料理提升幾個層次，每支紅酒嘅單寧、酸度、酒精比例，都會影響牛扒油脂、口感同味道。如紅酒單寧偏重，會令帶嚼勁嘅牛扒愈食愈有牛味；若紅酒偏果味，配油脂重嘅牛扒又可中和油膩感。
套餐有4款Top100紅酒、香檳選擇。
「牛扒Omakase」套餐包括前菜2道、牛扒3款、甜品，仲可以加配Wine Spectator TOP100紅酒、香檳各1杯，最低$600左右就試到Wine Pairing威力，非常抵食。
【前菜+香檳】
刺身級帶子
刺身級帶子本身已經好鮮甜，簡單配青蘋果、柑桔油同洋蔥醬就好好食。一開始先食啖帶子，再飲啖香檳會發現味道層次更豐富，愈食愈開胃！
薯蓉配溫泉蛋
本身以為係平平無奇嘅薯蓉，一舀開先發現內裡有溫泉蛋，將爆出蛋漿撈勻薯蓉食更加軟綿綿。
前菜Wine Pairing推薦飲香檳提鮮，2選1有法國Louis Roederer Collection 242 NV／法國Piper Heidsieck Cuvee Brut NV。前者有白櫻桃、鬆脆嘅菠蘿、綠杏仁同蜂蠟味道，層次分明，係俄國沙皇同英國皇室御用香檳品牌；後者則獲獎無數，由多次贏得International Wine Challenge"年度最佳香檳和氣泡酒釀酒師"Régis Camus精心製作，口感輕盈，有成熟黑櫻桃、碎薑、烤麵包片同光滑慕斯上嘅礦物質味道。
【自家製甜品】法式檸檬撻
呢度有甜品師傅每日親製，所以甜品一向好高人氣㗎。食完咁多款牛扒，以微酸嘅法式檸檬撻清味蕾好清爽。
Lab Eat Bistro
地址: 旺角豉油街36-42號榮高大廈地下-2樓
電話: 23337177